Proverbios 30:4 - La'aqtaqa Ñim Lo'onatac 'Enauacna 2013

⁴ ¿Negue'tom ca ishet co'ollaxa da tasheguema na piguem qataq ñe'eguelaxañi? Qataq ¿negue'tom ca ishet da nllañi na la'at da ỹauota'a na lhuaq? Qataq ¿negue'tom ca ishet da ỹauo'o ca lpataxaalec na 'etaxat aso auaxai? Qataq ¿negue'tom co'ollaxa ca ỹo'o't naua loga'te ana 'alhua? Qataq ¿negue'tom ca ỹaỹaten ca le'enaxat Ñimaye qataq ca le'enaxat ca llalec?

Proverbios 30:4 Referans Kwoze

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Da na'aqtaguec so Job 26:8

Ñimaye ỹapoua'a na 'etaxat huetaigui naqa'en na lo'oc na piguem qalaxaye namaye da lsallaxa saishet da icolaxata'ague na lo'oc da yaqto' naañi,

Isaías 9:6

Cha'aye ñiguiñi qome ca nogotolec, Ñim Lo'onatac 'Enauacna qomi' ỹanema ca 'oonolec llalec, qaq camaye qoỹanagui qome da la'añaxac da nta'a, qataq qoỹanagui qome ne'enaua ne'enaqa'ate: Qaỹa'aalaque naua lqataxaco, Lo'onatac 'Enauacna maye 'añaxaic, Nta'a maye chochaq tatec, qataq Chegoqchigui da nlagaxayec.

Isaías 7:14

Qaq ỹoqo'oye Ñim Nataxala' Nacheñi ñim qami' ỹanema qome ca na'anec: Aca qa'añole hualaxai qome nache acamaye ỹale qome ca llalec, qaq que'eca llalec acamaye ỹanagui qome da le'enaxat Emanuel, maye naigui da: ‹Ñim Lo'onatac 'Enauacna qomi' hueta'agueta.›

Deuteronómio 30:12

Qataq saishet da hueta'ague da piguem da huo'otaq qoñiita' ca qara'aqtaqui: ¿Negue'tom ca ishet da tasheguema na piguem da yaqto' qomi' nda'alo da yaqto' saỹatenaq, qataq da salaxasoxoguet de'era napaxaguenataxanaxac?

Apocalipsis 19:12

Qaq naua la'ai'te 'eeta'ama na le'eraxa na norec; qaq na lqaic netagui ana ỹataqta qalota naro'o na nta'a, qataq nanettalec so ne'enaxat maye chaqsota Somaye da ỹaỹaten.

Romanos 10:6

Qalaxaye 'era da la'aqtac nam pi'iỹa'a Ñim Lo'onatac 'Enauacna yaqto' Ñimaye ỹaỹamaxareeta namayepi 'eeta': «Saishet da 'autaqtague' da 'arquiyaqteỹaxac da qoneta': ‹¿Negue't ca ishet da taỹot na piguem?›, damaye 'eeta' negue't ca taigue da piguem da yaqto' iỹaxanot So Cristo da huenotec.

Deuteronómio 28:58

Qaq 'am qom sa 'anapaxaguena 'enauac na nqataxacpi maye nanettalec ana'ana nere, qataq qaica ca 'enec 'anqa'en da ỹo'oxoraic le'enaxat Ñim Nataxala' maye 'Anatamnaxala',

Isaías 53:8

Co'ollaq qaỹaconeua'a qalaq ỹataqta saqairen qataq qaica co'ollaxa ca iueelec, qataq qaica ca qochetega somaye. Qataq qanqateeguesop ana 'alhua, nache qaỹalauat souaxat na lasouaxashetpi na ỹalamaxat nhuo' le'ecpi.

Salmos 68:18

'Am Ñatamnaxala', 'asheguema co'ollaxa na qaỹoqotcheguema da 'auauec na 'oxonecpi, nache 'auaconeguet ana lsheetenaxanaqte na shiỹaxauapi, qataq ivira'a na saỹalaq huo'o 'anqa'en añi isheeten.

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

Éxodo 6:3

Ñachaxana co'ollaxa so Abraham, Isaac qataq so Jacob, qaq da ỹe'enaxat 'eeta': Atamnaxala' maye Qaica ca Ỹaqalanapec. Qalaxaye saishet da saỹaanaxanaxanec co'ollaxa soomaye da ỹataqta ỹe'enaxat maye Nataxala'.

Jueces 13:18

Qalaxaye so nale piguem le'ec Ñim Nataxala', 'enapec: ¿Ta'ainco' ye 'auauotaique da 'auaỹaten cam ỹe'enaxat? Ye damaye ỹataqta ỹapogoñi qataq ỹo'oxoraic.

