Biblia Todo Logo
Bib sou entènèt

- Piblisite -




Proverbios 26:3 - La'aqtaqa Ñim Lo'onatac 'Enauacna 2013

3 Ca caaỹo qaira'a ca nhuaxanaxanaxat da qaỹo'oxoỹaqchet, qataq ca 'ashena qoỹanaguilo caua lqueenaxanaqa'ate, qataq ca nhuaxanaxanaxat qairolec ca qaica ca ỹaỹaanapec da qaiuaxan.

Gade chapit la Kopi




Proverbios 26:3
10 Referans Kwoze  

Naua la'aqtaqa ca ỹaanaxanaxaic chegaqaiguilo da naỹaanec, qaq ca qaica ca ỹaỹaana'a qalaq taỹa'a da qaiuaxaalec na l-laq ca nhuaxanaxanaxat.


¿Negue't ca ỹoqta qaupaquiitaique qom qami' ñeqo'onalo? ¿Peta'a qaravilliỹa da qami' seroleguete ca iuaxanaxanaxat, qalqo' da isoxoyec qataq da huesotta ỹataxac?


Qaq saishet qome da qoneta'am na 'ashena huo'otaq na caaỹo, maye qaica ca ỹaỹaanapec nache iuen da qaỹauo'o ca nmiiguishec qataq naua lqueenaxanaqa'ate da yaqto' qanllañi, cha'aye da sa qoỹeetec de'era, nache saishet da qaipoteua'a.»


Co'ollaq mashe dos da she'eguelaxalec da qami' ñamaqtegalo, nache qami' secoyegueete' da nam huo'o ca lasouaxashet aỹem ỹataqta ña'axannec da shenapega, semata'aguet nam taỹa'a nataqa'en da ỹo'ot de'era ñe'etaxaloxo. Qaq nagui da aỹem qaỹoqta, nache qaltaq she'eguelaxaalec de'era.


Qataq ỹataqta qaica ca shegaqtega da sauoqo'o ca nhuaxanaguec 'enauac nam saishet da ỹalaxaguet So Cristo, sa'auaxanaqchiyiñi qami' choche ivitta'a que'eca na'a'q da 'enauac na shiỹaxauapi da ỹataqta ỹalaq.


Ca qaica ca ỹaỹaanapec na'aictoxo' da 'eeta'am aca nañiguishe ala da ỹataqta qailaxachigui da qaisoigui, qalaxaye camaye saishet da qanqateeguesop da qaica ca ỹaỹaten.


Mashe sogote da qaiqataxaatai' da nhuaxanaguec na sancherapecpi, qataq na nhuaxanaxanaxat da yaqto' qaiuaxaalec na l-laq ca qaica ca ỹaỹaanapec.


Da 'auaxan ca sancherapec, nache ỹaỹaanataxanaxan ca qaica ca ỹaỹaanapec, qaq da 'anlaxanec ca ỹaanaxanaxaic nache nquictec da lauattonaxanaxac.


Ca ỹaanataxanaxaic, ỹaỹaanataxanaxan da qanlaxa qaq ca qaica ca ỹaỹaanapec qalaq na'aictaxa da cien qaiuaxan qalaq saishet da daỹaanataxan.


Swiv nou:

Piblisite


Piblisite