Proverbios 3:21 - La'aqtaqa Ñim Lo'onatac 'Enauacna 2013

²¹ 'Am ỹalcolec, saishet qome da 'aỹa'axanec da ỹaỹamaqchiguiñi lataxac, qataq 'alotelec da ntelaqchec,

Proverbios 3:21 Referans Kwoze

Josué 1:8

Qataq 'avi'eguelaxattalec qome da 'autaxaỹaxa'n naua nanettrañi nqataxaco. Qataq 'añi'iguelaxattrauec qome naua 'ena'ape naamaye ye na'a'q qataq ye pe, yaqto' 'auo'ot na ỹamaxasoxonaxacpi. Qaq yaqto' 'enauac ca 'auacoolecpi da 'auo'ot ỹataqta ỹaỹamaqchiguiñi.

Proverbios 4:21

Saishet qome da sa 'auloleguete naamaye, ỹataqta 'oxotoiguilo da 'antoonaxac.

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

1 Juan 2:27

Qalaxaye qami' mashe qami' netanguita So Saqcha'a Na'añaxac Qui'itta, som chegoqchigui naqa'en So Cristo da qami' nqateeguesopa ana 'alhua. Qaq ỹoqo'oye saishet da iuen da huo'o ca qami' ỹapaxague'n, cha'aye So Saqcha'a La'añaxac Ñim Lo'onatac 'Enauacna maiche qami' ỹapaxagueneque 'enauac na lataxaguesat. Qaq nam qami' ỹapaxagueneque Somaye, saishet da choche natenataxanaxac, nachaqrata da ỹataqta 'eesa. Qaq ỹoqo'oye qauo'oche nam qami' ỹapaxagueneque So Saqcha'a Na'añaxac Qui'itta, qataq nache 'eetai' da qana'ayeetaua'a So Cristo.

Juan 8:31

Nache So Jesús 'enapego' nam judiopi maye ỹa'amaqten Somaye, 'eeta': –Qami' qom ỹataqta qauo'oche de'era qami' sa'axatema, nache ỹoqta 'eesa da qami' ỹapaxaguenataqa.

Proverbios 2:7

Ñimaye itauan qataq ntela'a ca ỹaỹamaqchiguiñi da lataxac qataq ca qaica ca ỹasouaxat,

1 Juan 2:24

Qaq ỹoqo'oye saishet da qaỹa'axañiiñi da qauo'ocheetac nam qami' qaỹapaxagueneque co'ollaq cheta'ague da qaua'amaqchiñi So Cristo. Da qoquiito'ot da qauo'ocheetac damaye, nache qami' nache 'eetai' da qana'ayeetaua'a Som Ñalec qataq Ñim Nta'a,

Proverbios 1:4

yaqto' sa nqalat qanqa'en na nsoxoppi maye saxanaqca ca ỹaỹaten, qataq qoỹanem da lauattonaxanaxac qataq nlotec.

Proverbios 5:2

Yaqto' da 'autaqa qalaq 'aloteguelo naua 'ara'aqtaqa, qataq huo'o da 'arauattonaxanaxac.

Proverbios 8:14

Aỹem nache aỹem hueto'ot da nqataxac qataq da ntelaqchec, aỹem nache aỹem nauattonaxanaxac qataq na'añaxac.

Proverbios 18:1

Ca mataxalaic qalaq nmittaique ca maiche 'eetapeguec, qataq dataỹa'aguet 'enauac na no'on nqataxacpi.

Proverbios 4:6

'Auauotec qome de'era naỹaanec, qataq saishet da qoca'ai damaye yaqto' damaye 'am npaxattalec.

Proverbios 19:8

Ca huo'o na ỹaỹaten qalaq ỹauotec da maiche nachaalataxac, qataq ca ntela'a da laỹaanataxanaxac camaye ivira'a da ỹaỹamaxañi.