Proverbios 27:1 - La'aqtaqa Ñim Lo'onatac 'Enauacna 2013

¹ Saishet da 'ana'amaqteeta'aguet ca lỹa na'a'q, cha'aye sa 'auaỹaten ca huaigui qom nvi' camaye.

Proverbios 27:1 Referans Kwoze

2 Corintios 6:2

Cha'aye Ñimaye, naua la'aqtaqa maye nanettrañi, 'eetra': «So na'a'q maye ichoxonnataxanaxaqui, qalaq 'am sa'aqtega; qataq so na'a'q maye huetoigui da seca'alaqtaxan, qalaq 'am setauan.» Qaq nachena na na'a'q nchoxonnataxanaxaqui; qataq nachena na na'a'q nca'alaqtaxanaxaqui.

1 Samuel 28:19

Qataq Ñim Nataxala' ỹanem na filisteopi da loxonec na Israel le'ecpi, nataqa'en 'am, qataq na 'aỹa'alaqpi, qaq qonte', nache 'am qataq naua 'aỹa'alqa aỹem qarhuoreuai qome. Nache Ñim Nataxala' ỹo'ot da so filisteopi loxonec naqa'en so alleppi so Israel le'ecpi.

Isaías 56:12

Qaq 'enapec naxa namayepi: «Qolaq selaqaique ca lataxa, qataq cam lataxa maye ỹataqta chem da yaqto' ishet da qomi' taxaicpi. Qaq nache shenaqtec nataqa'en qonte' qalaxaye ỹactec qome ca qanỹomaxac.»

Salmos 95:7

Cha'aye Ñimaye nacheñi Ñim Qanatamnaxala', qataq qomi' nhuo' le'ecpi, qomi' lalamaqa'ate Ñimaye, shenaqta'am ana qagueta da qomi' ilotagueto. Qaq qami' da qaua'aqaiỹa nagui da lavilỹaxac Ñimaye maye, 'eeta':

1 Reyes 20:11

Nache so nta'a ye Israel, ỹasateguet somaye, 'eeta': «Saishet qome da 'aua'alaqtai' qom ñaq saxanaxa da 'auauegaxan.»

Ester 5:12

Qaq nataqa'en, 'enapec: Nachaỹemta da aỹem icoyeguen aso nate'e Ester, da salegueua'a so nquia'axac maye ỹo'ot quiye, da ỹo'oxoren ñi nta'a, qataq da aỹem icoyeguen da qaltaq salegueua'a cam nquia'axac maye ỹo'ot qonte'.

Eclesiastés 8:7

da camaye saỹaỹaten cam ishet da ivireguet, qataq qaica ca ishet da ivitaqna'aguet camaye.