Proverbios 3:34 - La'aqtaqa Ñim Lo'onatac 'Enauacna 2013

³⁴ Ñim Nataxala' ỹataqta ỹe'enai' na 'enaxanaxaicpi, qalaxaye ỹanem da nqouagaxa ca qaica la'amaqchec.

Proverbios 3:34 Referans Kwoze

Santiago 4:6

Qaq ỹoqta 'eesa da Ñim Lo'onatac 'Enauacna ỹataqta qomi' ỹauoteque, cha'aye nache 'eetec da nanettalec ana nere maye huetalec na la'aqtacpi Ñimaye maye 'eeta': «Ñim Lo'onatac 'Enauacna ỹataqta dataỹa'aguet nam na'amqaanaxaicpi, qalaxaye ỹauo'o ca ntaunaguec nam saishet da na'amaqten.»

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Proverbios 9:12

Da 'am ỹaanaxanaxaic, nache ỹataqta huo'o da 'ana'achecỹaxac, qaq da 'am nogaqaic qalaq maiche 'anque'etaxangui damaye.

Salmos 138:6

Ñim Nataxala', qaỹoqotcheguema, qalaxaye ilo'oguet cam qaica ca ye, da lmeenaxanaxac Ñimaye qaỹoqta naqa'en na ño'oxonnaxaicpi.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Proverbios 21:24

Ca ño'oxonnaxaic, na'amqaanaxaic, qataq ca sairen ca lỹa, camaye qailonec da sancherapec, souaxat da ỹagaqnauec da napagaqaanaxac.

Proverbios 19:29

Mashe sogote da qaiqataxaatai' da nhuaxanaguec na sancherapecpi, qataq na nhuaxanaxanaxat da yaqto' qaiuaxaalec na l-laq ca qaica ca ỹaỹaanapec.

Salmos 18:26

qataq da qui'itta 'arataxac 'auachaxana ca qui'itta da lataxac, qalaxaye sa 'anqalaate' da 'anapacalec ca shepecaiqa naua la'aqtaqa.

Proverbios 14:9

Na qaica ca ỹaỹaanapec qalaq lashetac na maiche lasouaxashetpi, qaq na ỹalleppi maye no'on da lataxac qalaq huo'o da nchoxonnataguec.

Proverbios 16:19

Ỹataqta ỹactec da 'onaxaic da sa na'amaqten ca ỹale, da ỹalectaigui na choxoraqpi, qaq saq 'ena'am da qanhuanaua'a na lhuotaxanaxatpi na na'amqaanaxaicpi.

Proverbios 1:26

Qaq ỹoqo'oye aỹem huo'o ca na'a'q, qaq choche qami' se'eeta'ape, qom qami' nvitalo ca sa ỹaỹamaxañi. Nache qami' se'enai'salo qom qami' ỹalaua't da qarcolanqai.