Proverbios 3:5 - La'aqtaqa Ñim Lo'onatac 'Enauacna 2013

⁵ Ỹataqta 'aumato'ot da 'arquiyaqteỹaxac da 'aupi'iỹa'a Ñim Nataxala', qaq saishet da 'aupe'etega da maiche 'araỹaanataxanaxac.

Proverbios 3:5 Referans Kwoze

Salmos 37:5

Ỹataqta 'aumato'ot qome da 'anachaalataxac Ñim Nataxala', ỹataqta 'aupi'iỹa'a Ñimaye, nache Ñimaye anac qome da 'am itauan.

Proverbios 28:26

Qataq ca pe'etegalo naua maiche lhuennataxaco camaye qaica ca ỹaỹaanapec, qaq ca ỹaỹamaqchiyiñi naua laỹaanataxanaxaco qalaq huo'o da lca'alaxa.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Salmos 62:8

Qaq qami' ihuo' le'ecpi nache 'eetai' qome da qaupi'iitega Ñimaye, ỹataqta qaumachiỹo'ot da qarquiyaqteỹaxaqui da qanatamñiitacot cha'aye Ñim Lo'onatac 'Enauacna nacheñi Ñim qaye'eguenaxala'.

Isaías 12:2

Ñim Lo'onatac 'Enauacna, nacheñi ñim aỹem nca'alaxatec, aỹem ñaquita'a Ñimaye nache saishet da she'etac. Ñim Nataxala' nacheñi ñim ỹe'eguenaxala' qataq nacheñi ñi ỹa'añaxac, qataq nacheñi ñi ica'alaxaqui.»

Salmos 37:7

Ỹataqta 'añe'emaxat da qoueto'ot Ñim Nataxala', qataq 'auauo'o da 'arhualaxavic da 'auata'a da 'am itauan Ñimaye. Saishet da 'am inogoqchet ca huo'o da na'achecỹaxac, huo'otaq ca lapaqtapiguiñi na qauemsat.

Proverbios 3:7

Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

Jeremías 10:23

'Am Nataxala', aỹem saỹaten da ca ỹale saishet da lalamaxat da nachaalataxac, qataq saishet da maiche ỹoiqueetac ca llecỹaxac.

Romanos 12:16

Qataq saishet da huo'o ca ỹoqtapegueuga da qoñiita. Qataq saishet da qami' ño'oxonnaxaiqa. Nachaqrata da qoñiita'am na shiỹaxauapi maye qaica ca la'amaqchec. Qataq saishet da qaupi'itaxañiitega da qanapacỹalec na laỹepi shiỹaxauapi da qoñiitega qami' ỹaanaxanaxaiqa.

Salmos 125:1

Nam pe'etegapi Ñim Nataxala' 'eeta'am añi qasoxonaxa ye Sión, maye chochaq tatec qataq saishet da deraỹapigui'.

Jeremías 9:23

Ñim Nataxala' 'enapec: «Saishet qome da na'amaqten ca ỹaanaxanaxaic souaxat da huo'o da laỹaanec, qataq ca 'añaxaic souaxat da huo'o da la'añaxac, qataq ca sallaxanec souaxat da huo'o da lsallaxa.

Proverbios 22:19

Qaq nagui 'am sapaxaguenec damaye, yaqto' ishet da 'aupi'iỹa'a Ñim Nataxala'.

Da na'aqtaguec so Job 13:15

Na'aictoxo' da aỹem ỹalauat Ñimaye, qalaxaye nache 'ena'am seuata'aguet, yaqto' ishet da sataỹa'aguet Ñimaye, da ñepaxaalec da ỹataxac.

Proverbios 23:4

Saishet qome da ỹapaguec da 'arhuogoxo da 'anshetaique da 'am sallaxanec, saishet da 'aỹa'agaqnauec de'era 'arhuennataxa.

Efesios 1:12

Qaq 'eetec de'era Ñim Lo'onatac 'Enauacna yaqto' qomi' judío lashe' qomi' la'auaxanaqa da huo'o da qanaquitaxac So Cristo qataq sho'oxorenaqtac dam lta'araic la'añaxac.

Números 9:20

Qaq nache 'ena'am naxa da sa lamai' naua na'axa'te da ipelteetalec so npe'l se'eso lo'oc, nache so Israel le'ecpi ỹalaxaguet da la'aqtac Ñim Nataxala' da qaica ca ldaxac, qataq nache 'ena'am naxa da ỹamaq da jec somayepi.

Números 9:22

Qaq huo'o naxa da dos na'axa'te, huo'otaq 'oonolec ca'agoxoic huo'otaq 'oonolec vi'i da ipelteetalec so npe'l se'eso lo'oc, nache so Israel le'ecpi qaica ca ldaxac, saishet da jec. Qaq naxa da naỹoxoosheguem se'eso lo'oc, nache somayepi qaltaq jec.

Esdras 8:23

Qaq 'era da 'eetec co'ollaq ñeqouaqchetaq qataq seỹaxanaqtacot Ñim Lo'onatac 'Enauacna da yaqto' qomi' npaxattaleguete, qaq Ñimaye qomi' hua'axaỹalo.