Proverbios 24:9 - La'aqtaqa Ñim Lo'onatac 'Enauacna 2013

⁹ Na lhuennataxacpi ca qaica ca ỹaỹaanapec qalaq ndotec na nasouaxashetpi, qataq ca sairen ca lỹa qalaq qaica ca isheteguet camaye.

Proverbios 24:9 Referans Kwoze

2 Corintios 10:5

qataq da ño'oxonnaxac nam huotaique da npaxateguet da yaqto' saishet da ivira da ỹoqta qaỹauatton Ñim Lo'onatac 'Enauacna. Sachegoxotaqchigui de'era na'añaxac da so'ogoxonaxa da yaqto' na 'etaxaloxoicpi naralaxa't naua lhuennataxaco, nache ỹalaxaguet So Cristo.

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

Hechos 8:22

Chaqrata da 'aỹa'axaañi da 'aye'etaxaloxo, qataq 'anachoxonnot Ñim Lo'onatac 'Enauacna, shapegueto' qom ishet da 'am ichoxoren, nache ỹapalaxat da qauem lhuennataxa añi 'arquiyaqte.

Mateo 9:4

Qalaxaye So Jesús co'ollaq noma da lhuennataxac somayepi, nache 'enapega, 'eeta': «¿Ta'ainco' ye ỹataqta qauema naua qarhuennataxacolli'?

Proverbios 29:8

Qaq na nogoqtaxanaxaicpi qalaq lliỹa't naqa'en na netaña ca huaqta'a't nỹecpi, qaq na ỹaanaxanaxaicpi qalaq nmanaqche't naua nhuennataxaco.

Proverbios 24:8

Ca nache 'eetai' da qauema naua lhuennataxaco, qalaq camaye nache le'enaxat qanqa'en da qauema na lhuennataxaco.

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Génesis 6:5

Qaq Ñim Nataxala' ila'a co'ollaxa da so shiỹaxauapi ana 'alhua ỹapacauec da ỹo'ottac na qauem, qataq da nache lhuennataxac da ỹo'ottac na qauem,

Proverbios 23:7

cha'aye namaye 'eeta'am ca qoue da huetangui ana nqoichiqui, cha'aye camaye 'am iỹaxana da 'arquia'axaua qataq 'anỹomaxaua, qalaxaye saishet da ỹoqta 'eesa da lhuennataxa,

Proverbios 22:10

'auamaqauec qome ca sancherapec yaqto' imeuo da loquiaxac, qataq imeuo na cotaxacpi qataq da nsheunaxanaxac.

Salmos 119:113

Aỹem ỹataqta saỹemec na saq ỹataxalec da lataxac, qalaxaye sauoteque naua 'arqataxaco.

Génesis 8:21

Qaq co'ollaq ivirot Ñim Nataxala', dam ỹataqta ama laitaỹaxac, nache 'enapeco': «Saishet qome da qaltaq she'eguelaxalec da sasaxalec ca qauem ỹa'aqtac ana 'alhua, souaxat nam qauem maye ỹo'otpi na shiỹaxauapi, cha'aye namayepi nache nacta'ai' co'ollaxa da iuennatega da ỹo'ot da qauem. Qataq nataqa'en saishet qome da qaltaq she'eguelaxa da ñelaxaañi 'enauac na shiguiỹacpi, da 'eeta'am de'era so'ot nagui.

Proverbios 9:7

Ca iviraxato'ot ca nogaqaic qataq qauemaic, nache camaye ỹe'egueeta'a da qaisheuen qataq qainogoqchet.

Proverbios 21:24

Ca ño'oxonnaxaic, na'amqaanaxaic, qataq ca sairen ca lỹa, camaye qailonec da sancherapec, souaxat da ỹagaqnauec da napagaqaanaxac.