Proverbios 27:8 - La'aqtaqa Ñim Lo'onatac 'Enauacna 2013

⁸ Qataq 'eeta'am ca qoỹo da huaỹoteguelec ca huaña cam qaỹoqta naña ca lpata'c, nachera da 'eetec ca shiỹaxaua da coleeteguelec ca huaña cam qaỹoqta naña ca lma'.

Proverbios 27:8 Referans Kwoze

Isaías 16:2

Qaq na lma' ye Moab qalaq ỹa'axasoxoolec qome so tala Arnón, 'eeta'am ca qoỹo da qaỹo'oraxat, nache datauec ca'ai ca lpata'c.

Proverbios 21:16

Qaq ca shiỹaxaua da ca'ai da llecỹaxac da naỹaanataxanaxac, camaye taỹa'a da ỹalectaigui na leuaxaicpi.

1 Corintios 7:20

Ca 'oonolec iuen da saq ỹaxanec cam lataxac co'ollaq ỹa'amaqten So Cristo.

Jonás 1:3

Qalaxaye so Jonás, dataueeguesop Ñim Nataxala' taỹa ye Tarsis, qalaxaye ỹa'auaxaañi da taỹa so ñegaxasom le'enaxat Jope, yem huaña da natenalec aso notaxaqui maye mashe huotaique da taỹa da Tarsis. Huaña nache desheenaxana aso lliquiaxaqui da yaqto' huenoteuo da taỹa yemaye da dataueeguesop Ñim Nataxala'.

1 Reyes 19:9

Qaq huaña yemaye nache taigui so auac, nache huetaigui se'eso pe. Qalaxaye Ñim Nataxala' 'enapega somaye, 'eeta': «Elías, ¿negue't ca 'auo'ottac da qoueta'a ne'ena?»

1 Samuel 22:5

Qalaxaye so na'aqtaxanaxanec le'enaxat Gad, 'enapego' so David, 'eeta': Saishet da nache qoueta'a ne'ena 'anqañoxotaqa', nacherata da 'anqo'ona ye Judá. Huaña, nache jec so David, nache ivitta'a ye aviaq ye Jaret.

Proverbios 26:2

Nache 'eeta'am ca qoỹo maye nỹec le'ec da choche taỹa'aicra' da huaỹotac, huo'otaq ca mayogotolec maye qaica ca lpata'c, qaq nache 'eetec de'era qauem da saishet da choche anac.

Génesis 4:16

Nache so Caín jec da ca'ai yem huaña da na'aqtaxaatague' Ñim Nataxala', nache nqo'ona da nalec ye 'alhua maye le'enaxat Nod, maye pa'aỹa'ague da nala' lliguisheguem ye Edén.

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Proverbios 27:7

Ca comaraxaic qalaq ivira'a na te'esaq lta'a lli'i da ỹo'otan, qaq ca iqouat qalaq ivira'a na chem 'eeta'am da ama naqa'en.

1 Reyes 11:22

Nache so faraón 'enapeco': ¿Ta'ainco' ye 'anshetaique da 'avi'eguelaxa ye 'ana'alhua? ¿Peta'a huo'o ca lỹa 'aueetaique ne'ena qoueta'a? Nache so Hadad 'enapeco': Qaica, qalaxaye 'am ñachoxoreetot da aỹem 'auasheeta qome da she'eguelaq.