Proverbios 3:18 - La'aqtaqa Ñim Lo'onatac 'Enauacna 2013

¹⁸ Da naỹaanec chegaqaigui da nachaalataxac cam ỹaconeguet, qaq ỹataqta machiguiñi cam ỹaỹamaxattec damaye.

Proverbios 3:18 Referans Kwoze

Proverbios 11:30

Da ỹaỹamaqchiguiñi lataxac chegaqaigui da achaalataxac, qaq da loquiaxac qalaq ilaxachigui da achaalataxac.

Proverbios 15:4

Naua na'aqtaqa soxoraiqa qalaq 'eeta'ama aca qo'oipaq chegaqaigui da nca'alaxa, qaq naua na'aqtaqa quia'aqaiqa qalaq na'aqchet da nhuennataxac.

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Proverbios 13:12

Ca aquitaxac maye saipaigui, qalaq daỹalli naqa'en añi nquiyaqte, qaq ca qoỹeetapeguec da ipacchigui qalaq 'eeta'am aca qo'oipaq maye huo'o da lca'alaxa.

Génesis 3:22

Qataq 'enapeco': «Nagui dam shiỹaxaua, damaye 'eeta'ama qomi', da ỹaỹaten da no'on qataq da qauem. Qaq saiueno'o' da nataqa'en nqat ana ala ara qo'oipaq maye chegaqaigui da nca'alaxa, cha'aye da chec nache chochaq tatec da lca'alaxa.»

Génesis 2:9

Ime, nache ñaxaalec naqa'en 'enauac ana ỹotta'a't no'on qo'oipaq, anam huo'o ana ala maye ishet da qanallec. Qaq na laiñi som nanqa' ana nañiguishepi, qalaq ỹanangui aso qo'oipaq maye chegaqaigui da nca'alaxa, qataq aso qo'oipaq maye chegaqaigui da qaỹauatton da no'on qataq da qauem.

Apocalipsis 22:2

Qaq nam laiñi so nqa'aic maye laiñiguishec se'eso nỹecpi, nache nacchiguingui se'eso 'etaxat. Qaq naua loiguiye se'eso tala huo'o ana qo'oipaq maye huo'o ana ala ye 'oonolec ca'agoxoic, qaq damaye 'eeta' doce da huo'o ana ala ye 'oonolec vi'i. Qaq ana ala ỹan da nca'alaxa chochaq tatec, qaq ana laue qalaq natannaxanaqte da nataren na lalolaxapi 'enauac na shiỹaxauapi maye huetalec ana 'alhua.

Proverbios 4:13

'Anasoqchiyiñi qome naua ỹapaxaguenataxanaxaco, qataq saishet da qoca'aisalo naamaye, 'auaỹamaxatteque cha'aye nachenaua nam ỹo'o't da 'arca'alaxa.

Proverbios 8:34

Machiguiñi qome ca shiỹaxaua maye aỹem na'axaỹaxana, qataq ca 'enauaque naua na'axa'te da deuataxaatac da hueta'a ñi lasom ñi ima'.

Eclesiastés 7:12

Cha'aye da naỹaanec qataq aca anom, 'eeta'am aca npaqtaxanaqte, qalaxaye da naỹaanec ỹactec da naigui, cha'aye ỹami' da lca'alaxa cam hueto'ot damaye.

Proverbios 8:32

Qaq nagui, qami' ỹalaqpi, aỹem qana'axaỹaxañiỹa, qoquiitegue qome da ỹataxac yaqto' qauamaichiguiñi.