Proverbios 24:2 - La'aqtaqa Ñim Lo'onatac 'Enauacna 2013

² cha'aye namayepi nda'a't da iuennatapega da ỹo'ot ca loquiaxac, qataq da detaqtac qalaq nda'a't na qauem.

Proverbios 24:2 Referans Kwoze

Salmos 10:7

Na alap qalaq da'aichigui da lsheunaxanaxac, latenataxanaxac qataq mpa'aguenaxac, naua la'aqtaqa qalaq ỹoxottrañi na qauemsat, qataq da loquiaxac.

Salmos 7:14

Ña qauloỹa na hualaxaiguet na qauemsat, nam hualaxaiguet da ñe'etaxaloxo namayepi deco'oic qome da shepegaxanaxac,

Salmos 28:3

Saishet qome da aỹem 'auauecta'a da aỹem 'aualecnoigui na qauemaicpi, qataq na ỹo'ottac na qauemsat nam choche ỹachaxaatac naxa da lauotaxanaqtaic, qalaxaye choche ỹoxottañi 'enauac na qauemsat.

Isaías 59:4

Qaica ca ỹa'axateuo cam 'eesa, qataq qaica ca no'on da lataxac nam nmit na nasouaxashetpi, nda'a't da pe'etega da natenataxanaxac qataq naua na'aqtaqa maye saq 'eesora, namayepi nlaqchigui na qauem, qataq deco'oic da nalaataxanaxac.

Da na'aqtaguec so Job 15:35

Qataq namayepi 'eeta'am aca hualaxai, qaq da deco'o nache deco'oic na qauemsat, qaq da alaỹaxac qalaq ndotec da natenataxanaxac.»

Hechos 13:10

nache 'enapego', 'eeta': –¡'Am tenataxanaxaic, qataq 'am 'etaxaloxoic, 'am llalec so pa'aguenataxanaxaic, qataq ỹataqta 'ampa'aguenaxaua 'enauac na ỹaỹamaqchiguiñisat, 'am saq 'aloxogui da 'auo'ottac da 'aratenataxanaxac! ¿Ta'ainco' 'am ye 'auashaxaare'c naua ỹaỹamaqchiyiñi 'eetapegueco Ñim Lo'onatac 'Enauacna?

1 Samuel 23:9

Qalaxaye so David co'ollaq ỹaỹaten da so Saúl qaltaq huotaique da iloquiaxan somaye. Nache iỹaxaneuga so ntaxaỹaxanaxanec Abiatar da iroua'a somaye so ntogue lapoxot le'enaxat efod.

Miqueas 7:3

Nache namayepi qaica ca nauec da ỹo'ot na qauem, qaq nam nataxala'pi iỹaxaata'a da qaisheeten da huo'o cam ỹo'ot, qataq nam nmit na nasouaxashetpi iỹaxaata'a da qaisheeten da huo'o ca nmit, qaq nam 'amaqtaqaicpi qalaq maiche ỹoiqueetac nam ỹo'otpi, nache ỹataqta na'axat da lataxac nam netaigui nam huaqta'a't nỹecpi.

Proverbios 6:14

da lhuennataxa qalaq huetaigui da ñe'etaxaloxo, qataq nache lhuennataxa da ỹo'ot na qauemsat qataq da loquiaxac.

Salmos 140:2

nam lapaqtapiguiñi da ỹo'ot na qauem, qataq 'enauaque naua na'axa'te da ỹo'ottac da loquiaxac.

Salmos 36:4

Qataq da nnaatalec ca lmala', nache ỹaqataxaatapigui' da ỹo'ot na qauem, cha'aye saishet da ỹaxanec da qauem llecỹaxac, qataq saishet da ỹaxanec na qauemsat.

Proverbios 24:8

Ca nache 'eetai' da qauema naua lhuennataxaco, qalaq camaye nache le'enaxat qanqa'en da qauema na lhuennataxaco.

Salmos 38:12

Na huotaique da aỹem ỹalauat qalaq lapaxañi ana lqoinapi, na huotaique da aỹem ỹo'otec ca qauem, qalaq ỹareetega da aỹem nlaxaañi, nache 'enauaque naua na'axa'te ỹo'ottac da latenataxanaxac.

Proverbios 6:18

qataq nhuennataxac maye lapaxañi da ỹo'ot na ñe'etaxaloxosat, qataq napia'ate maye nqalgoqta'a da ỹo'ot ca qauem,

Isaías 30:12

Qaq ỹoqo'oye Ñim Qui'itta Natamnaxala' na Israel le'ecpi, 'eeta': «Qami' sa qauacoñiiguet de'era na'aqtac, nacherata da qanteñiitacot da loquiaxac qataq na qauemsat maye nachena nam qauaỹamaxayiñiita,

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Proverbios 1:10

Na 'etaxaloxoicpi da huotaique da 'am ỹatenachet, qalaq saishet qome da 'auca'ategue, 'am ỹalcolec.