Proverbios 27:6 - La'aqtaqa Ñim Lo'onatac 'Enauacna 2013

⁶ Qataq ỹactec da naigui da qaipi'iỹa'a ca auochaxaua maye deque'emaqtaxan, qaq saq 'ena'am ca choche napigoxoi' ca ipa'agueetac.

Proverbios 27:6 Referans Kwoze

Salmos 141:5

Cam no'on da lataxac no'on qome da ỹo'ot ca ñeuaxanaguec, qaq camaye nacheca qome ca nchoxonnataxanaxa, qalaxaye saishet qome da qaicorelec na iqaic ca no'on na laita ncoraxat na qauemaicpi, cha'aye da ñatamnaxac nache 'eetai' naxa, da dataỹa'aguet nam qauem maye ỹo'ottac namayepi.

Apocalipsis 3:19

Cha'aye Aỹem ỹataqta seviraxato'ot, qataq saỹamaxaañi da lataxac nam ỹauotaxatpi. Qaq ỹoqo'oye 'avi'eguelaqot Ñim Lo'onatac 'Enauacna qataq imauec da 'aualaxaguet.

Hebreos 12:10

Co'ollaq ñaq qomi' nogotolqa, nache soua yo'oqchiguilo qarta'al qomi' ỹapaxagueeta'ape, cha'aye ỹaỹaten damaye da qomi' ỹaỹamaxaayiñi. Qalaxaye Ñim Lo'onatac 'Enauacna qomi' ỹapaxagueneque dam ỹoqta 'eesa da qomi' ỹaỹamaxaayiñi, cha'aye nshetaique da qomi' qui'itte', da shenaqta'am Ñimaye.

Proverbios 10:18

Ca saq 'e'n naua la'aqtaqa camaye ỹoxottañi da lquiỹaxa, qataq qaica ca ỹaỹaana'a ca ỹa'axatec ca saq 'en.

Proverbios 20:30

Na qauemsat da qanataren qalaq qairolec na nque'emaxapi qataq na nhuaxanecpi, cha'aye de'era nhuaxanaxanaxac nachera da no'oita naqa'en da nvilỹaxac.

Proverbios 27:7

Ca comaraxaic qalaq ivira'a na te'esaq lta'a lli'i da ỹo'otan, qaq ca iqouat qalaq ivira'a na chem 'eeta'am da ama naqa'en.

Proverbios 28:23

Ca ishet da nlaxan ca lỹa camaye ivira'a da huo'o da nauoche, qaq saq 'ena'am ca choche no'onaxa't naua la'aqtaqa.