Proverbios 3:3 - La'aqtaqa Ñim Lo'onatac 'Enauacna 2013

³ Saisheto' qome da 'aỹa'axanec da nsoxoyec, qataq da 'eesa lataxac, qataq 'auachetac qome 'eeta'am 'anqa'en aca 'arqola. Qataq 'oxotoigui da 'antoonaxac.

Proverbios 3:3 Referans Kwoze

Proverbios 7:3

Ỹataqta 'aỹa'axatchiguilo naua 'aya'axaatal, qataq 'auachaiguilo da 'antoonaxac.

Hebreos 10:16

«Ỹoqo'oye ca dalaxaic ñaỹamaxataxac da ñaỹamaxate' nam Israel le'ecpi, camaye 'eeta': So'otec namayepi da ỹataqta saishet da icoua'ai na ỹapaxaguenataxanaxacpi, qataq nachena na ỹaueca'aguet da nachaalataxac.

Proverbios 6:21

Ỹataqta 'auachaiguilo qome añi 'arquiyaqte, qataq ỹataqta 'anqolaachiguiñalo qome,

Malaquías 2:6

Qaq so Leví dapaxaguenataxanec co'ollaxa da 'eesa lataxac, qataq saishet da nasaxauec ca qauem. Somaye huo'o da l-lagaxayec qataq quetague' da no'on lataxac da Aỹem nnaictague', qataq qalota som ca'ai naqa'en nam qauempi.

Efesios 5:9

cha'aye se'eso Saqcha'a Na'añaxac nacheso so chegoqchigui da nauotaxanaqtaic qataq da 'eesa lataxac qataq dam achaalataxac maye qui'itta.

Proverbios 16:6

Da qaỹapalaxat ca nasouaxashet qalaq qaỹauota'a da nauotaxanaqtaic qataq da 'eesa lataxac. Qataq da huo'o naq 'enec qanqa'en Ñim Nataxala', nache ỹo'ot da qanayeca'ai na qauem.

Proverbios 20:28

Da nchoxonnataxanaxa qataq da 'eesa lataxac, nachera da nlletañi ca nta'a, cha'aye da lo'onataxanaxac da nta'a na'attalec da nsoxoyec.

Proverbios 1:9

cha'aye 'eeta'ama ca 'onaxaic 'ano'otaxat: 'eeta'am aca ỹataqta 'onaxai nqola, huo'otaq ca 'onaxaic llo'oxoraxat na 'arqaic.

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

Salmos 25:10

Qaq 'enauac de'era llecỹaxac Ñim Nataxala' huetaigui da lsoxoyec qataq da 'eesa lataxac, da yaqto' talec nam ipacchigui da naỹamaxataxac qataq na lamaxasoxonaxacpi Ñimaye.

Éxodo 13:9

Qaq damaye 'eeta'am qome ca yo'oqchigui la'anaxat na qarhuaqai huo'otaq na qaratapi, yaqto' da huo'otaq qautaqaitac, qalaq nache 'eetai' da qauennacheetapega da lqataxac Ñim Nataxala', cha'aye Ñimaye nacheñi ñi qami' nqateeguesopa ye Egipto co'ollaq qami' iroleguete da lta'araic la'añaxac.

Jeremías 17:1

«'Am Judá, da 'arasouaxashet nanettañi qoỹeraxana so neraxanaxat lcat qataq qoỹeraxana so shetteguet coma' le'enaxat diamante da qoỹerelec añi qaramchigui 'arquiyaqte, qataq naua lcoue añi 'arca'atoxonaxalate.

Deuteronómio 6:8

Nache ne'ena nqataxacpi, 'axattchiguiñi da 'anagui na 'arhuaq qataq 'analec na 'aratap da yaqto' la'anaxat 'anqa'en,

Oseas 4:1

Qami' Israel le'ecpi, ña qana'axaỹañiỹa da la'aqtac Ñim Nataxala', cha'aye Ñimaye npa'aguene' nam netalecpi ne'ena 'alhua, cha'aye namayepi mashe qaica ca 'eesa, qataq qaica ca lchoxonnataxanaxa, qataq mashe saỹauatton Ñim Lo'onatac 'Enauacna.

Mateo 23:23

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi qataq qami' fariseopi maye qoñiitega da qami' 'eesora! ¡Qami' tenataxanaxaicpi! Ỹataqta huo'o da qanpogoxoinaxaqui da qaỹa'añiiuo da qarachetaqtaxanaqche añi 'oonole laue ana diez ana nalecnaxanaqte maye le'enaxat menta, qataq anís, qataq ana comino maye qa'añiguishe, qalaxaye qami' saishet da qaualaqaigueta naua lapaxaguenataxanaxaco nam nqataxacpi maye ỹoqta iue'n da qaỹalaxaleguete maye, 'eeta': da no'on nataxac, qataq da qaichoxoren ca nỹa, qataq da qaỹalaxaguet Ñim Lo'onatac 'Enauacna. Qaq ne'enaua tres nachenaua naua iue'n da ỹataqta qaỹo'o't, qalaxaye saishet da nache sa qaỹalaxalec na laỹepi namaxasoxonaxacpi.

2 Samuel 15:20

Qataq ye cheta'ague shecait da 'anvi', nache ta'ainectaxa da 'am shenapega da qomi' 'auca'atoiguilo, ye nataqa'en aỹem sasaỹaten cam sataigue. Qaq ỹoqo'oye 'onaxaictaxa da 'avi'eguelaq qataq 'auaue'c naua 'arqaỹa't. ¡Qaq Ñim Nataxala' 'am ỹachaxana qome da choche tatec lauotaxanaqtaic!

Salmos 85:10

Da nauotaxanaqtaic qataq da 'eesa lataxac nauana't qome, da nlagaxayec qataq da nalochiguiñi lataxac qalaq napigoqtega't qome.

Proverbios 14:22

Ca nmitta'ai da ỹo'ot na qauem qalaq deqat da llecỹaxac, qaq na nmitta'ai da ỹo'ot ca ỹaỹamaqchiguiñi qalaq 'eesa qanqa'en qataq nauotaxat.

Éxodo 34:6

Ime, nache nlectelec so Moisés, na'axanneque naua la'aqtaqa, da detaqtac, 'eeta': «¡Nam Nataxala'! ¡Nam Nataxala'! ¡Nam Lo'onatac 'Enauacna maye soxoraic qataq choxonnataxanaxaic! ¡Namaye qaỹoqchiguinguit da lalemataic, qataq lta'araic da lsoxoyec, qataq ỹataqta 'eesa!