Proverbios 24:12 - La'aqtaqa Ñim Lo'onatac 'Enauacna 2013

¹² Cha'aye na'aictoxo' da qonapec sa 'auaỹaten de'era, qalaxaye Ñi nmit 'enauacna, Ñimaye ỹaỹateetac damaye qataq Ñim 'am ilotague' ỹaỹateeta de'era, Ñim isheeten qome ca lo'onatac ñi 'oonolec shiỹaxaua.

Proverbios 24:12 Referans Kwoze

Da na'aqtaguec so Job 34:11

Ñimaye isheeten ca naigui da lo'onataxanaxac ñi 'oonolec, qataq ipacchigui da ỹanem ca chegaqaigui da no'on lataxac.

Romanos 2:6

Qaq que'eca na'a'q Ñim Lo'onatac 'Enauacna ỹami' ñi 'oonolec cam naigui ca lo'onataxanaxac.

Proverbios 21:2

Ca shiỹaxaua 'eeta'am da ỹaỹamaqchiguiñi naqa'en 'enauac nam ỹo'otpi, qalaxaye Ñim Nataxala', nacheñi ñi nmit na 'eetapeguecpi camaye.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Eclesiastés 5:8

Saishet qome da 'aue'elaxam da huo'o ca 'alhua da huaña da sa qaiyacnapec ca choxoraq, qataq da sa qairen da nalochiguiñi lataxac, qataq da sa qaipaguelec cam lapaqtañi lataxac, cha'aye cam nataxala' qalaq huo'o ca lỹa ỹaquitcheguem nataxala' da npaxattalec camaye, qaq caamaye, qaltaq huo'o cam laỹepi nataxala'pi maye ỹactec da la'amaqchec da npaxattaleguete.

Salmos 121:8

Ñim Nataxala', ntela'a qome 'enauac da 'arqauaxac, chegoqchiguiña nagui, qataq nache 'eetai' qome.

Salmos 121:3

Ñimaye saishet qome da 'am hua'aqta'a da qouañi, cha'aye saishet da do'oche Ñim 'am ilotague'.

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Salmos 62:12

qataq Ñimaye lalamaxat da nsoxoyec, qataq da isheeten ñi 'oonolec, qalaq ipacchigui naqa'en ca lo'onataxanaxac.»

Salmos 17:3

Cha'aye 'am 'auaỹateete' naua iuennataxaco, qataq ye pe qalaq aỹem 'auchemaxattac qataq aỹem 'avi'egueetac, qalaxaye saishet da 'auanata ca saỹaỹamaxañi de'era ñachaalataxac. Qataq na aỹap saishet da chegaqaigui ca saỹaỹamaxañi,

Apocalipsis 22:12

«¡Ỹataqta qana'axaỹaxañiichiguiñi qome! ¡Aỹem saqaỹaloq da ñanac! Nache ñachetac ca nsheetenaxat ñi 'oonolec shiỹaxaua, ipacchigui cam ỹo'ot co'ollaxa.

Apocalipsis 2:18

«Nataqa'en 'auauo'o aca 'ere, nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Tiatira. Qoneta': ‹¡Aỹem maye Aỹem Llalec Ñim Lo'onatac 'Enauacna! Naua ỹa'ai'te 'eeta'ama na le'eraxa na norec, qaq naua ichel qalaq qashelectrapiguiñi 'eeta'am da lqashelgaxa na lcat le'enaxat bronce da ime da nqatelaguec. Ñaq 'ana'axaỹaxana dam 'am sa'axatem:

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

2 Corintios 5:10

Cha'aye 'enauac qome qomi' ñachaataxaua'a So Cristo, cha'aye nacheso so nmit cam qaro'onataxanaxac co'ollaxa da ña ñachaataqtaigui da qaro'ocỹaxac, qataq nacheso som chegoqtot ca la'aqtac da qomi' qoỹanema ca no'on qaraueguec, huo'otaq ca qanhuaxanaguec.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Hechos 17:28

Cha'aye Ñim Lo'onatac 'Enauacna nacheñi Ñim huo'omshe ñeca'alaqtauec, qataq seraqtapigui', qataq ñachaataqtac. Qaq damaye nataqa'en nache la'aqtac som ỹaanaxanaxaicpi da qoñiita, 'eeta': «Qomi' maiche qomi' llalaqpi Ñim Lo'onatac 'Enauacna.»

