Proverbios 3:9 - La'aqtaqa Ñim Lo'onatac 'Enauacna 2013

⁹ Huo'o naq 'enec 'anqa'en Ñim Nataxala' maye chegoqo'ot da 'arsallaxa, qataq 'aỹa'anem ca la'auaxanec ala ca 'añiguishecpi,

Proverbios 3:9 Referans Kwoze

1 Corintios 16:2

Da iviteuga ca na'a'q la'auaxanec naua siete na'axa'te, nache ñi 'oonolec da qoñiita huo'o aca iỹotauga, qalaxaye acatai' nalotaua'a nachaca ỹaỹamaxat, yaqto' saishet da iuen da ỹoltaq qaime'eguet da qalapootega't aca ntaunaxanaqte qom qami' sevitalo.

Éxodo 23:19

Qaq ca no'on la'auaxanec ala ca qorañiguishequi, camaye qauroiua'a qome aca atamnaxaqui maye lalamaqte Ñim Nataxala' maye Qanatamnaxala'ai. Qataq saishet qome da qaỹa'añiiuaq ca quetaq llalec da qauallicñiiguet ca lche' aca late'e».

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

Éxodo 22:29

Saishet qome da 'auaỹaloxon da 'andouo aca 'arachetaqtaxanaqte ana la'auaxana ala ca trigo qataq ca la'auaxanec lli'i aca uva. Qataq ca 'ara'auaqteguishec 'aỹa'alec Aỹem 'aỹa'anem,

Éxodo 34:26

Qataq qaroiua'a qome aca atamnaxaqui maye lalamaqte Ñim Nataxala' aca ỹataqta no'on la'auaxana ala ca qorañiguishequi maye chegaqalec ca qana'alhuaipi. Nataqa'en da qaỹa'añeeuaq ca quetaq llalec, nache saishet da qauoshaxañiỹa ca maiche lche' aca late'e.»

Génesis 28:22

Qaq ne'ena coma' maye ñachaalataxañi, nachena qome na lma' Ñim Lo'onatac 'Enauacna. Qaq 'Am Atamnaxala', nache 'eetai' qome da 'am saata'am, aca ñediezmo maye chegaqaigui 'enauac cam aỹem 'aỹa'anem.»

2 Crónicas 31:21

Qaq 'enauac nam ỹacoolec da ỹo'ot, da yaqto' huapegue' aso atamnaxaqui maye lalamaqte Ñim Lo'onatac 'Enauacna, huo'otaq na nqataxacpi qataq na namaxasoxonaxacpi, da ỹo'ot qalaq imato'ot da lquiyaqteỹaxac da nmitaique Ñim Lo'onatac 'Enauacna, qaq ỹoqo'oye ỹataqta nquictasheguem.

Salmos 144:13

Naua naỹamaqtaxaqui' na ala na qorañiguishec, ña nlaqchiguilo qome ca ỹotta'a't ala ca qorañiguishec, qataq ca qana'atetpi ỹataqta nquictauec qome ye lcata, nache ỹataqta nlaqtelec na qano'onaxapi.

Proverbios 11:25

Ca choxonnataxanaxaic qaica ca iueetac, qataq ca chetaqtaxanaxaic nataqa'en huo'o ca ỹaconeguet.

Isaías 43:23

Saishet da aỹem 'aỹa'anot aca 'arachetaqtaxanaqte qagueta maye qaỹavigaxatta. Qataq aca 'arachetaqtaxanaqte da aỹem 'avio'oxoren, Aỹem saishet da 'am ñasamaqchiiñi da 'am sequicto'ot, huo'otaq da 'am sa salemaxat da 'am sequicto'ot da 'auo'ot ca 'archenaxanaxat ama na laita.

Éxodo 23:16

Nataqa'en qauo'oche qome ca qaraponaxaqui da ivita da qanqache ca la'auaxanec ala ca qorañiguishequi maye qaỹa'añiilec ca qana'alhuai, qaq nache 'ena'am da ivita da qanqache ca pa'atec ala 'enauac cam qorañiguishequi que'eca vi'i.

Levítico 19:25

Qaq da ivildec caua cinco vi'iye, nache ishet da qollequi aca ala. Qaq da qoñiitec de'era, nache ỹataqta nquiguec aca ala aca qa'añiguishe qo'oipaq. Qaq 'era da ỹa'aqtac, Aỹem Nataxala' maye Qanatamnaxala'ai.

Números 15:20

Qataq ca la'auaxanec ndaqñiguishec 'ayiiña, qaỹa'añiiuo qome aca 'oonole nauole da nachetaqtaxanaqte maye chegaqaigui ca nsoiguishec ala ca nañiguishec.

Deuteronómio 14:29

yaqto' da anac na leviitapi maye qaica ca lalamaxat na'alhua, qataq ca chegaqauecpi, saploqpi, qataq aca pa'aipi maye netaña que'eca huaqta'a't nỹecpi maye qoñiitaña, nache ishet nataqa'en da deque'e, ivitta'a da ỹataqta comaraxaicpi. Yaqto' qami' taleguete qome da lchoxonnataxanaxa Ñim Nataxala', nache 'onaxaic naqa'en 'enauac na qauo'oche.

2 Crónicas 31:10

nache so lataxala' so ntaxaỹaxanaxanecpi Azarías, maye chegoxoguet so Sadoc, ỹasateguet somaye 'eeta': «Chegoqchiguiña co'ollaq qaỹacoolec da qandoua'a ana atamnaxaqui maye lalamaqte Ñim Nataxala' ne'ena nachetaqtaxanaxatpi, nache qomi' saishet da seuenaqtaique ca sacheguenaq, qalaxaye ñaqaiyeta qalota na no'onañi, qaq 'enauac ne'ena nachena na no'onañi, cha'aye Ñim Nataxala' talec naqa'en da nqouagaxa nam lalamaxat nhuo' le'ecpi.»

Mateo 25:17

Qaq nache 'eetec nataqa'en som ỹaconeguet asom dos mil anom, somaye ivi' dos mil aso laỹe laueque.