Proverbios 23:7 - La'aqtaqa Ñim Lo'onatac 'Enauacna 2013

⁷ cha'aye namaye 'eeta'am ca qoue da huetangui ana nqoichiqui, cha'aye camaye 'am iỹaxana da 'arquia'axaua qataq 'anỹomaxaua, qalaxaye saishet da ỹoqta 'eesa da lhuennataxa,

Proverbios 23:7 Referans Kwoze

Salmos 12:2

Ñi 'oonolec qalaq maiche ỹatenachettac ca lỹa, da detaqa qalaq naua la'aqtaqa ỹataqta ỹagaqnapeguec naqa'en na naigui, qataq saq ỹataxaleguete naua la'aqtaqa.

Salmos 55:21

Naua la'aqtaqa qalaq isotta'ape 'eeta'ama na da'añiỹa'a't huaca lche', qalaxaye naua lhuennataxaco nda'a't da nalaataxac. Do'onataxanalo naua la'aqtaqa isotta'ape 'eeta'am na aceite, qalaxaye naamaye da llaxa 'eeta'am na ỹeelonec.

Jueces 16:15

Nache aso Dalila 'enapega somaye, 'eeta': ¿Ta'ainco' da qonetega aỹem 'auauotec, ye choche aỹem 'auatenachettalec? Cha'aye nagui mashe tres da aỹem 'auatenachet, qaq saxanaxa da aỹem 'aua'aqtaxaatem ca chegaqa'ague de'era lta'araic 'ara'añaxac.

Proverbios 19:22

Ỹataqta qanaquita'a ca shiỹaxaua da no'on da lataxac, na'aictoxo' da choxoraq qalaxaye saq 'ena'am da shepecaic.

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Daniel 11:27

Qaq huaña nache que'ecaua dos nta'al, nda'a't qome da lhuennataxac da nque'emaqchettega't, qataq qom nso'ooyiñi da datatralec ca nquia'axala' qalaq natenachetta'a't, qalaxaye ñi 'oonolec que'ecaua nta'al, saỹañoxot cam 'eetapeguec, cha'aye saxanaxa qome da ivita cam laloqo'.

Proverbios 26:24

Ca dequiỹaxanaqtaxaatac da detaqtac qalaq no'onaxa't naua la'aqtaqa, qalaxaye da lavilỹaxac ipa'axaatauo da qauem lhuennataxac.

Proverbios 26:25

Ỹoqo'oye saishet da 'aua'amaqten da huesotte' naqa'en naua la'aqtaqa da 'am detaxaỹot, cha'aye naua lhuennataxaco da'aichiguilo na qauem,

Proverbios 26:23

'Eeta'am ca lcat plata da qalapaxalec aca taxaqui 'alhua, naua huesotte' la'aqtaqa ca ỹachetac na qauem lhuennataxac.