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Daniel 5:23

Nacherata da 'aue'en Ñim Nataxala' maye neto'ot na piguem, cha'aye 'auamaxasoxoneua'a co'ollaxa da qandouga so nquia'axala' aso ỹomaxaquipi, qataq aso nemaxanaqtepi maye lalamaqtepi añi atamnaxaqui, nache 'aualecta'aguet 'enauac som 'anamaxasoxoicpi da qanỹomiitapigui asomayepi, qataq 'avio'oxoreetac na atamnaxala'pi maye chegaqaigui na oro, plata, bronce, qataq na lcat, qataq na 'epaq qataq na coma', nam atamnaxala'pi maye saishet da nauaañi, qataq saishet da hua'aqa, qataq qaica ca ỹaỹaten. Qaq saishet da 'avio'oxoren Ñim Lo'onatac 'Enauacna maye huetaigui na lhuaq lauel da 'anachaalataxac, qataq nacheñi ñim chegoqchigui 'enauac nam 'auo'otpi.

Jeremías 32:19

'Am ỹataqta huo'o da llo'oxoyec nam 'alapaxañipi, qataq 'Am 'añaxaic da huo'o na 'auo'ot. 'Am 'aumeteetac 'enauac nam ỹo'ottacpi na shiỹaxauapi, qataq 'aỹa'anem ñi 'oonolec namayepi cam naigui nam ỹo'otacpi.

Proverbios 5:21

Cha'aye Ñim Nataxala', ỹaatec naqa'en da lataxac ca shiỹaxaua, qataq ỹaỹaten 'enauaque naua lqauaxaqui'.

Salmos 66:9

Cha'aye Ñimaye nache 'eetai' naqa'en da ñeca'alaqtauec, qataq saishet da souaqañi naqa'en.

Salmos 44:21

Nache 'am, sogote taxa da qomi' 'auanomalo, cha'aye 'am mashe 'auaỹateetac na ỹataqta ỹapoguiñi nhuennataxacpi.

Salmos 7:9

'Am maye 'Aro'onatac 'Enauacna maye nalochiguiñi da 'arataxac, maye 'aumeteeta'ape naua nhuennataxaco qataq añi nquiyaqte, ñaq imeuo 'anqa'en da lle'etaxaloxo na qauemaicpi, qalaxaye saishet qome da 'auraxanai' ca no'on da lataxac.

1 Samuel 25:29

Qaq da huo'o ca 'am icaatac da huotaique 'am ỹalauat, qaq Ñim Nataxala' npaxattalec qome da 'anachaalataxac. Qaq cam 'am ipa'agueetac, qalaq Ñim Nataxala' ỹasaxauec qome, 'eeta'am naqa'en ca coma' laỹe da qaipocnec.

1 Samuel 2:6

Ñim Nataxala' ỹan, qataq nqat da achaalataxac, qataq saxangui naqa'en aca huachiqui, qalaxaye nataqa'en ishet da qomi' nqatsheyegue'm.

1 Samuel 2:3

Qaica qome ca na'amaqten da detaqa, qaica qome ca ỹagaqnauec da ño'oxonnaxac, cha'aye nacheñita Ñim Nataxala' ñi ỹaỹaten 'enauacna, qataq nacheñi ñi naloqna't, qataq nmit na ỹo'otpi ca shiỹaxaua.

Salmos 94:9

¿Peta'a sa hua'axaỹa qome de'era Ñim ỹo'o't naua ntela lauaco? Qataq ¿peta'a sa ila'a qome de'era Ñim ỹo'o't co'ollaxa naua na'ai'te?

Proverbios 12:14

Ñi 'oonolec ỹaconeguet ca alaỹaxac na maiche la'aqtacpi, qataq ỹaconeguet da lashiichiỹaxac cam ỹo'ottac.

Proverbios 5:22

Cam qauemaic qalaq maiche lqoishec da qauem lataxac, ca maiche lasouaxashet 'eeta'am ca nañec da icoñerai' camaye.

Proverbios 16:2

Ca ỹale 'eeta'am naqa'en da 'onaxaic 'enauac na ỹo'ottacpi, qalaxaye Ñim Nataxala', nacheñi ñi nmit na nhuennataxacpi.

Lamentaciones 3:36

qataq da qaỹashaxanec da ỹaỹamaqchiguiñi lataxac da huo'o ca qaỹo'ot, nache damaye ỹataqta saỹaỹamaxaren Ñim Nataxala'.