Proverbios 28:2 - La'aqtaqa Ñim Lo'onatac 'Enauacna 2013

² Da huo'o da loquiaxac ca qanayeutaña 'alhua, nache ỹo'ot da nquictauec na nataxala'pi, qalaxaye ca nataxala' maye huo'o na ỹaỹaten da ilo'ogue camaye nache ỹaỹamaqchiguiñi naqa'en da lataxac que'eca qanayeuta'a.

Proverbios 28:2 Referans Kwoze

1 Reyes 15:28

Qaq huetoigui so vi'i tres da ilotague' so Judá le'ecpi so Asá, da so Basá ỹalauat so Nadab, qaq somaye nache talec da no'onataxanaxac da nta'a.

Oseas 13:11

Qaq ỹataqta salemata co'ollaq 'am sanem som 'auỹaxaataique 'arta'alpi, qataq ỹataqta salemata co'ollaq ñeqat somayepi.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Isaías 58:12

Qaq nam 'arhuo' le'ecpi no'oxoosheguem qome nam togoshec maye qailaxachigui co'ollaxa, qataq no'oxoosheguem nam togoshaapec lo'oxonaxala'pi. Huaña nache nam 'arhuo' le'ecpi qaỹamata'ac qome da le'enaxat ‹Ỹaỹamaxaañi na npaqtaxanaxatpi maye hua'axauec co'ollaxa›, ‹qataq ñe'eguelaxatsheguem da no'oxoosheguem na nỹecpi maye nlaguiñi co'ollaxa›.

Eclesiastés 9:15

Qalaxaye se'eso huaqta'a't nỹecpi hueta'a so 'oonolec ỹale maye choxoraq, qalaxaye ỹaanaxanaxaic, qaq somaye ishet taxa da do'ogoxona da laỹaanec da nca'alaxatec som huaqta'a't nỹecpi, ¡qalaxaye qaica co'ollaxa ca tachigui lauel somaye!

1 Reyes 15:25

Qaq co'ollaq mashe ivi' dos vi'iye da nta'a ye Judá so Asá, nache so Nadab maye llalec so Jeroboán, ỹacoolec da lo'onataxanaxac da nta'a ye Israel, qaq da lo'onataxanaxac da nta'a ivi' dos vi'iye.

Proverbios 11:11

Da nchoxonnataguec ca no'on da lataxac ỹo'ot da nquictauec naqa'en ca huaqta'a't nỹecpi, qaq naua la'aqtaqa na qauemaicpi qalaq nlaxaañi camaye.