Proverbios 3:16 - La'aqtaqa Ñim Lo'onatac 'Enauacna 2013

¹⁶ Na aloiguishec lhuaq ỹan da logoraic achaalataxac, na ne'emaxashec lhuaq qalaq ỹan da nsallaxa qataq da ño'oxoyec.

Proverbios 3:16 Referans Kwoze

Proverbios 3:2

yaqto' qaỹoqtrec naua na'axa'te qataq naua vi'iye da 'anachaalataxac, qataq 'am nlaqchigui da 'al-lagaxayec.

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

Proverbios 22:4

Da qaica ca na'amaqchec qataq da huo'o naq 'enec qanqa'en Ñim Nataxala', nachera da chegaqaigui da nsallaxa, ño'oxoyec qataq da nca'alaxa.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

1 Reyes 3:13

Qaq nataqa'en 'am sanem qome nam saishet da 'auỹaxanaique, dam nsallaxa qataq da ño'oxoyec, qaq nache qaica qome ca lỹa nta'a da 'am 'eeta'am.

Marcos 10:30

nache camaye nagui da ñaq hueta'a ana 'alhua, nache cien da ỹe'eguelaxalec da ỹaconeguet ca lma', huo'otaq ca na'alhua, huo'otaq ca llalaqpi qataq na'aictaxa da nataqa'en na mpa'aguenaxauapi da sa iyacnapec camaye. Qaq da ivita ca loga't da nachaalataxac, nache chochaq tatec da hueta'aguet Ñim Lo'onatac 'Enauacna.

Salmos 21:4

Da 'am iỹaxanot da lca'alaxa, nache 'aỹa'anem, qataq da logoraic achaalataxac maye chochaq tatec.

Salmos 71:9

Qaq saishet qome da aỹem 'auo'otan qom mashe aỹem ỹa'axaiquiolec, qataq saishet da aỹem 'aualat qom mashe qaica ca ỹa'añaxac.

Salmos 112:3

Naua lma'ate qalaq chochaq huañi da lsallaxa, qaq da lqouagaxanaqtaic nache queta.

Proverbios 9:11

Aỹem 'am sanem da logoraic da 'anachaalataxac, qataq da qaỹoqtrec naua vi'iye da 'anachaalataxac.

Da na'aqtaguec so Job 39:12

¿Peta'a 'aupi'itaxana camaye da taiguet da yaqto' laỹona't ca 'añiguishec ala, nache ỹachaigui ca huaña da qaichegoq?