Proverbios 27:4 - La'aqtaqa Ñim Lo'onatac 'Enauacna 2013

⁴ Da nayeloxo ỹataqta qauem qataq da nalemataic ishet da huo'o ca ilaxachigui, qalaxaye da nquiỹaxanaqtaic qaica ca ishet da mpaxata'aguet.

Proverbios 27:4 Referans Kwoze

Proverbios 6:34

Cha'aye ca ỹale ca'alaxanaxaic 'eeta'am ca norec, sa dechoxonnataxan da ivita da ipalaique ca lvi',

Proverbios 14:30

Da ỹe'emaqtac da nquiyaqteỹaxac, nache no'oita naqa'en da no'ocỹaxac, qaq da nquiỹaxanaqtaic qalaq ivira'a da iche'c naua npi'ineqa.

Hechos 7:9

Qaq se'esoua llalqa so Jacob maye sachegoxosoxoiguilo, soomaye co'ollaxa ỹataqta nquiỹalo so lqaỹa José. Nache ime'n, da yaqto' qaỹauega ye 'alhua Egipto. Qalaxaye Ñim Lo'onatac 'Enauacna ỹataqta ỹauotec somaye,

Mateo 27:18

So Pilato ỹauo'o de'era lnataxanaxac, cha'aye somaye ỹaỹaten da som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som nataxala'pi yi'iye 'alhua, huo'o na ỹasaqteguelec 'eetega lasouaxashet So Jesús, cha'aye souaxat da lquiỹaxa.

Da na'aqtaguec so Job 5:2

Cha'aye da nalemataic taỹa'a da nleuaxa, qataq da nquiỹaxanaqtaic ỹalauat ca qaica ca ỹaỹaana'a.

1 Juan 3:12

Saishet da shenaqta'am so Caín maye 'eeta'am ca llalec so pa'aguenataxanaxaic, nache ỹalauat so lqaỹa. Qaq ¿ta'ainco' ye ỹalauat? Qomye da ỹo'ottac so Caín co'ollaxa ỹataqta qauem, qaq dam ỹo'ottac som lqaỹa co'ollaxa qalaq ỹataqta 'onaxaic.

Hechos 17:5

Qalaxaye nataqa'en huo'o na judiopi nam saishet da da'amqaanataxan. Nache namayepi ỹataqta huo'o da lquiỹaxa soomaye, nache laỹona't nam shiỹaxauapi qauemaicpi maye qaica ca ỹo'ot, quetapeeguelo naua nqa'aico da inogoqchet. Nache nqo'ona ca lma' so Jasón da inoxottac, nmittaique so Pablo qataq so Silas da ỹauotaique da ỹaconeua'alo, nache ỹaneua'alo na shiỹaxauapi da yaqto' huo'o ca ỹo'ote'c sa ỹaỹamaxañi.

Cantares 8:6

Ỹataqta huetaigui qome 'anqa'en da 'arquiyaqteỹaxac da 'arhuennataxac da sheeta, qataq ỹataqta 'eeta'am da 'erelec na 'arhuaq. Da qarauotaxanaqtaic qaica ca npaxateguet, 'eeta'am da nleuaxa, da nqopitaxanaqtaic saishet da 'am ỹaxanec, 'eeta'am ca nleuqa'. ¡Da la'añaxac da nauotaxanaqtaic 'eeta'am ca chegaqasheguem saqcha'a norec!

Génesis 37:11

Nache soua lqaỹa't somaye ỹataqta huo'o da lquiỹaqa', qalaxaye so lta'a ỹataqta deuennataxaatapeguelec de'era.

Génesis 26:14

Ỹataqta qalota aso lalo qaguetapi, qataq huacapi, qataq so lamaxashecpi, qaq ỹoqo'oye so filisteopi, huo'o da lquiỹaxa co'ollaxa somaye.

Romanos 1:29

Qaq namayepi ỹataqta saishet da ỹaỹamaxañi da lataxac, 'etaxaloxoicpi qataq qopitaxanaqtaqaicpi. Namayepi nataqa'en quiỹaxanaqtaqaicpi, laataxanaxaicpi, loquiaxaicpi, tenataxanaxaicpi qataq na'aqtaqa lo'opi.

Hechos 5:17

Nache som lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq so saduceopi maye nnaictague' somaye, ỹataqta nquiỹalo soua lamaxa'she So Jesús.

Proverbios 27:3

Na coma'pi qataq na lsoche namaye ỹataqta qapa'atta, qalaxaye ỹactec da qapa'atta da lalemataic ca qaica ca ỹaỹaanapec.

Génesis 38:9

Qalaxaye so Onán, ye ỹaỹaten da ivita da huo'o ca chegoxoguetpi somaye, nache saishet da ỹoqta 'itchiguiñi da llalaqpi. Qaq ỹoqo'oye, naxa da hue'eguet aso pa'ai, nache ỹauo'o da lataxac da yaqto' asomaye saishet da hualaxai, yaqto' so lqaỹa saishet da huo'o ca chegoxoguetpi, da chegoqchigui somaye.

1 Samuel 18:9

Qaq nache chegoqchiguiña da so Saúl ỹataqta ndaxaỹa'aguet so David.