Proverbios 24:13 - La'aqtaqa Ñim Lo'onatac 'Enauacna 2013

¹³ 'Am ỹalcolec, qollec qome na te'esaq lli'i maye ỹoqta no'on, cha'aye da lamaicỹaxac da taigui na 'ap qalaq ama naqa'en.

Proverbios 24:13 Referans Kwoze

Isaías 7:15

Nache camaye qaiquia'axaateguec qome ca isaxa't huaca lche', qataq ca dapic lli'i, choche ivitta'a da ỹaỹaten da lca'aua'a ca no'on, qataq da sa ỹaconeguet ca qauem.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Proverbios 25:16

Da 'aulalec ca te'esaq lta'a lli'i qalaq saishet da ỹaguec ca qollec, cha'aye sa iuena'a da ỹaguec ca qollec nache 'auanol.

Cantares 4:11

'Am ñauonaxaua, da lamaic na 'ap 'eeta'am na dapic lli'i, dapic lli'i maye lalegue na huaca lche'. Da lamaic na lcoraxat naua 'ogo 'eeta'am na laita ana pino ye Líbano.

Salmos 119:103

Ỹataqta amai' naua 'ara'aqtaqa da huetaiguilo na aỹap, napacalec da lamaic ca te'esaq lli'i da taigui na aỹap.

Salmos 19:10

qataq ỹataqta napacalec da lashiichiỹaxac ca no'on oro, qataq ỹataqta napacalec da lamaic na te'esaq lli'i maye huetagui ca lte'.

Mateo 3:4

Qaq naua alogo so Juan no'oxonqa, chegaqaigui na laue ana shiguiỹac le'enaxat nauanaxanaxa, qataq so nsaataxaqui lo'oc. Qataq chectac ana shiiquioxoi qataq na dapic maye aviaq le'ec.

Proverbios 25:27

Qataq saỹaỹamaxañi da sa qaỹala'ac da qanallec ca te'esaq lta'a lli'i, qataq saỹaỹamaxañi da qanmitta'ai da maiche ño'oxoyec.

Proverbios 16:24

Naua 'onaxaiqa na'aqtaqa 'eeta'ama na te'esaq lli'i da lamaic, naamaye ỹo'ot da lamaic da achaalataxac, qataq ỹo'ot da la'añaxac da no'ocỹaxac.

Proverbios 27:7

Ca comaraxaic qalaq ivira'a na te'esaq lta'a lli'i da ỹo'otan, qaq ca iqouat qalaq ivira'a na chem 'eeta'am da ama naqa'en.

Jueces 14:9

Nache huota'aisalo naua lhua'q da nqat na lalaxat da yaqto' nqateua'a so lla'ac, nache ỹache qataq nache deque'etague' somaye. Qaq co'ollaq natena'agueta soua lta'al, nache ỹanema so te'esaq lta'a lli'i da yaqto' che'c soomaye, qalaxaye saishet da da'aqtaxanema da ỹachegoxotaigui so sauaxaic leuaxaic.

1 Samuel 14:27

Qalaxaye so Jonatán, ye saishet co'ollaxa da hua'aqchigui so ỹan la'aqtac so lta'a da 'enapega so nalleppi, nache somaye ỹauota'a so npon maye nasoqta'a da ỹa'areua'a na laỹe so te'esaq lta'a lli'i, nache na huagui so lsheenec somaye nache chec, qaq huaña nache pasa'a da huo'o da la'añaxac.