Proverbios 3:6 - La'aqtaqa Ñim Lo'onatac 'Enauacna 2013

⁶ 'Auacho'ot Ñim Nataxala' 'enauac nam 'auo'otpi, yaqto' Ñimaye ỹo'ot da no'oitegue da 'icỹaxac.

Proverbios 3:6 Referans Kwoze

Proverbios 16:3

'Aupa'axano'ot Ñim Nataxala' 'enauac na 'anshetaique da 'auo'ot, yaqto' ca 'alapaxañi da 'auo'ot, qalaq ipacchigui.

Salmos 32:8

Qaq Ñim Nataxala', 'eeta': «Aỹem 'am sanem qome na ỹapaxaguenataxanaxacpi, qataq na iqataxacpi qataq 'am sachaxana so nqa'aic maye ishet da qoquetegue. Qataq nache 'am salletagui qome.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

Proverbios 16:9

Ca shiỹaxaua lapaxañi ca huotaique da llecỹaxac, qalaxaye Ñim Nataxala' nacheñi ñim ỹo'otegue da lqauaxac.

Jeremías 10:23

'Am Nataxala', aỹem saỹaten da ca ỹale saishet da lalamaxat da nachaalataxac, qataq saishet da maiche ỹoiqueetac ca llecỹaxac.

Santiago 1:5

Da huo'o ca 'oonolec da qoñiita da iuen ca laỹaanec, qaq no'on da iỹaxanot Ñim Lo'onatac 'Enauacna. Qaq Ñimaye ỹami' camaye ỹataqta sa naloqnañi, cha'aye saishet da ỹauota'a da la'aloxo ca shiỹaxaua.

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Isaías 48:17

Qaq 'era da la'aqtac Ñim Nataxala' maye 'arca'alaxaqui, Ñim Qui'itta Natamnaxala' na Israel le'ecpi: «Aỹem nachaỹem Nataxala' maye 'Anatamnaxala', Aỹem 'am sapaxaguenec dam chegaqaigui da 'araỹamaxa, Aỹem 'am sauecteuga so nqa'aic maye iuen da qoquegue.

Colosenses 3:23

Qaq camachaqca ca qauo'oche, qalaq ỹataqta qanasapacheetelec, 'eeta'am qanqa'eñi da nacheso So Qarataxala' Jesucristo da qauo'onataxañiitacot, qaq saishet da nacheca ca choche shiỹaxaua.

Colosenses 3:17

Qataq 'enauac nam qauo'oche huo'otaq cam qanasaqaiuec, ỹachaxan da ỹataqta 'eesa da qoquiitague' Som Qarataxala' Jesús. Qataq qaỹa'añiitacot da qana'achecỹaxaqui Ñim Lo'onatac 'Enauacna chegoqchigui dam qami' ỹo'oteque So Cristo.

Proverbios 23:17

Saishet qome da 'anquiỹatega na 'etaxaloxoicpi, nachaqrato' da huo'o naq 'enec 'anqa'en Ñim Nataxala',

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

1 Samuel 30:8

Nache so David nnate' Ñim Nataxala', 'eeta': ¿Peta'a secanapec se'eso cachaxaicpi? ¿Peta'a ishet da sevi'? Nache Ñim Nataxala', 'enapeco': Aja' 'aucanapec, cha'aye ishet da 'avi' nache ỹoltaq 'añe'eguelaxaala't qome so loxonecpi somayepi.

Isaías 45:13

Aỹem so'ot da yo'oq so Ciro da yaqto' dauegaxan, qataq so'ot qome da saqalaq 'enauac nam llecpi, Qaq somaye nacheso qome so qaltaq no'oxoosheguem yem ỹalamaxat huaqta'a't nỹecpi, qataq huesoueeguesop naqa'en da ñecoñetaguec na ncoñeteguishecpi maye ỹalamaxatpi, qalaq saishet qome da iỹaxanaique aca lasheue huo'otaq da qaỹauo'o ca nme. Qaq 'era da la'aqtac Ñim Nataxala' maye Qaica ca Ỹaqalanapec.

Nehemías 1:11

'Am Nataxala', 'am ñachoxonnot da ñaq 'auqoche'eguet de'era ñatamnaxac, qataq da nachoxonnaxac ne'ena 'aramaxashecpi, cha'aye huo'o da lyaxa da 'am ỹo'oxoren. Qataq 'am seỹaxanot da yaqto' ne'ena 'aramaxashec ỹañoxot ca 'eetapeguec, qataq ivira'a da ñim nta'a ishet da aỹem ilo'oguet qataq aỹem ỹanem ca lqouagaxanaqtaic.» Qaq se'eso na'a'q qalaq nache aỹem da nỹomaxaqui lo'o se'eso nta'a Artajerjes.

Nehemías 2:4

Nache se'eso nta'a, 'enapec: ¿Qaq chaq negue't ca 'anshetaique da 'am setaunec? Huaña nache ỹataqta seỹaxanot Ñim Nataxala' da aỹem itauan.

Esdras 7:27

Qaq da natamnaxac so Esdras, 'eeta': «Ỹataqta qaỹo'oxoren qome Ñim Nataxala', maye Natamnaxala' so hua'au qarta'alpi, cha'aye Ñimaye ỹanem da no'on lquiyaqteỹaxac ñi nta'a, da ỹe'eguelaxatem da lyacỹaxac añi atamnaxaqui maye lalamaqte Ñim Nataxala', maye naña ye Jerusalén.

2 Corintios 8:16

Qaq sanot da ña'achecỹaxac Ñim Lo'onatac 'Enauacna, cha'aye Ñimaye ỹachanguit añi lquiyaqte so Tito da 'eeta'am naqa'en aỹem da huo'o da lyaxa da qami' itaua'n.

Números 9:20

Qaq nache 'ena'am naxa da sa lamai' naua na'axa'te da ipelteetalec so npe'l se'eso lo'oc, nache so Israel le'ecpi ỹalaxaguet da la'aqtac Ñim Nataxala' da qaica ca ldaxac, qataq nache 'ena'am naxa da ỹamaq da jec somayepi.

Nehemías 7:5

Huaña nache Ñim Lo'onatac 'Enauacna aỹem ỹanem da iuennataxac da sataxana't 'enauac so ỹo'oxoraicpi, nataxala'pi, qataq so maiche nhuo' le'ecpi, da yaqto' so'ot aca lmalate so maiche nalamaxat ñalaqpi. Ime nache selalec aso naneraxalate maye nanettalec 'enauac so chegoxoguet so shiỹaxauapi maye hua'auchiguiñi co'ollaxa da ñe'eguelaq, qaq asa'aso nere nache huetalec se'eso ne'enaxatpi:

Proverbios 11:5

Da ỹaỹamaqchiguiñi lataxac ỹaỹamaxaañi da llecỹaxac ca no'on da lataxac, qaq ca qauemaic qalaq maiche cañe' na qauem maye ỹo'ottac.

Jeremías 42:3

Ñaq 'anachoxonnot Ñim Nataxala' maye 'Anatamnaxala', da qomi' ỹapaxagueneque cam nqa'aic maye iuen da qolaxague, qataq cam iuen da so'otaq.

Isaías 26:7

Da llecỹaxac na no'on da lataxac qalaq no'oitegue, 'Am Nataxala', 'analoqchichiguiñi da llecỹaxac namayepi.