Lucas 10:22

Ime, nache So Jesús 'enapego' so shiỹaxauapi maye hueta'aguet Somaye, 'eeta': «Ñi Ita'a Aỹem imato'ot 'enauac na lataxacpi, qataq qaica ca Aỹem ỹauattoota da 'ena'am Ñimaye. Qataq Aỹem maye Aỹem Llalec, ỹataqta sauattoota Ñim Ita'a maye Lo'onatac 'Enauacna, qaica ca shena'am qataq maiche lleca'aua'a cam shiỹaxaua maye sauotaique da ỹauatton Ñimaye da 'ena'am Aỹem.»

Mateo 11:27

Ime, nache 'enapega som hueta'a yi'iye, 'eeta': «Ñim Ita'a Aỹem imato'ot 'enauac da lo'onataxanaxac qataq nachaqaỹemta da Aỹem ỹauatton, cha'aye Aỹem Llalec. Qaq qaica ca ishet da ỹauattoota Ñim Ita'a da 'eeta'am Aỹem. Ỹoqo'oye sauotaique da sa'aqtaxanem ca lỹa shiỹaxaua da sa'axat ñi Ita'a, yaqto' nataqa'en camaye ishet da ỹauatton Ñimaye.

Jeremías 23:6

Qaq qom ñaq do'onataxaatac camaye, nache nca'alec qome na Judá, nataqa'en na Israel qaica qome ca ndaqtaique. Qaq 'era da le'enaxat da qaiỹaxana qome camaye: ‹Ñim Nataxala' nacheñi ñim qarca'alaxaqui.›

Salmos 24:2

Cha'aye Ñimaye lapaxañi co'ollaxa so lo'oxonaxala' ana 'alhua, nache na'attalec naqa'en aso auaxai qataq na talapi.

Salmos 22:27

Qaq tachigui lauel qome Ñim Nataxala' nache ỹe'eguelaxa Ñimaye 'enauac na ỹotta'a't shiỹaxauapi maye neta'alo naua loga'te ana 'alhua. Qataq 'enauac na llalaqpi na ỹotta'a't shiỹaxauapi da ỹa'aldoto qome naua l-llecte Ñimaye.

Génesis 32:29

Qaq huaña nache so Jacob inato' somaye, 'eeta': «Nagui nache aỹem 'aua'aqtaxanem 'eetec ca 'are'enaxat.» Nache se'eso shiỹaxaua 'enapeco': «¿Ta'ainco' da 'aunataxaateguec ca ỹe'enaxat?» Qaq nache huaña yemaye da se'eso shiỹaxaua, ỹasaxalec da lchoxonnataxanaxa so Jacob.

Éxodo 15:10

Qalaxaye co'ollaq 'auquetetec na 'ara'at, nache aso auaxai qaltaq ỹe'eguelaxa't so 'etaxat. Nache iyiiñi somayepi 'eeta'am ca lcat quiguiñi huangui so qaica ca 'ena'am da la'auataxa.

Salmos 135:7

Qataq naỹoxoosheguem naqa'en na lo'oc, chegoqchiguiñalo naqa'en naua loga'te ana 'alhua, qataq ỹo'ot na nqashelgaxa maye ỹa'axata'aguet ca auot, qataq chegoqchiguiñalo naua laponaqa'ate da naỹoxoosheguem naqa'en na la'at.

Isaías 45:18

Ñim lo'onatac na piguem, Ñim Atamnaxala' qataq Nataxala'. Ñim ỹo'ot co'ollaxa ana 'alhua qataq ỹo'ot da lataxac, qataq ỹo'ot da sareraỹai' anamaye, ñim ỹo'ot co'ollaxa qalaxaye saishet da huotaique da qui'ittelec, nacherata da huo'o cam netalec anamaye, 'eeta': «Aỹem nachaỹem Nataxala', qaica ca lỹa.

Da na'aqtaguec so Job 11:7

¿Qaq 'am 'aupi'itaxaatega peta'a da 'aushet da 'aunoxoneua'a na saqcha'a lhuennataxacpi Ñim Lo'onatac 'Enauacna? ¿Qalqo' 'aushet peta'a da 'avi' da 'auaỹaten ca ỹataqta saqcha'a lataxac Ñim Qaica ca Ỹaqalanapec?

Da na'aqtaguec so Job 11:8

¿Qaq hua'ago' ca qonetec da 'avi' damaye, ye ỹataqta napacalec na piguem ye lshequitcheguema? Qataq ¿ca 'eeteco' da 'auaỹate'n naamaye? Ye ỹataqta napacalec ye lshecchiguiña ye loga't ca huetaña na lqui'ipi na leuaxaicpi.