Proverbios 30:10 - La'aqtaqa Ñim Lo'onatac 'Enauacna 2013

¹⁰ Saishet da qauem ca 'ara'aqtac da 'autaxaỹa ca nlatac da 'auatato'ot ca na'aco', cha'aye camaye ishet da 'am ỹasaxalec ca qauem la'aqtac, nache 'anque'etaxaachigui ca naigui cam qauem la'aqtac.

Proverbios 30:10 Referans Kwoze

Romanos 14:4

Qaq qami' qaica ca qoñiqui da huo'otaq qoquiitapeguelec cam l-latac ca lỹa shiỹaxaua. Cha'aye cam na'aco' cam nlatac, nacheca ca ỹauo'o ca la'aqtac da talec naqa'en camaye da huo'otaq 'onaxaic ca lo'onataxanaxac qalqo' saishet. Qaq 'era da 'eetec Ñim Lo'onatac 'Enauacna da qoñiita, qataq nachaqñita da huo'o da la'añaxac da itauan ñi 'oonolec da ipactelec ca lo'onataxanaxac.

Eclesiastés 7:21

Saishet qome da 'auqochetega 'enauac nam na'aqtaxanaxacpi, yaqto' saishet qome da 'aua'axaỹa ca qauem la'aqtac maye 'am ỹasaxalec ca 'aramaxashec.

Daniel 6:24

Qaq huaña, nache so nta'a damaxasoxoneuga da qanauegueuo so shiỹaxauapi maye ỹauo'o so lasouaxashet so Daniel, nache somayepi l-llañe' qanqa'en aso lhuapi, qataq so llalaqpi da qaỹasaxangui aso laỹe' so llonpi, qaq somayepi naxa da saxanaxa da iviyiña na pa'aguiñi aso nshere, nache so llonpi parenaxaneguet nache icolaxattac.

Daniel 6:13

Qaq somayepi nache queto'ot da detaqtac, nache 'eeta': Qalaxaye ñi Daniel, ñim 'oonolec nam judiopi maye ncoñeteguishecpi, saishet da huo'o ca 'enec naqa'en 'am, qataq som qalapaxañi nqataxac maye qaỹa'axatec, cha'aye ñimaye sauanaqchigui da tres naxa da ỹo'ot da natamnaxac ye na'a'q.

Proverbios 28:27

Ca itauaatac na choxoraq camaye qaica ca iueetac, qaq ca saishet da itauan na choxoraq qalaq camaye qalota da nsheunaguec.

Proverbios 11:26

Qaq ca imattega't na ala na trigo, qalaq na shiỹaxauapi isheuen camaye, qaq ca imen namaye qalaq qaichoxoren.

1 Samuel 30:15

Nache so David inat somaye, 'eeta': ¿Peta'a ishet da aỹem 'auauega ca hueta'a que'eca cachaxaicpi? Nache so Egipto le'ec 'enapeco': Aja', qalaxaye da 'aỹa'anot ca 'ara'aqtac Ñim Lo'onatac 'Enauacna da saishet da aỹem 'aualauat qataq da saishet da aỹem 'aỹa'aneguet ca ña'aco', nache ishet da 'am sauega ye hueta'a yemayepi.

1 Samuel 26:19

Qaq ỹoqo'oye 'am ỹataxala', 'am ñachoxonnot da 'ana'axaỹaxana ne'ena 'aramaxashec. Da nacheñi Ñim Nataxala' ñim ỹo'ot da aỹem 'auataỹa'aguet, qaq no'on da Ñimaye ỹaconeguet qome aca ỹachetaqtaxanaqte, qalaxaye da maiche chegoqchigui na ỹalleppi damaye, nache Ñim Nataxala' ỹasaxalec qome ca nhuaxanaguec namayepi. Cha'aye nachena na aỹem ỹo'orauec nagui, da yaqto' saishet da sootalec ne'ena 'alhua maye lalamaxat Ñimaye, qataq 'eco' da aỹem ỹamaqtalec da ñatamnot na laỹepi atamnaxala'pi.

1 Samuel 24:9

Nache 'enapeco': ¿'Am nta'a, ta'ainco' da 'aualaxagueto' co'ollaxa nam ỹa'axattac da sauotaico' da 'am so'otec ca qauem?

Deuteronómio 23:15

Qaq da huo'o ca nlatac da dataueeguesop ca na'aco', nache da qami' iỹaxanoiguilo da qauauo'oi ca lle'eguenaqa', nache qami' saishet qome da qavi'iguelaxachiỹot ca na'aco'.

Deuteronómio 15:9

Qataq saishet qome da 'anasheeteuo ca qauem 'arhuennataxa, da nayeetauo ca vi'i siete, maye laloxoqui da qaỹapalaxat aca navigaxaistepi. Nache da 'aulo'ot ca 'arqaỹa maye huo'o da lhuenaxanaxa nache saishet da qauem da 'arashiguiỹaxac, da saishet da 'aỹa'anem ca da'aalaxataique, cha'aye camaye ishet da iỹaxanot Ñim Nataxala', nache huo'o naqa'en ca 'arasouaxashet.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.