Proverbios 3:25 - La'aqtaqa Ñim Lo'onatac 'Enauacna 2013

²⁵ Qataq saishet da 'aye'etega ca nque'elaxatta lchec, qataq cam ñaq naỹa'a da nlaxaañi na qauemaicpi,

Proverbios 3:25 Referans Kwoze

Salmos 112:7

Qataq saishet da ñe'etaique ca qauem na'aqtaxanaxac, cha'aye da lquiyaqteỹaxac saishet da deraỹapigui', cha'aye pi'iỹa'a Ñim Nataxala'.

1 Pedro 3:14

Qalaxaye da qauo'ocheetac ca ỹaỹamaqchiguiñi qalaq ñaq 'eetalec da huo'o da qanque'eenaxaqui, qalaq Ñim Lo'onatac 'Enauacna qami' ỹaaleguete ca lqouagaxanaqtaic. Qaq ỹoqo'oye saishet da huo'o ca qayi'iitega, qataq qami' icolanaqche't.

Salmos 91:5

Nache saishet qome da 'aye'etega na lcheeguesat ye pe, qataq ana checnapi maye huaỹotega't ye na'a'q,

Juan 14:1

Saishet da huo'o ca tatapigui qarvilli. Nachaqrata da qaupi'iỹa'ai Ñim Lo'onatac 'Enauacna, nataqa'en Aỹem.

Marcos 4:40

Nache So Jesús 'enapegalo' soua lapaxaguenataqa, 'eeta': –¿Ta'ainco' ye ỹataqta ỹapac da qarcolanaqai? ¿Ỹataqta ñaq saxanaqca peta'a ca qarpi'iỹaxaqui Aỹem?

Mateo 24:6

Qami' qaua'aqaitapeguelec qome da chemaqchiguiñalo da alaataxac na ỹotta'a't 'alhuapi. Qataq huo'o ca mashe huotaique da deloguiỹa't na nta'alpi. Qalaxaye saishet qome da qayi'i; cha'aye damaye iuen da huo'o qome, qalaxaye saxanaxa da ivita ca loga't ana 'alhua.

Salmos 73:19

Qaq choche nque'elaxatta qome da nlaguiñi namayepi, nache maiche nlaguiñi naqa'en da lcolanaxa namayepi.

Lucas 21:9

Qaq qom huo'o ca qaua'aqaitapeguelec da nalattega'tpi qataq cam ỹo'ottapeguec ca nta'a maye ilotague' na lauo' le'ecpi, qalaq saishet qome da qayi'i. Cha'aye hua'auñi qome da anac 'enauac namayepi, qalaxaye saxanaxa qome da ivita ca loga'tna.

Mateo 24:15

So Jesús queto'ot da na'aqtaxaategueto soua lapaxaguenataqa, da'aqtaxaateguema cam loga't ana 'alhua, nache 'enapeco': Cam itaxaỹaxan de'era, nache iuen da npogoxoinapegue' da ỹaỹaten dam ỹa'axat som la'aqtaxanaxanec Ñim Lo'onatac 'Enauacna le'enaxat Daniel. Somaye ỹiyiñi co'ollaxa da huo'o ca na'a'q, nache qoỹaneua'a aca qauem nachetaqtaxanaqte añi no'onaxanaxaqui late'erai. Qaq qom qauloỹa'a yi'iye ndaqa' añi no'onaxanaxaqui maye sa qaishetapec da ipacchigui dam ỹa'axat co'ollaxa so na'aqtaxanaxanec, nache qami' qome qauataiuec.

Proverbios 1:27

Qom qami' nvitalo ca qarcolanqai qataq ca lqalaicpi, nache sa qauaỹaañi ca qoñeetec souaxat da qaraquicoqoi, maye 'eeta'am aca daua'ache da nlaxaañi 'enauacna.

Isaías 54:14

Da nalochiguiñi lataxac, nachera qome da ỹo'ot da 'ara'añaxac, qaq huaña nache imeuo qome da 'am qaipataqta'a't qataq da 'ayi'iỹaxa, qataq da lchec saishet qome da qaltaq 'am sa ỹalemaxat.

Miqueas 4:4

Qaq huaña qome nache namayepi ỹataqta qaica ca ñe'etaique, da hueto'ot ca lpaqal aca maiche lañiguishe uva huo'otaq hiigo da nmatteguec. ¡'Era da la'aqtac Ñim Nataxala' maye qaica ca Ỹaqalanapec!

Zacarías 9:8

Nache aỹem ỹataqta ñauaatalec da yaqto' seueelec nam ỹalamaxatpi, da huo'o ca camachaqca da iloquiaxan namayepi. Qaq na qauemaicpi, nache saishet qome da ỹe'eguelaxalec da ique'eteetac namayepi, cha'aye nagui, Aỹem ñauaatalec namayepi.»