Proverbios 27:9 - La'aqtaqa Ñim Lo'onatac 'Enauacna 2013

⁹ Ca no'on coraxat qataq nchenaxanaxat ama na laita, ỹo'o't da machiguiñi naqa'en da nquiyacteỹaxac, qataq da no'on lqataxac ca auochaxaua huo'o da lamaic naqa'en da achaalataxac.

Proverbios 27:9 Referans Kwoze

Proverbios 16:21

Ca ỹaanaxanaxaiqa naua lhuennataxaco qalaq camaye qaỹamata'ac da ỹaanataxanaxaic, qaq naua na'aqtaqa soxoraiqa, qalaq nquigaxatec na qaỹaỹaten.

Salmos 23:5

Qataq 'auqataxanai' so iquia'axac, ỹauaachigui 'anqa'en na ñepa'aguenaxauapi, qataq 'aucorelec na iqaic so coraxat, qataq ipaxaatapeguelec 'anqa'en aso ỹaquipiaxaqui.

Proverbios 15:23

Ỹataqta 'onaxaic da ỹaỹamaqchiguiñi ca nasataxac, lamaaxa da huaqchigui da ỹoqta qaiuen.

Salmos 104:15

na lataxa maye machiguiñi naqa'en da lquiyaqteỹaxac, qataq na aceite maye no'onaxat da lashiguiỹaxac, qataq na nallec maye ỹo'ot da la'añaxac da nachaalataxac.

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Cantares 3:6

¿Chaq negue't na chegoqtalec na toolec 'alhua qataq naỹa'acna 'eeta'am na nchisheguem lmala'q, qataq naỹoxoosheguem na laita ana mirra, qataq na 'onaxaic nchenaxanaxat, qataq 'enauac na ỹotta'a't coraxatpi maye ỹoqta no'on?

Juan 12:3

Nache aso María maye lqaỹa't soomaye, asomaye ndouo so ivi' na medio litro na coraxat maye le'enaxat nardo. Somaye ỹataqta late'erai añi lasheue, nache icoreleguete naua lapia'ate So Jesús. Ime, nache deqaxaỹaqtaxana na laue. Qaq 'enauac se'eso nỹec ỹataqta ỹe'eguelaxaigui na laita so coraxat.

Salmos 133:2

'Eeta'am ca no'on coraxat maye qaicorelec na lqaic so Aarón, nache ivittaña da naguingui ana lqa' laue, anam lqa' laue somaye nache nviraña so loga't aso lapoto.

Jueces 9:9

Qalaxaye aso olivo 'enapeco': Saishet, cha'aye qom aỹem lta'a ana qo'oipaqpi, nache huaña qaq saxaañi da so'ottac na aceite, maye ỹauo'o da lamaicỹaxac na shiỹaxauapi, qataq da qaỹo'oxoren Ñim Lo'onatac 'Enauacna.

Hechos 28:15

Qaq som qarqaỹañicpi maye netaña ye Roma mashe huo'o da la'axaỹaxac da shenaqta; nache somayepi qomi' huaqata'agueta. Huo'o na nqattauga ye ntaxaỹaqa' maye le'enaxat Apio, qataq yem le'enaxat tres mataqa'ate. Qaq can ilaigui somayepi so Pablo, nache ỹanot da na'achec Ñim Lo'onatac 'Enauacna, nache ỹataqta nomteguet da la'añaxac.

Cantares 1:3

Ỹataqta ama da laitaỹaxac na 'ancoraxat, qataq da qanasaxauec da 'are'enaxat nache 'eeta'am na coraxat da huaỹoxon na ama laitaỹaxac. ¡Ỹoqo'oye ỹataqta 'am nqopita na qa'ampiolec!

Proverbios 7:17

qataq mashe secorelec so coraxat ama da laitaỹaxac, chegaqaigui na qo'oipaq lcha'q, qataq ana áloe qataq na lỹa coraxat.

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

1 Reyes 1:12

Qaq da 'anshetaique da 'anca'alec, qataq so 'aỹa'alec Salomón, nache 'ana'axaỹaxana da iqataxac,