Proverbios 3:14 - La'aqtaqa Ñim Lo'onatac 'Enauacna 2013

¹⁴ cha'aye damaye napacalec da lashiichiỹaxac aca lcat plata, qataq napacalec da lashiichiỹaxac ca oro.

Proverbios 3:14 Referans Kwoze

Proverbios 16:16

Ỹoqta ỹactec da 'onaxaic da qaỹaconeguet da naỹaanec, qaq saq 'ena'am ca oro, qataq da nauattonaxanaxac, napacalec na lcat plata.

Proverbios 8:19

Qaq cam san qalaq napacalec da lyac ca oro, qataq ca aỹem chegoqo'ot napacalec ca 'onaxaic lcat plata.

Mateo 16:26

Cha'aye ¿negue't cam ỹachegoxotaigui ca shiỹaxaua da huo'otaq imatta't da nauec 'enauac nam huetalec ana 'alhua, qaq da nachaalataxac deqat? Qataq ¿chaq negue'to' ca ỹan da ñe'eguelaxaala't da nachaalataxac?

Salmos 119:111

Cha'aye naua 'aramaxasoxonaxaco naamaye chochaq tatec da ỹalamaqa'ate, qaq nachenaua na ỹo'ot da ntonaxac da iquiyaqteỹaxac.

Apocalipsis 3:18

Qaq ỹoqo'oye nagui 'am seqata da Aỹem 'auachegoxoto'ot qome da 'ausheenaxana cam ỹoqta 'eesa da 'am sallaxanec naqa'en. Cha'aye ca Aỹem chegoqo'ot ỹataqta 'eesa da lta'araic da lashiichiỹaxac, 'eeta'am ca oro da ime da nqatelaguec. Da saishet da 'auauotaique da huo'o ca 'ara'agaxa da qouetauec, nache 'auaconegueta naua anogo lapagaxaiqa maye 'am sanema da yaqto' 'aayiñi qataq na lata' naua 'ara'ai'te, da yaqto' ỹoqta 'anauaachiguiñi.

Proverbios 2:4

da 'anmitaique damaye qalaq 'eeta'am 'anqa'en, da 'anmitaique aca nlayiguishe plata maye qoỹoxooñi.

Salmos 119:162

Cha'aye naua 'ara'aqtaqa ỹo'o't da samachiguiñi, 'eeta'am ca ilalec ca qalota nogoxoshetpi.

Salmos 119:72

Cha'aye aỹem, ỹactec ñaqa'en da no'o'n naua 'arqataxaco, qaq napacalec aca qalota anom oro qataq plata.

Eclesiastés 7:11

Da naỹaanec ỹataqta 'onaxaic qataq ỹaỹamaxaañi nam netalec ana 'alhua da nnaictague' nataqa'en dam nsallaxa.