Proverbios 3:4 - La'aqtaqa Ñim Lo'onatac 'Enauacna 2013

⁴ Yaqto' 'am huetalec da lqouagaxanaqtaic Ñim Lo'onatac 'Enauacna, qataq no'on da 'ana'aqtaguec da 'aualectaigui nam shiỹaxauapi.

Proverbios 3:4 Referans Kwoze

Lucas 2:52

Nache So Jesús nquictasheguem da laỹaanec qataq ye locta. Qaq Ñim Lo'onatac 'Enauacna qataq 'enauac na shiỹaxauapi ỹataqta ntootapeguec Somaye, qataq ỹataqta lta'araic da nauoche.

Romanos 14:18

Qaq da nache shenaqtec de'era da so'onataxanaqot So Jesucristo, nache Ñim Lo'onatac 'Enauacna qomi' ỹaỹamaxareete', qataq huo'o naq 'enec naqa'en da shenaqta 'enauac na shiỹaxauapi.

1 Samuel 2:26

Qaq so nogotolec Samuel, nache nquictasheguem da llaxa, qaq Ñim Nataxala' qataq som shiỹaxauapi ỹataqta ỹaỹamaxareeta da lataxac somaye.

Salmos 111:10

Da naỹaanec chegoqchigui da huo'o naq 'enec qanqa'en Ñim Nataxala', qaq ca ỹo'o't damaye qalaq no'oñi naua laỹaanataxanaxaco. Qaq nache 'eetai' qome da qaỹo'oxoreetac Ñim Lo'onatac 'Enauacna.

Génesis 39:21

qalaxaye nache 'ena'am Ñim Nataxala' hueta'aguet somaye, qataq nache queto'ot da ỹachaxaatega da lauotaxanaqtaic, qataq ỹo'ot da so ilotague' aso ncoñetaxanaxaqui ỹauotec somaye,

Hechos 2:47

Nache qaỹo'oxoreetac Ñim Lo'onatac 'Enauacna, nache 'enauac na shiỹaxauapi ỹataqta huo'o naq 'ene'c naqa'e'n soua namaxa'she. Nache Som Qarataxala', 'enauaque naua na'axa'te da nqochenaxattauec na 'amqaanataxanaxaicpi maye nca'alaxatec.

Daniel 1:9

Qaq Ñim Lo'onatac 'Enauacna, ỹo'ot co'ollaxa da som ilotague' so nma' lta'araic, ỹataqta ỹamaateguet so Daniel,

2 Corintios 8:21

Qaq qomi' ñepogoxoinaqtapegue' da so'otaq ca ỹaỹamaqchiguiñi. Qaq saishet da sauoqtaique da nachaqñita Ñim Lo'onatac 'Enauacna da qomi' ỹauaachiguilo, maye nataqa'en na shiỹaxauapi.

Proverbios 8:35

Cha'aye ca aỹem ỹanata qalaq ỹanata da lca'alaxa, qataq ỹaconeguet da lchoxonnataxanaxa Ñim Nataxala',

Proverbios 12:2

Ñim Nataxala' ỹaỹamaxareeta ca ỹale soxoraic, qaq ca 'etaxaloxoic qalaq Ñimaye ỹauo'o ca nhuaxanaguec.

Proverbios 13:15

Naua qailoteguelo na'aqtaqa ỹo'ot da qaỹauotec ca shiỹaxaua, qaq da llecỹaxac na saipaguelguete naua la'aqtaqa qalaq taỹa'a da nlaguiñi.

1 Samuel 2:21

Nache Ñim Nataxala' ỹanem da lqouagaxanaqtaic aso Ana, qaq ỹoqo'oye asomaye qaltaq hualaxai. Qaq 'era da 'eetec da aso Ana ivi' tres soua llalqa ỹale't, qataq dos soua 'alo. Qaq Ñim Nataxala', nache nquictasheguem naqa'en so nogotolec Samuel maye qoỹanot Ñimaye.