Proverbios 27:2 - La'aqtaqa Ñim Lo'onatac 'Enauacna 2013

² 'Aua'aqta'a da ỹaqa'a ca 'am ỹo'oxoren, cha'aye saỹaỹamaxañi da maiche 'año'oxoreetapeguela't.

Proverbios 27:2 Referans Kwoze

2 Corintios 10:18

Cha'aye ca shiỹaxaua maye qaỹaỹamaxareeta, saishet da nacheca cam maiche ño'oxoreetapeguela't, nachaqcata cam ỹaỹamaxareeta Ñim Nataxala'.

Proverbios 25:27

Qataq saỹaỹamaxañi da sa qaỹala'ac da qanallec ca te'esaq lta'a lli'i, qataq saỹaỹamaxañi da qanmitta'ai da maiche ño'oxoyec.

2 Corintios 10:12

Cha'aye aỹem saishet da sauotaique da sheeta'am nam detaqtacpi da maiche ño'oxoreetapeguela't. Cha'aye da huo'o ca maiche naloqnaxaatapeguela't, nache camaye qaica ca laỹaanataxanaxac.

2 Corintios 12:11

Aỹem saỹaten da maiche ño'oxoreetapeguela't, nache damaye ỹa'axat da qaica ca saỹaanapec, qalaxaye qami' aỹem qauamaqỹalec da so'ot damaye. Qamaq qami'ctaxa maye qavio'oxoyiñiitac aỹem, cha'aye sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi, na'aictaxa da aỹem qaica ca shenec.

Proverbios 27:3

Na coma'pi qataq na lsoche namaye ỹataqta qapa'atta, qalaxaye ỹactec da qapa'atta da lalemataic ca qaica ca ỹaỹaanapec.

2 Reyes 10:16

nache 'eeta': Ñaq aỹem 'auca'ategue, yaqto' 'auauaachigui da ỹataqta seca'alaxaalec Ñim Nataxala'. Huaña nache inotaxanaxangui aso laigona nache ỹauec.

Proverbios 20:6

Ỹataqta qalota na 'eetega da no'on da lataxac, qalaxaye saishet da saqalaq da qaỹanata ca ỹoqta ishet da qaipi'iỹa'a.