Proverbios 28:1 - La'aqtaqa Ñim Lo'onatac 'Enauacna 2013

¹ Ca qauemaic qalaq datauec na'aictaxa da saishet da qaicaatac, qaq na no'on da lataxac qalaq 'eeta'am na llon da qaica ca ndaqtaique.

Proverbios 28:1 Referans Kwoze

Deuteronómio 28:7

Qataq Ñim Nataxala' 'am ỹanem qome da 'oxonec ca 'ampa'aguenaxauapi da 'am iloquiaxan, na'aictaxa da nalochiguiñi camayepi da 'am naỹa, qalaxaye da datauec nache ỹataqta nlagaxattac.

Salmos 53:5

Qaq na'aictaxa da qaica ca ỹo'ot da lcolanaxa, qalaq namayepi iviloxolaqchet da lli'iỹaxa, cha'aye Ñim Lo'onatac 'Enauacna ilagaxattac na lpi'inecpi na depa'aguenataxaatacpi. Nache huo'o da la'aloxo cha'aye Ñim Lo'onatac 'Enauacna, saiuooneguet namayepi.

Salmos 112:7

Qataq saishet da ñe'etaique ca qauem na'aqtaxanaxac, cha'aye da lquiyaqteỹaxac saishet da deraỹapigui', cha'aye pi'iỹa'a Ñim Nataxala'.

1 Ts 2:2

Nataqa'en qauaỹaañi da co'ollaq huaña ye nỹecpi ye Filipos, nache qomi' qaisheueeta'ape qataq saishet da qomi' qaiyacna'ape. Qalaxaye na'aictaxa da souaqaigui da lta'araic lqalaic, qalaxaye Ñim Lo'onatac 'Enauacna qomi' ỹanema da lta'araic qara'añaxac da sa'axataq da no'on na'axaỹaxac.

Hechos 4:13

Nache so nta'alpi co'ollaq ila'a da so Pedro qataq so Juan ỹataqta sa ñe'erelec da ltaxaỹaxa'c, qataq ila'a da soomaye saishet da paxaguenaxaiqa, qataq nachena nam shiỹaxauapi maye choche huesoxoic, nache huo'o da la'aalaxa. Qataq qananomalo da soomaye ca'attrague' co'ollaxa So Jesús.

Hechos 14:3

Qaq so Pablo qataq so Bernabé huera'a ye Iconio ỹataqta huo'oi soua na'axa'te. Ỹataqta ỹauo'o da naquitaxa'c Ñim Lo'onatac 'Enauacna, nache ỹataqta da'aqtaxaatrem na shiỹaxauapi da 'eesa lauotaxanaqtaic Ñimaye. Qaq Ñim Qarataxala' ỹanema da la'añaxa'c da ỹo'o't nam sa qaỹauanapega qataq nam ỹo'ot da na'aalaxa, yaqto' na shiỹaxauapi ỹa'amaqten 'enauac nam la'aqtaxanaxa'c soomaye.

Jeremías 20:4

Cha'aye Ñim Nataxala', 'enapec: ‹Nagui 'am she'eguelaxata qome da huo'o da 'arcolanaxa, qataq na 'anauochaxauapi, qataq 'auauaachigui qome na 'ampa'aguenaxauapi da ỹalauat na 'anauochaxauapi irolec ca ỹeelonec. Aỹem saneguet qome 'enauac nam hueta'a na Judá, da lhuaqỹaxac ñim nta'a ye Babilonia, qaq ñimaye ỹauega qome namayepi ye Babilonia, huo'otaq da ỹalauat irolec ca ỹeelonec.

Levítico 26:36

Nache 'enauac ca lca'alaxaicpi da qoñiita maye hueta'a ca na'alhua ca qanpa'aguenaxauaipi, ỹataqta sa la'axaic ñaqa'en qome da lli'iỹaxa, nache da choche hua'axaỹa da dauaclec aca qo'oipaq laue nache datauec, 'eeta'am ca dataueeguesop ca no'ogoxonaxat, qataq maiche huañi, na'aictaxa da qaica ca ncaatague'.

