Proverbios 23:4 - La'aqtaqa Ñim Lo'onatac 'Enauacna 2013

⁴ Saishet qome da ỹapaguec da 'arhuogoxo da 'anshetaique da 'am sallaxanec, saishet da 'aỹa'agaqnauec de'era 'arhuennataxa.

Proverbios 23:4 Referans Kwoze

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Proverbios 28:20

Ca shiỹaxaua maye npe'et camaye ivira'a da qaỹo'oxoreetac, qaq ca nda'a't da iỹalata'a da lsallaxa, qalaq saishet da saqca ca nhuaxanaguec.

Mateo 6:19

Saishet qome da qalapoñiitasheguem da qarsallaqai ana 'alhua, cha'aye damaye ishet da deqat qataq ilaxachigui na lalaxat, qataq nataqa'en na cachaxaicpi ishet da decachiỹa.

Proverbios 3:5

Ỹataqta 'aumato'ot da 'arquiyaqteỹaxac da 'aupi'iỹa'a Ñim Nataxala', qaq saishet da 'aupe'etega da maiche 'araỹaanataxanaxac.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Romanos 12:16

Qataq saishet da huo'o ca ỹoqtapegueuga da qoñiita. Qataq saishet da qami' ño'oxonnaxaiqa. Nachaqrata da qoñiita'am na shiỹaxauapi maye qaica ca la'amaqchec. Qataq saishet da qaupi'itaxañiitega da qanapacỹalec na laỹepi shiỹaxauapi da qoñiitega qami' ỹaanaxanaxaiqa.

Proverbios 15:27

Ca qopitaxanaqtaqaic qalaq maiche nlaxattapiguiñi da lma'ỹaxac, qaq ca saỹaconeguet da choche qaisheeten qalaq nache 'eetai' da nca'altauec.

Proverbios 26:12

Qataq ỹactec da ishet da qanaquita'a ca nauattoola't da qaica ca ỹaỹaanapec, qaq saq 'ena'am ca qaica ca ỹaỹaanapec maye 'eetega huo'o na ỹaỹaten.

Isaías 5:21

¡Choxoraxaso' nam 'eetega ỹaanaxanaxaicpi, qataq nam 'eetega ỹaanataxanaxaicpi!

Proverbios 3:7

Saisheto' qome da 'aupettega da 'am ỹaanaxanaxaic, nacherata da huo'o naq 'enec 'anqa'en Ñim Nataxala' qataq qoca'ai nam qauemsat,

Romanos 11:25

Qami' ỹaqaỹa't, maye qaua'amaqchiñiitac So Cristo, ỹataqta qalota nam saxanaxa da qauaỹaañi. Ỹoqo'oye sauotaique da qami' sa'aqtaxanema dam saqcha'a 'eetapeguec Ñim Lo'onatac 'Enauacna. Huo'o nam judiopi nam ivitta'a da ỹataqta qaramchigui qataq sa ỹaỹamaxaren da ỹa'amaqten So Jesucristo. Qalaxaye namayepi, nache 'eetec de'era da lataxac choche ivitta'a da nam saishet da judiopi ỹalegoigui namayepi.

Marcos 4:19

qalaxaye saishet da hua'aqta'a damaye da naralaxat da nachaalataxac. Nachaqrata da iuennatega nam yo'oqchigui lhuenaxanaxa, da qanauec aca anom, qataq da 'eetec da iqopitaxaatac da nachaalataxac.

Da na'aqtaguec so Job 27:19

Da nnaañi qalaq ỹataqta sallaxanec, qaq da nlouec qalaq mashe qaica ca hueto'ot lalamaxat.

Proverbios 27:24

Cha'aye de'era nsallaxa saishet da tatec, qataq da lataxac ca nta'a saishet da nache queta.

Eclesiastés 5:13

Qataq huo'o da sela'a ỹataqta qauem maye huetalec ana 'ana 'alhua, qaq damaye, 'eeta': da qalaỹootasheguem da nsallaxa damaye na'aqchet ñim hueto'ot damaye,

Jeremías 9:22

Qataq huetaiya' naqa'en da lo'ocỹaxac na shiỹaxauapi, 'eeta'am na la'atec na shiguiỹac da huetalec na no'onaxa, qataq 'eeta'am na nañiguishec ala da naañi naqa'en cam deqataxaatac, nache qaica ca ishet da laỹona't.» Qaq 'era da la'aqtac Ñim Nataxala'.