Proverbios 3:1 - La'aqtaqa Ñim Lo'onatac 'Enauacna 2013

¹ 'Am ỹalcolec, saisheto' qome da 'aucoua'ai na ỹapaxaguenataxanaxacpi, 'oxotoigui qome da 'antoonaxac na ỹamaxasoxonaxacpi,

Proverbios 3:1 Referans Kwoze

Proverbios 4:5

'Auaconeguet qome da naỹaanec, qataq da naỹaanataxanaxac, qataq saishet da 'aucoua'aisalo naua ỹa'aqtaqa, qataq saishet da qoca'aisalo naamaye.

Salmos 119:16

Qataq ỹo'ot qome da samachiguiñi naua 'arqataxaco, qataq saishet qome da secoua'aisalo naua 'ara'aqtaqa.

Proverbios 1:8

'Am ỹalcolec, ỹataqta 'ana'axaỹaxana qome ca lqataxac ca 'arta'a, qataq saishet da qoca'ai ca lapaxaguenataxanaxac aca 'arate'e,

Salmos 119:93

Ỹoqo'oye saishet qome da secoua'aisalo naua 'aramaxasoxonaxaco, cha'aye naamaye chegoqchiguilo da 'auauo'o da ica'alaxa.

Salmos 119:34

Aỹem 'aỹa'anem qome ca ỹauattonaxanaxac da yaqto' saỹamaxa't naua 'arqataxaco, yaqto' imauec ñaqa'en da iquiyaqteỹaxac da sepacchiguilo.

Jeremías 31:33

Qaq 'era da ñaỹamaxataxac que'eca na'a'q qom ñaỹamaxate' na Israel le'ecpi, 'eeta': Sanaigui qome añi lquiyaqte naua iqataxaco qataq serelec da ntoonaxac. Nache namayepi Aỹem Natamnaxala' qome, qataq nache ỹalamaxatpi namayepi. Qaq 'era da ỹa'aqtac Aỹem Nataxala'.

Salmos 119:11

Añi iquiyaqte ỹataqta soxotoiguilo naua 'ara'aqtaqa, yaqto' saishet da 'am hueto'ot ca ỹasouaxashet.

Deuteronómio 8:1

Qaq ỹataqta qauo'oche qome 'enauac na namaxasoxonaxacpi maye qami' sanema nagui, yaqto' nache 'eetai' da qanca'alliitauec, qataq qaviyiỹa'a da ỹataqta qami' qalota, qataq qoñiỹalec ye 'alhua maye Ñim Nataxala' ỹachaxanapecot co'ollaxa da ỹanem so hua'au qarta'ailpi.

Salmos 119:153

Qaq ña 'aumeten qome da iuogoxo nache aỹem 'anca'alaxatec, cha'aye aỹem sa secoua'aisalo naua 'arqataxaco.

Oseas 4:6

Qaq cha'aye nam ỹalamaxat nhuo' le'ecpi qaica ca lauattonaxanaxac ỹoqo'oye ishet da nlaguiñi. Qaq 'am souaxat da sa 'auaconeguet de'era nauattonaxanaxac, nache ñeqat da 'am ỹa'aqtaxanaxanec. Qataq cha'aye 'aucoua'ai na lqataxacpi Ñim 'Anatamnaxala', nache Aỹem nataqa'en secoua'ai qome nam 'aỹa'alaqpi.

Deuteronómio 4:9

Qaq ỹoqo'oye saishet qome da qaucouaỹa'ai 'enauac na qauauañiichigui, qataq saishet da qaỹa'axañiiuec qom ña qanca'alliitauec, nacherata da qaua'aqtaxañim qome ca qaỹa'alquipi qataq ca qarhuallipi.

Salmos 119:176

Cha'aye aỹem ñesomaxaatapigui' co'ollaxa sheeta'am aca qagueta da deqat, qaq ỹoqo'oye 'auanac qome da 'anmitaique ne'ena 'aramaxashec, cha'aye aỹem sa secoua'aisalo naua 'aramaxasoxonaxaco.