Deuteronómio 28:25

Qataq 'am loxonec naqa'en qome ca 'ampa'aguenaxauapi, na'aictaxa da qanaloichiguiñi da qanqo'oñiỹa da qanalaache' camayepi, qalaxaye qanlagaxacheetac qome da qauataiueeguesop camayepi. Nache 'enauac na ỹotta'a't shiỹaxauapi 'am ỹe'enai' qome.

2 Reyes 7:15

Nache jec somayepi da iual-lec so llec so siiriopi, nache ivittaxaama so tala Jordán, nache somayepi ilalec som huetangui so llec somayepi, nogoxot, qataq som laỹepi nogoxoshetpi, maye naañi co'ollaq datauec som siiriopi, souaxat da lỹalaxa. Nache se'esoua namaxa'she ỹe'eguelaxareuo co'ollaxa da yaqto' da'aqtaxanem so nta'a.

Isaías 7:2

Qaq huaña co'ollaxa nache so nta'a Ajaz, qataq so llalaqpi huo'o da la'axaỹaxac maye 'eeta': «Ye siiriopi huaxaiguet na lma' ye Efraín.» Nache so nta'a, qataq so shiỹaxauapi ỹataqta cholaxan souaxat da lli'iỹaxa, 'eeta'am aca qo'oipaq da cholaxan da huo'o na la'at.

Éxodo 11:8

Huaña qome, nache aỹem naỹa 'enauac ne'ena 'artauapi, nache ỹa'alyiñi naua l-llecte da aỹem iỹaxanot, 'eeta': Qoqui qome, 'am qataq 'enauac nam shiỹaxauapi maye 'am quetague', huaña qome nache ishet da ashec.» Nache ỹataqta dalemata so Moisés co'ollaq ca'ai so faraón.

Levítico 26:17

Qaq Aỹem nache qami' sataỹa'agueta qome, qataq qami' naue'c ñaqa'en ca qampa'aguenaxauaipi. Qataq qami' ilatta'ape ca qami' lquiỹaqa'ate, nache huaña qaq maiche qauataiuec na'aictaxa da qaica ca qami' icaata'ape.

Nehemías 6:11

Qalaxaye aỹem sheeta': «Cam ỹale maye 'eeta'am aỹem, saishet da datauec, qataq saishet da nqo'ona da nqañoxotoigui aca atamnaxaqui da yaqto' nca'alec. ¡Aỹem saishet da ñeqañoxottapiguiñi!»

Proverbios 27:27

nache ana'ana 'arelo quetaq ỹataqta qalota na lche' da yaqto' 'auque'etac 'am qataq na 'aỹa'alaqpi qataq 'enauac na 'aro'onataxanaxanecpi.

Isaías 30:17

Qataq souaxat da larenaxanaxac ca 'oonolec shiỹaxaua, nache mil qome cam datauec da qoñiita, qataq souaxat da larenaxanaxa'c caua cinco nache 'enauac qami' da qauataiuec qome, choche ivitta'a da qoñeeta'am aca 'oonole qo'oipaq, maye netalec aca qasoxonaxa huo'otaq aca na'anaxanaqte maye netalec ca qaỹoqotcheguemec 'alhua.

1 Reyes 1:49

Qaq so lquia'axauapi so Adonías co'ollaq hua'axaỹa de'era, nache ỹataqta ñi'i, nache 'enauac somayepi ñisheguem nache nlagaxatapec da jec.

Da na'aqtaguec so Job 15:21

Qataq hua'aqtega na lta'araic nllimiaxa maye ỹo'ot da ncolanaxa, qaq da ivita da ỹe'emaqtac, nache na cachaxaicpi decachiỹot.

Salmos 53:6

Qaq 'onaxaictaxa da chegoqchiguiña añi qasoxonaxa Sión ca lca'alaxa na Israel le'ecpi qom ivita da Ñim Lo'onatac 'Enauacna ỹe'eguelaxa da ỹaỹamaxaañi na lalamaxat nhuo' le'ecpi. Nache machiguiñi qome na chegoxoguet so Jacob, qataq 'enauac na Israel le'ecpi.

Proverbios 10:9

Ca ilotague' da llecỹaxac camaye qaica ca ñe'etaique, qaq ca qauem da llecỹaxac qalaq qauem ca loga't.