Proverbios 26:5 - La'aqtaqa Ñim Lo'onatac 'Enauacna 2013

⁵ 'Aua'aqtaxaatem ye hueta'a ca qaica ca ỹaỹaanapec, yaqto' camaye saishet da ipi'itaxaatega da huo'o na ỹaỹaten.

Proverbios 26:5 Referans Kwoze

Romanos 12:16

Qataq saishet da huo'o ca ỹoqtapegueuga da qoñiita. Qataq saishet da qami' ño'oxonnaxaiqa. Nachaqrata da qoñiita'am na shiỹaxauapi maye qaica ca la'amaqchec. Qataq saishet da qaupi'itaxañiitega da qanapacỹalec na laỹepi shiỹaxauapi da qoñiitega qami' ỹaanaxanaxaiqa.

Proverbios 28:11

Ca sallaxanec ipi'itaxaatega da ỹaanaxanaxaic, qalaxaye ca choxoraq qataq ỹaanataxanaxaic, ishet da ỹaỹaten camaye da 'eesa da ỹaanaxanaxaic.

Tito 1:13

¡Qaq 'eesa de'era la'aqtac! Ỹoqo'oye nagui ỹataqta 'ana'axannec da qonapega namayepi, yaqto' ishet da no'oita da lpi'iỹaxac,

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Juan 8:7

Qalaxaye soomaye, nache quetro'oto da denataxaata'ape. Nache So Jesús nachaañi, nache 'enapegalo soomaye, 'eeta': –Da huo'o ca 'oonolec da qoñiita da qaica ca lasouaxashet, qaq nacheca ca la'auaxanec da ỹasaq ca coma' aramaye.

Proverbios 26:12

Qataq ỹactec da ishet da qanaquita'a ca nauattoola't da qaica ca ỹaỹaanapec, qaq saq 'ena'am ca qaica ca ỹaỹaanapec maye 'eetega huo'o na ỹaỹaten.

Proverbios 26:4

Saishet da 'auasatta'aguet ca qaica ca ỹaỹaanapec, yaqto' saishet da qoneta'am camaye da qaica ca 'auaỹaanapec.

Proverbios 3:7

Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

Isaías 5:21

¡Choxoraxaso' nam 'eetega ỹaanaxanaxaicpi, qataq nam 'eetega ỹaanataxanaxaicpi!

Proverbios 26:6

Da qaỹachoxoolec ca na'aqtac ca qaica ca ỹaỹaanapec, nache 'eeta'am da qaicheguerec naua nchel huo'otaq da qanque'etaxangui da loquiaxac.