Proverbios 24:10 - La'aqtaqa Ñim Lo'onatac 'Enauacna 2013

¹⁰ Da 'auqalvi qom huo'o ca qouaigui, qache saq 'amaqtaq da 'ara'añaxac.

Proverbios 24:10 Referans Kwoze

Efesios 3:13

Qaq ỹoqo'oye aỹem qami' ñachoxoreetoiguilo da saishet da saqca ca qara'añaxaqui, souaxat da aỹem huo'o da ñeque'eenaxac souaxat da qoñiita, cha'aye damaye naigui da yaqto' qami' ỹo'oxora'q.

Jeremías 51:46

Saishet qome da qayi'iitac qataq saishet da huo'o ca qarcolanqai, souaxat nam na'aqtaxanaxacpi maye qaua'aqaitega ne'ena 'alhua. Cha'aye 'enauaque naxa naua vi'iye da huo'o na ỹotta'a't na'aqtaxanaxacpi, na'aqtaxanaxac da qaica ca qairen ne'ena 'alhua, qataq da qaỹa'axat da na nta'alpi deloguiỹa't.

1 Samuel 27:1

Qaq so David deuennataxaataco', nache, 'eeta': «Yo'oqta da huo'o ca huaña ne'enaua na'axa'te, da so Saúl aỹem ỹalauat. Qaq ỹoqo'oye nagui no'on da ñeqo'ona da sonaña ye lma' ye filisteopi, yaqto' so Saúl aỹem ỹaxaañi qome da aỹem nmittaique ne'ena na'alhua na Israel le'ecpi, nache aỹem she'emaqtac qome.»

2 Corintios 4:1

Ñim Lo'onatac 'Enauacna Ñimaye ỹataqta qomi' ỹauoteque. Ỹoqo'oye qomi' ipataxaleguete de'era no'onataxanaxac, qaq ỹoqo'oye saishet da saq ña'añaxataq.

Da na'aqtaguec so Job 4:5

Qalaxaye nagui da 'am nvita da qauem, nache saishet da 'analo'oguet, souaxat da 'am huelec 'anque'eenaxac.

Apocalipsis 2:3

Qataq ỹataqta huo'o da 'anhualaxaunaxac. Qataq souaxat da Aỹem 'aualaxaguet, nache lta'araic da 'anque'eenaxac. Qalaxaye na'aictaxa da nache 'eetec de'era, qalaq ñaq 'eetalec da saishet da 'anasamiisop da Aỹem 'aualaxaguet.

Apocalipsis 2:13

Aỹem saỹaten da qoueta'a nam nỹecpi maye netaña añi nso'onaxaqui so pa'aguenataxanaxaic. Qalaxaye na'aictaxa da nache 'eetec de'era qalaq nache 'ena'am qoqueto'ot da huo'o da qarpi'iỹaxac Aỹem. Qataq saishet da 'axaañi da Aỹem 'aua'amaqteetac, na'aictaxa co'ollaq da huaña ne'ena nỹecpi maye qoueta'a da qaỹalauat so Antipas, som nache 'eetai' naxa da ỹachaxaata da lpi'iỹaxac Aỹem.

Deuteronómio 20:8

Qaq da ime qome, nache ca nta'alpi qaltaq 'enapega ca alleppi, 'eeta': Da huo'o ca 'oonolec da qoñiita da 'iỹaqaic, qataq sa da'añigui, nache 'onaxaic da ỹe'eguelaxa ca lma' yaqto' saishet da ỹasouaxat na laỹepi da ñi'i.