Proverbios 3:10 - La'aqtaqa Ñim Lo'onatac 'Enauacna 2013

¹⁰ huaña nache ỹataqta nlaqchigui, ca naỹamaqtaxaqui na ala ca 'añiguishec, qataq ca laỹe' na lataxa.

Proverbios 3:10 Referans Kwoze

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Deuteronómio 28:8

Ñim Nataxala', 'am namaxa qome da lchoxonnataxanaxa da yaqto' nlaqchiguilo naqa'en naua laponaxaqui' na ala ca 'añiguishecpi, qataq 'enauac ca 'aro'onatacpi nache ỹataqta 'auamachiguiñi naqa'en qom qonetalec ye 'alhua maye 'am ỹanem qome.

Proverbios 22:9

Ca choxonnataxanaxaic, camaye huo'o da nchoxonnataguec, cha'aye da huo'o na aloq qalaq nhuaata'ai' na choxoraqpi.

Joel 2:24

Huaña qome, nache choche huañi na ala na trigo, qataq nlaqchigui nam laỹe'pi na lataxa qataq na aceite.

Mateo 10:42

Qataq camachaqca shiỹaxaua, da huo'otaq ỹami' ca ỹataqta atom 'etaxat ca 'oonolec nam saq 'amaqtaqpiolec maye Aỹem quetague', qaq camaye ỹataqta huo'o qome da nsheetenaguec.

Hageo 2:19

Qaq no'on da qauloichigui, da nache chegoqchiguiña nagui da saishet qome da qui'itchigui na laỹe'pi na nañiguishec. Qaq nagui na'aictaxa da saxanaxa da ỹe ana ala ana uva, qataq ana hiigo, qataq ana granado, qataq ana oliivo, qalaxaye nache chegoqchiguiña nagui da sanem da no'on lañaxataxac.›»

2 Crónicas 31:21

Qaq 'enauac nam ỹacoolec da ỹo'ot, da yaqto' huapegue' aso atamnaxaqui maye lalamaqte Ñim Lo'onatac 'Enauacna, huo'otaq na nqataxacpi qataq na namaxasoxonaxacpi, da ỹo'ot qalaq imato'ot da lquiyaqteỹaxac da nmitaique Ñim Lo'onatac 'Enauacna, qaq ỹoqo'oye ỹataqta nquictasheguem.

Salmos 144:13

Naua naỹamaqtaxaqui' na ala na qorañiguishec, ña nlaqchiguilo qome ca ỹotta'a't ala ca qorañiguishec, qataq ca qana'atetpi ỹataqta nquictauec qome ye lcata, nache ỹataqta nlaqtelec na qano'onaxapi.

Deuteronómio 14:29

yaqto' da anac na leviitapi maye qaica ca lalamaxat na'alhua, qataq ca chegaqauecpi, saploqpi, qataq aca pa'aipi maye netaña que'eca huaqta'a't nỹecpi maye qoñiitaña, nache ishet nataqa'en da deque'e, ivitta'a da ỹataqta comaraxaicpi. Yaqto' qami' taleguete qome da lchoxonnataxanaxa Ñim Nataxala', nache 'onaxaic naqa'en 'enauac na qauo'oche.

2 Crónicas 31:10

nache so lataxala' so ntaxaỹaxanaxanecpi Azarías, maye chegoxoguet so Sadoc, ỹasateguet somaye 'eeta': «Chegoqchiguiña co'ollaq qaỹacoolec da qandoua'a ana atamnaxaqui maye lalamaqte Ñim Nataxala' ne'ena nachetaqtaxanaxatpi, nache qomi' saishet da seuenaqtaique ca sacheguenaq, qalaxaye ñaqaiyeta qalota na no'onañi, qaq 'enauac ne'ena nachena na no'onañi, cha'aye Ñim Nataxala' talec naqa'en da nqouagaxa nam lalamaxat nhuo' le'ecpi.»