Deuteronómio 4:23

Qalaxaye maxatchaxa qome, saishet da qaucouaỹa'ai da aỹamaxataxac maye qami' ỹo'oteque Ñim Nataxala' maye Qanatamnaxala'ai. Qataq saishet da qauo'oche ca qare'enaqtaqui qanatamnaxala'ai, cha'aye Ñim Nataxala' maye Qanatamnaxala'ai qami' illapeguema co'ollaxa namaye,

Proverbios 31:5

cha'aye da nỹomtac nache ishet da icoua'ai na nqataxacpi, qataq qaica ca ỹanaigui ca 'eetapeguec na choxoraqpi.

Isaías 51:17

Ñaq 'anlouec, ñaq 'anlouec 'am Jerusalén, ña qoñesheguem. 'Am 'anque'etaxangui co'ollaxa da nnogoxonaxac Ñim Nataxala', qoneta'am ca nỹomgui aca ỹomaxaqui nache ivitta'a da qui'itchigui naqa'en, nache ivitta'a da ỹataqta da taxaic.

Éxodo 20:6

Qalaxaye ỹataqta lta'araic da ỹauotaxanaqtaic ca aỹem ỹauotec qataq ỹalaxaleguete naua iqataxaco, qataq choche tatec da sauotec cam llalaqpi.

Salmos 91:16

Qataq sanem da qaỹoqtec da nachaalataxac, qataq da ntootapeguec da ica'alaqtaxanaxac.»

Salmos 119:61

Na'aictaxa da aỹem coleesop da aỹem nqoviitac na 'etaxaloxoicpi, qalaxaye saishet da secoua'aisalo naua 'arapaxaguenataxanaxaco.

Proverbios 2:1

'Am ỹalcolec, 'auaỹamaxatteque qome naua ỹa'aqtaqa, ỹataqta 'oxotoiguilo qome da 'antoonaxac naua ỹamaxasoxonaxaco.

Proverbios 4:2

Aỹem, qami' sanema na ỹataqta no'on ỹapaxaguenataxanaxacpi, qaq saishet qome da qoquiỹa'ai ne'ena iqataxacpi.

Proverbios 16:31

Ana napagaxai nachana ana ỹo'oxoren da nqueroxo, qataq anamaye 'itchiguiñi da laueque ca ỹaỹamaqchiguiñi da lataxac.

Proverbios 23:26

'Am ỹalcolec, ỹataqta aỹem 'aualaxaguet qome, qataq 'aulotelec da 'am sachaxana ỹecỹaxac,

Deuteronómio 5:16

Qataq huo'o naq 'enec 'anqa'en ca 'arta'a, qataq aca 'arate'e, cha'aye nachera da 'am ỹamaxalec Ñim Nataxala' maye 'Anatamnaxala', yaqto' qaỹoqtec da 'anachaalataxac da qonetalec ye 'alhua maye 'am ỹanem qome Ñimaye.

Deuteronómio 5:33

Nacherata da ỹataqta qoquiitegue da llecỹaxac na qami' ỹamaxaleguete Ñim Nataxala' maye Qanatamnaxala'ai, yaqto' 'onaxaic da qoyecỹaxaqui, qataq qaỹoqtec da qanachaalataxaqui da qoñiitalec ye 'alhua maye qami' ỹanema qome Ñimaye.»

Proverbios 4:21

Saishet qome da sa 'auloleguete naamaye, ỹataqta 'oxotoiguilo da 'antoonaxac.

Proverbios 8:1

Da naỹaanec ỹataqta nlamaxaren da deỹaxaatac, da naỹaanataxanaxac qaỹa'axaỹa naqa'en da lavilỹaxac.

Proverbios 9:1

Da naỹaanec no'oxoosheguem so lma', nache siete naqa'en soua llo'oxoraqte lauoqtel.