Proverbios 3:7 - La'aqtaqa Ñim Lo'onatac 'Enauacna 2013

⁷ Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

Proverbios 3:7 Referans Kwoze

Da na'aqtaguec so Job 28:28

Nache Ñimaye 'enapego' na shiỹaxauapi, 'eeta': ‹Da huo'o naq 'enec qanqa'en Ñim Nataxala', nachera da ỹoqta 'eesa naỹaanec›, qataq da qanayeca'ai na qauemsat, ‹nachera da ỹo'ot da qaica ca qanqalaate'.›»

Romanos 12:16

Qataq saishet da huo'o ca ỹoqtapegueuga da qoñiita. Qataq saishet da qami' ño'oxonnaxaiqa. Nachaqrata da qoñiita'am na shiỹaxauapi maye qaica ca la'amaqchec. Qataq saishet da qaupi'itaxañiitega da qanapacỹalec na laỹepi shiỹaxauapi da qoñiitega qami' ỹaanaxanaxaiqa.

Proverbios 26:12

Qataq ỹactec da ishet da qanaquita'a ca nauattoola't da qaica ca ỹaỹaanapec, qaq saq 'ena'am ca qaica ca ỹaỹaanapec maye 'eetega huo'o na ỹaỹaten.

Da na'aqtaguec so Job 1:1

Qaq ye 'alhua maye le'enaxat Uz, nache naña so ỹale le'enaxat Job, somaye no'on da lataxac, qataq qaica ca ỹasouaxat, qataq ỹataqta ỹalaxaguet Ñim Lo'onatac 'Enauacna, qataq ỹataqta saishet da huo'otaq huo'o ca ỹo'otec ca sa ỹaỹamaxañi.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Eclesiastés 12:13

Qaq dam loga't 'enauac de'era na'aqtaxanaxac maye 'aua'aqchigui damaye, 'eeta': Huo'o naq 'enec 'anqa'en Ñim Lo'onatac 'Enauacna, qataq 'aupacteleguete naua lamaxasoxonaxaco, cha'aye nacherata maye iuen da ỹo'ot cam shiỹaxaua.

Isaías 5:21

¡Choxoraxaso' nam 'eetega ỹaanaxanaxaicpi, qataq nam 'eetega ỹaanataxanaxaicpi!

Proverbios 14:27

Da huo'o naq 'enec qanqa'en Ñim Nataxala', nachera da chegaqaigui da nca'alaxa, qataq nca'alaxateeguesop ca shiỹaxaua da loxonaxanaxac da nleuaxa.

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Nehemías 5:15

Qaq so nta'alpi maye hua'aulec co'ollaxa da ilotague' somayepi, ỹataqta qalota nataqa'en aso isheeten se'eso nalamaxat nhuo' le'ecpi, cha'aye ye 'oonolec na'a'q, nache ỹataqta iỹaxaataua'a na nallec, lataxa nache añi lasheue ivi' aso cuarenta lcatpiole plata. Nataqa'en so ltauapi somayepi ỹataqta ỹoqolavin so shiỹaxauapi. Aỹem, qalaxaye saishet da sheetec de'era, cha'aye souaxat da sauotec qataq huo'o naq 'enec ñaqa'en Ñim Lo'onatac 'Enauacna.

Éxodo 20:20

Nache so Moisés, 'enapeco': «Saishet qome da qayi'i. Cha'aye Ñim Lo'onatac 'Enauacna anac da choche qami' ỹe'egue'n, yaqto' nache 'eetai' da qayi'iỹai Ñimaye, qataq saishet da qauo'oche ca sa ỹaỹamaxañi.»

2 Samuel 12:20

Huaña, nache ñesheguem so David. Ime, nache nachel, qataq ncoyigui so ncoraxat maye ama da laitaỹaxac, qataq naralaxa't soua alogo, nache taua'a aso atamnaxaqui, da ỹo'oxoren Ñim Nataxala'. Qaq co'ollaq ime, nache taỹa so lma', qataq iỹaxanaique so aloq nache deque'e.

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Proverbios 14:16

Ca ỹaanaxanaxaic ñi'iỹa'aguet ca qauem qataq ca'ai camaye, qaq ca qaica ca ỹaỹaanapec qalaq qaica ca huotaique.

Proverbios 23:4

Saishet qome da ỹapaguec da 'arhuogoxo da 'anshetaique da 'am sallaxanec, saishet da 'aỹa'agaqnauec de'era 'arhuennataxa.

Proverbios 26:5

'Aua'aqtaxaatem ye hueta'a ca qaica ca ỹaỹaanapec, yaqto' camaye saishet da ipi'itaxaatega da huo'o na ỹaỹaten.

Proverbios 28:11

Ca sallaxanec ipi'itaxaatega da ỹaanaxanaxaic, qalaxaye ca choxoraq qataq ỹaanataxanaxaic, ishet da ỹaỹaten camaye da 'eesa da ỹaanaxanaxaic.

Proverbios 28:26

Qataq ca pe'etegalo naua maiche lhuennataxaco camaye qaica ca ỹaỹaanapec, qaq ca ỹaỹamaqchiyiñi naua laỹaanataxanaxaco qalaq huo'o da lca'alaxa.