Proverbios 23:21 - La'aqtaqa Ñim Lo'onatac 'Enauacna 2013

²¹ cha'aye na nỹomaxaicpi qataq na sa ỹala'ac da lquia'axac taỹa'a da ỹataqta choxoraq, qataq ca hualaic ivitta'a da ỹaatañi ca pannaxaic.

Proverbios 23:21 Referans Kwoze

Proverbios 21:17

Qaq ca ỹagaqnauec da lqopitaxanaqtaic na na'ashaxacpi, qataq na lataxa huo'otaq na coraxat ama na laita, camaye taỹa'a da lachoxoyec.

Filipenses 3:19

Ne'ena shiỹaxauapi namayepi taỹa'a da qaỹasaxaña cam nhuaxanaqa' na 'etaxaloxoicpi. Cha'aye nda'a't da quetague' da ño'oxonnaxac da huo'o ye ỹo'ot, cha'aye da ỹoqta ỹaỹateeta taxa, nache huo'o da la'agaxa. Qataq namayepi nda'a't da iuennatega na qauem maye huetalec ana 'alhua.

Gálatas 5:21

Namayepi ỹataqta quiỹaxanaqtaqaicpi, ivira'a da dalaataxan, taxaicpi, qataq da ỹo'ot ye laponaxac, nache ỹataqta qaica ca laỹaanataxanaxac qataq qalota na laỹepi ỹo'ot qauem. Qaq ỹoqo'oye qami' seqatalo 'ena'am so hua'auchiguiñi ỹa'aqtac, da nam ỹo'ottac de'era saishet da taigui da lo'onataxanaxac Ñim Lo'onatac 'Enauacna.

1 Corintios 5:11

Da sheetega 'eeta': saishet da qauauo'oi qanauochaxauai ca 'eetega da qara'amqaanataxanaxauai qalaxaye ỹo'ottac de'era. Ca shiỹaxaua maye lataxac de'era, camaye saishet da qanso'oñiita'ai' da qarquia'axauai.

Proverbios 19:15

Da nhualaxa ỹo'ot na lta'araic no'ochaxa, qataq ca hualaic ỹataqta huo'o na lqouaxa.

Deuteronómio 21:20

nache caamaye da, 'eeta': Ne'ena qoyalec, namaye saishet da na'axaỹaxan qataq saishet da ỹalaq, ỹataqta saishet da qomi' ỹalaxagueta, namaye choche ỹe'en naxa ana alom souaxat da nỹomaxac na lataxa.

Joel 1:5

¡Qaq qami' taxaicpi, ñaq qanloiuec! ¡Ñaq qanỹeñi qami' maye qanỹomiitapigui na lataxa, cha'aye na lli'i ana uva, taỹa'a qome da qaỹacona!

Mateo 11:19

Ime, qataq ñevi' Aỹem Shiỹaxaua Llalec, qaq seque'etac, qataq ñeỹomtac, nache qami' qoñiitega da Aỹem quia'aqchaqaic, Aỹem taxaic, qataq ñauochaxaua nam ỹacootapeeguet ana nsheetenaqte ca nta'a. Qalaxaye qantooñita'ac da na'aqtac naxa maye, 'eeta': Ca naỹaanec da ỹoqta 'eesa da chegoqo'ot Ñim Lo'onatac 'Enauacna, camaye yo'oq cam chegaqaigui qataq ỹataqta no'on.

Proverbios 18:9

Ca sa ỹaỹateelec da ỹo'ot ca lo'onatac, camaye 'eco' lqaỹa ca ishet da delaqtaxan.

Eclesiastés 10:18

Qaq souaxat da nhualaxa, nache ivira'a da nmetapiguiñi ca nhuo' lapo', qataq souaxat da qansoqtrauo naua nhua'q nache ivira'a da ỹataqta nlaguiñi ca nỹec.