Proverbios 24:7 - La'aqtaqa Ñim Lo'onatac 'Enauacna 2013

⁷ Ca qaica ca ỹaỹaanapec sa ỹaỹaten ca llec ca la'aqtac da dataỹot ca nmit na nasouaxashet, cha'aye saishet da naloua'a de'era naỹaanec.

Proverbios 24:7 Referans Kwoze

Proverbios 14:6

Ca nogoqtaxanaxaic qalaq nmittaique da naỹaanec qalaxaye saishet da ỹanata, qaq ca ỹaanataxanaxaic qalaq qaica ca lqalaic da ỹanata da naỹaanec.

Salmos 10:5

Nache 'eetai' naxa da ỹañoxot da huo'o na ỹo'ot. Qataq qaỹoqtaique naqa'en da 'eetec da huo'o na 'anmit, qataq qaỹoqta naqa'en da 'armeenaxanaxac. Qataq ỹe'enai' na mpa'aguenaxauapi,

1 Corintios 2:14

Qaq ca shiỹaxaua, maye saishet da netanguit So Saqcha'a La'añaxac Ñim Lo'onatac 'Enauacna, saishet da ỹaconeguet da napaxaguenataxanaxac maye chegoqo'ot Somaye, cha'aye 'eeta'am naqa'en da choche 'oopashec. Qataq saishet da ỹaỹaten damaye, cha'aye saishet da netanguit So Saqcha'a La'añaxac Ñim Lo'onatac 'Enauacna.

Amós 5:15

¡Sa qauoñiiguet qome da qauem, nacherata da qauauochec da no'on! Qataq nam huañapi naxa da qanmit na nasouaxashetpi, nache qauo'oche qome da ỹaỹamaqchiguiñi lataxac, cha'aye Ñim Nataxala' maye Qaica ca Ỹaqalanapec, sa iuena'a da choche ichoxoren na lca'alaxaicpi Israel le'ecpi.

Amós 5:12

Aỹem saỹaten da ỹataqta qalota na qauem qauo'ocheetac, qataq na ỹataqta qalota qarasouaxashichi, qataq da ỹataqta huetaiya' qanqa'eñi na no'on da lataxac, qataq yem huaña naxa da qanmit nam nasouaxashetpi, nache huaña da qauacoñeetapeeguet ana nsheetenaxanaqte, da yaqto' qanauec qanqa'eñi na choxoraqpi.

Amós 5:10

Qaq qami' ye ỹataqta qanquiỹai nam iuettapeguelec da ỹaỹamaqchiguiñi lataxac, qataq qanquiỹai nam ỹa'axattac da 'eesa lataxac.

Isaías 29:21

qataq nam nmaxalec naxa ca lỹa da 'eetega laataxanaxaic, qataq nam ỹatenachet naxa cam nmit na nasouaxashet, qataq nam datenataxan naxa da yaqto' ỹaneguet da qauem cam qaica ca lasouaxashet.

Proverbios 22:22

Saishet da 'aue'enai' da 'anhuo' ca choxoraq souaxat da lachoxoyec, qataq saishet da choche 'aupataxalec ca lasouaxashet ca qaica ca iueelec da huetaua'a ca nmit na nasouaxashet,

Proverbios 17:24

Da naỹaanec nachera da nmitta'a ca sanqalat, qaq na qaica ca ỹaỹaanapec qalaq qaica ca llec ca 'eetapeguec.

Proverbios 15:24

Da llecỹaxac da nachaalataxac ca ỹaanaxanaxaic qalaq taỹasheguema na pa'asheguem, da yaqto' nca'aleeguesop aca huachiqui maye npa'aỹañi.

Da na'aqtaguec so Job 31:21

Qataq saỹauanago' da sareetalec ca qaicaua caua lta'al da serolec da shenec da yaqto' aỹem ỹalaxaguet na aloico lo'opi.

Da na'aqtaguec so Job 5:4

Na llalaqpi qalaq qaica da huo'o ca itauan, da huaiguilo naua ntaxaỹaxaqui', qataq ỹataqta sa qaiyacnapec, qataq qaica ca ishet da iueelec.

Salmos 127:5

Qaq ỹataqta machiguiñi qome ca ỹale, maye hueto'ot aca qalota nchecnapi maye 'eeta'am namayepi, cha'aye qaica ca la'aloxo da ivita da ncotaỹapegue', ca mpa'aguenaxauapi da datato'ot ca aloico lo'o'.

Proverbios 17:7

Ca qaica ca ỹaỹaanapec qalaq saishet da mategueta naqa'en naua na'aqtaqa 'onaxaiqa, qataq ca ỹale huo'o naq 'enec saishet da ỹamaategueta naua natenataxanaxaco.

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Isaías 32:6

Cha'aye cam qauemaic da detaqa qalaq ipacchigui da qauema naua la'aqtaqa, qataq nache iuennatega da ỹo'ot na qauempi, qataq nmitta'a da ỹo'ot da lalaataxanaxac, qataq datenataxan da dataỹa'aguet Ñim Nataxala', qataq saishet da iquia'axan cam huo'o na lqouaxa, qataq saishet da nỹomaxan cam huo'o na laquip.

Proverbios 28:5

Na qauemaicpi qalaq saishet da ỹaỹaten da llec ca ỹaỹamaqchiguiñi lataxac, qaq na nmitaique Ñim Nataxala' qalaq ỹaỹaten 'enauac namayepi.

Proverbios 31:23

Qaq so lhua ỹataqta qaỹauattoota cam hueta'a huaqta'a't nỹecpi, qataq ỹataqta nalaigui na 'amaqtaqaicpi ca qanayeuta'a 'alhua.