Proverbios 26:2 - La'aqtaqa Ñim Lo'onatac 'Enauacna 2013

² Nache 'eeta'am ca qoỹo maye nỹec le'ec da choche taỹa'aicra' da huaỹotac, huo'otaq ca mayogotolec maye qaica ca lpata'c, qaq nache 'eetec de'era qauem da saishet da choche anac.

Proverbios 26:2 Referans Kwoze

Números 23:8

Qalaxaye ¿Ca 'eeteco' da sasaxalec ca qauem ỹa'aqtac, ne'ena shiỹaxauapi maye Ñim Lo'onatac 'Enauacna saishet da ỹasaxalec ca qauem la'aqtac? ¿Qataq ta'ainec taxa da sasaxalec ca nhuaxanaguec, ye Ñim Nataxala' saishet da ỹo'ot ca nhuaxanaguec?

Salmos 109:28

Ỹoqo'oye na'aictoxo' namayepi da aỹem isheueetac, qalaxaye 'am aỹem 'auchoxoren qome. Namayepi ishet da aỹem iloquiaxan, qalaxaye huo'o qome da la'aloxo, cha'aye ne'ena 'aramaxashec huo'o qome da ntonaxac.

Nehemías 13:2

Cha'aye souaxat somayepi da saishet co'ollaxa da ỹami' ca aloq, qataq ca laquip so Israel le'ecpi, nacherata da isheeten so Balaam da yaqto' ỹasaxalec so qauem la'aqtac, qalaxaye Ñim Lo'onatac 'Enauacna saishet da ipaigui naqa'en se'eso qauem la'aqtac somaye nda'a't da nmeneguet naqa'en da no'on.

2 Samuel 16:12

Qaq sa iuena'a da ila'a da ñeque'eenaxac Ñim Nataxala', nache maiche aỹem ỹanem ca ñechoxonnataguec, nmeneguet naqa'en na qauem na'aqtacpi maye aỹem qaỹasaxalec nagui.

1 Samuel 17:43

Nache 'enapega somaye, 'eeta': ¿Peta'a 'aupi'itaxaatega da aỹem pioq da aỹem 'aurolec na qo'oipaq da aỹem 'auloquiaxan? Qaq nache talec naqa'en na qauem la'aqtacpi so David, irolec da le'enaxat na ne'enaqtac maye natamnaxala'pi somaye.

Proverbios 27:8

Qataq 'eeta'am ca qoỹo da huaỹoteguelec ca huaña cam qaỹoqta naña ca lpata'c, nachera da 'eetec ca shiỹaxaua da coleeteguelec ca huaña cam qaỹoqta naña ca lma'.

Isaías 16:2

Qaq na lma' ye Moab qalaq ỹa'axasoxoolec qome so tala Arnón, 'eeta'am ca qoỹo da qaỹo'oraxat, nache datauec ca'ai ca lpata'c.

2 Samuel 16:8

Ñim Nataxala' ỹauo'o nagui da 'anhuaxanaguec, souaxat da 'auo'otec da l-leuaxa so llalaqpi so Saúl, da yaqto' 'auacona da lo'onataxanaxac somaye da nta'a. Ỹoqo'oye nagui Ñim Nataxala', ỹanem so 'aỹa'alec Absalón, da 'aro'onataxanaxac da 'am nta'a. Qaq nagui, qoueta'a ne'ena, nache maiche 'anque'etaxangui dam qauem, souaxat da 'am laataxanaxaic.