Proverbios 23:5 - La'aqtaqa Ñim Lo'onatac 'Enauacna 2013

⁵ Cha'aye da ỹoqta 'aumeteeta damaye, nache ishet da 'aula'a da qaica de'era nsallaxa, cha'aye damaye ỹataqta sa ilaua'ague da jec, 'eco' da huo'oi naua laua't 'eeta'am na vi'ic da huaỹo.

Proverbios 23:5 Referans Kwoze

Proverbios 27:24

Cha'aye de'era nsallaxa saishet da tatec, qataq da lataxac ca nta'a saishet da nache queta.

1 Juan 2:16

Nam lataxacpi maye ỹachaxaatac na shiỹaxauapi maye huetalec ana 'alhua, saishet da chegoqo'ot Ñim Lo'onatac 'Enauacna, namayepi chegoqo'ot nam 'etaxaloxoicpi maye huetalec ana 'alhua. 'Ena nam lataxacpi maye ỹachaxaatac ana 'alhua: na qauem nqopitaxanaqtaiguesat, da nyaxayec da qaỹaconeguet cam qailota'a, qataq da nsallaxa maye chegaqaigui da ño'oxonnaxac ca shiỹaxaua.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Mateo 6:19

Saishet qome da qalapoñiitasheguem da qarsallaqai ana 'alhua, cha'aye damaye ishet da deqat qataq ilaxachigui na lalaxat, qataq nataqa'en na cachaxaicpi ishet da decachiỹa.

Eclesiastés 12:8

Qaq aỹem maye aỹem 'aqtaxanaxaic, she'eguelaxalec da shenapec: ¡ỹataqta qaica ca naigui, qaica ca naigui! ¡'Enauac nam huo'o ỹataqta qaica ca naigui!

Génesis 42:36

Qaq huaña, nache so Jacob 'enapegalo soua llalqa, 'eeta': «Qami' mashe huotaique da qaica qanqa'eñi ca ỹalec. So José mashe saishet da qomi' ỹalectaiguilo, qataq ca Simeón. ¡Qaq nagui qataq huotaique da qauotaxañic ñi Benjamín! ¡Qaq de'era qauem 'enauac da aỹem tateguelec!»

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Eclesiastés 1:2

¡Qaica ca naigui, qaica ca naigui 'enapec som 'aqtaxanaxaic! ¡'Enauac nam huo'o qaica ca naigui!

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Isaías 55:2

¿Ta'ainco' da qaỹa'añeeuec ana qo'omi da nmeneguet qanqa'eñi cam saishet da qanallec? ¿Ta'ainco' da qaỹa'añeeuec ana lasheue da qaro'onataxanaxaqui da nmeneguet qanqa'eñi cam saishet qami' icomaraqche't? Ñaq Aỹem qana'axaỹaxañiỹa yaqto' qolliqui qome ca no'on nallec, qataq cam nallec maye ỹataqta no'on da lamaic.

Da na'aqtaguec so Job 27:19

Da nnaañi qalaq ỹataqta sallaxanec, qaq da nlouec qalaq mashe qaica ca hueto'ot lalamaxat.

Jeremías 39:12

«'Aulo'ogue qome ñimaye saishet qome da 'auo'otec ca qauem, nacherata da 'aỹa'anem 'enauac cam iỹaxanaique ñimaye.»