Proverbios 24:16 - La'aqtaqa Ñim Lo'onatac 'Enauacna 2013

¹⁶ cha'aye na'aictaxa da siete da huañi ca no'on da lataxac, qalaxaye nache 'ena'am ishet da qaltaq ñisheguem, qaq nam qauemaicpi qalaxaye nache taỹañicra da lachoxoyec.

Proverbios 24:16 Referans Kwoze

Salmos 34:19

Ca shiỹaxaua no'on da lataxac qalota na ivireguet qauempi, qalaxaye Ñim Nataxala' isoueeguesop 'enauac namayepi.

Salmos 37:24

nache na'aictaxa da quia'aqñi, qalaxaye saishet da huañi, cha'aye Ñim Nataxala' nasoqtañi camaye.

Da na'aqtaguec so Job 5:19

Qaq ỹataqta ỹe'eguelaqtalec da 'am nca'alaxateeguesop da lchecỹaxac, qaq que'eca pa'atec nache ỹoqta 'am sa ỹasheneguet na qauemsat.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Proverbios 14:32

Ca qauemaic qalaq nlaxaañi da maiche lle'etaxaloxo, qaq ca ỹale no'on da lataxac qalaq npaxaalec da maiche ño'oxonnataguec.

Proverbios 13:17

Ca na'aqtaxanaxanec qauemaic ỹo'ot na cotaxacpi, qaq ca no'on na'aqtaxanaxanec qalaq ỹo'ot da nlagaxayec.

Amós 5:2

Mashe huañi nam ỹataqta huo'o da lyac Israel, qaq nache saishet da qaltaq ỹe'eguelaxa da ñesheguem, mashe huañi da huetalec ye maiche na'alhua, nache qaica ca anac da nauaxaỹaxaasheguem.

Salmos 52:5

Qalaxaye Ñim Lo'onatac 'Enauacna nataqa'en 'am ilaxachigui qome, Ñimaye 'am ỹaconeua'a qome, 'am ỹachegoxotchiguiña ca 'arma' da 'am ỹo'orauec, qataq nqat da 'anachaalataxac.

1 Samuel 26:10

Qataq 'enapeco': Cha'aye ỹoqta 'eesa da Ñim Nataxala' nca'altauec, qaq nacheñi qome ñi ique'emaqchet yemaye, qom ivita ca laloqo', huo'otaq qom huaigui ca loquiaxac nache ileu.

Salmos 7:16

Qaq nam qauem maye ỹo'ottac maiche talec qome namayepi, qataq maiche que'emaxam qome da l-loquiaxac.

Ester 7:10

Qaq 'era da 'eetec so Amán da qaicoñerasheguemec aso maiche lo'onata maye huotaique co'ollaxa da icoñerasheguemec so Mardoqueo. Qaq co'ollaq qaỹo'ot damaye, nache vi'iiguet da lalemataic so nta'a.

Hechos 12:23

Nache saqaỹaloq da anac so lamaxashec Ñim Lo'onatac 'Enauacna, nache ique'emaqchet so Herodes, cha'aye somaye ipi'itaxaatega da 'eeta'am da lataxac Ñim Lo'onatac 'Enauacna. Nache qaỹata'ague, nache ileu. Ilem na qoche'l maye chectac na lauel somaye.

Amós 8:14

Qataq nam ỹanot da la'aqtac nam atamnaxala'pi ye Samaria, maye 'eeta': «Aỹem san da ỹa'aqtac souaxat da lca'alaxa ñim atamnaxala' ye Dan», qataq «souaxat da lca'alaxa ñim atamnaxala' ye Berseba», qaq namayepi huañi qome nache saishet da qaltaq ỹe'eguelaxa da ñesheguem.

1 Samuel 31:4

Nache 'enapega so ltaua maye lpaqtaxanaqte lo'o, 'eeta': Ña 'anqatsheguem na 'ainec, nache aỹem 'aua'arapec, yaqto' saishet da anac ne'ena ỹaqa'a da la'amqaanataxanaxac, nache aỹem ỹalauat qataq aỹem ỹa'ashaxan. Qalaxaye so lpaqtaxanaqte lo'o ỹataqta lta'araic da lcolanaxa, ỹoqo'oye saishet da ỹo'ot de'era, nache so Saúl ỹacona so maiche lainec nache nqapaxaanguit somaye.

Salmos 34:21

Qaq na qauemaicpi qalaq maiche ilem na qauempi maye ỹo'ottac. Qaq na nquiỹatega nam no'on da lataxac qalaq huo'o qome ca nhuaxanaguec.

Salmos 79:12

'Am Nataxala', siete qome da 'avi'eguelaxalec da nque'eteeta 'anqa'en na qarhuoreuapi, souaxat na qauemsat maye 'am ỹasaxalec.

Proverbios 6:15

Qaq ỹoqo'oye nque'elaxatta qome da nvita ca nlaguiñi naqa'en, 'eeta'am da choche nlouec qataq ỹamaxa't naua la'ai'te nache nlaguiñi, huaña nache qaica ca ishet da ỹaỹamaxaañi.

Proverbios 24:22

cha'aye namayepi nque'elaxatta qome da nlaguiñi, qataq qom ivita da ỹan ca lhuaxanaxanaxac Ñim Nataxala', qataq ca nta'a qalaq saishet da huo'o ca ỹaỹaten.

Jeremías 8:4

Qaq 'am Jeremías, 'aua'aqtaxanem qome ne'ena nhuo' le'ecpi dam ỹa'aqtac maye 'am samaxalec, qoneta': Da huañi ca 'oonolec qalaq ishet da qaltaq ñisheguem, qataq da npe'en ca nqa'aic qalaxaye ishet da ỹe'eguelaxa.

Jeremías 18:17

Qaq Aỹem, sheeta'am qome ca la'at maye chegaqa'ague da nala' lliguisheguem, nache selagaxattac qome na Israel le'ecpi, so'ot da dataueeguesop na mpa'aguenaxauapi Aỹem, sero'oguet qome na ilaq namayepi, qaq saishet da samato'ot qom nvi' cam na'a'q maye huaigui ca nhuaxanaguec.»

Génesis 19:35

Qaq nacheso se'eso pe, da qaltaq nỹomaxa'n so lta'a', nache aso na'asa lauañi' somaye, qalaxaye so Lot nataqa'en sa nanoma asomaye co'ollaq nnaañi, qataq co'ollaq ñisheguem asomaye.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Proverbios 13:21

Na qauemsat qalaq ca'attapiguiñi' na 'etaxaloxoicpi, qaq na no'on da lataxac qalaq nsheetenaxat da ỹaỹamaqchiguiñi.

Ezequiel 7:5

Ñim Nataxala', 'enapec: ¡Ña 'aula'a da mashe anacta na qauem!