Proverbios 22:9 - La'aqtaqa Ñim Lo'onatac 'Enauacna 2013

⁹ Ca choxonnataxanaxaic, camaye huo'o da nchoxonnataguec, cha'aye da huo'o na aloq qalaq nhuaata'ai' na choxoraqpi.

Proverbios 22:9 Referans Kwoze

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

1 Pedro 4:9

Qataq ñi 'oonolec da qoñiita ỹataqta ilo'oguet ca lỹa da namaxasoxoic, qataq saishet da quetapeguelec, nachaqrata da ỹo'otec da lamaicỹaxac camaye.

Hechos 20:35

Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Hebreos 13:16

Qataq saishet qome da qaucoviỹa'ai da qauo'oche ca ỹaỹamaqchiguiñi, qataq da qautauañi ca qarỹai maye huo'o da lhuenaxanaxa. Qaq 'ena nam nachetaqtaxanaxat maye ỹaỹamaxareeta Ñim Lo'onatac 'Enauacna.

Lucas 14:13

Qaq ỹoqo'oye da ivita da 'auo'ot ca 'arquia'axac, qalaq 'aucoyeguen nam choxoraqpi qataq na sa da'añiigue qataq nam ñe'eerauo naua lchel qataq nam qanamaicpi,

Isaías 32:8

Qaq cam no'on da lataxac qalaq ipacchigui da iuennatega da ỹo'ot ca no'on, qaq cam lapaxañi lataxac qalaq nache 'eetai' da quetalec.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Proverbios 11:25

Ca choxonnataxanaxaic qaica ca iueetac, qataq ca chetaqtaxanaxaic nataqa'en huo'o ca ỹaconeguet.

Mateo 20:15

Cha'aye aỹem maiche soiqueetac ana aỹom cam sataxaateuga. ¿Ta'ainco' ye aỹem 'anquiỹatega souaxat da aỹem choxonnataxanaxaic?»

Deuteronómio 28:56

nache ivira'a qome aca ỹataqta huesota qataq soxorai que'eca 'alpi, acam sa ỹaỹamaxaren naxa da qaicaua caua lapela'ate da pelec na 'alhua, acamayepi nquiỹa qome da ilota'a ca lhua, qataq caua llalqa maye ỹataqta lauotaqa'ate co'ollaxa,

Proverbios 31:20

Itauaatac nataqa'en na choxoraqpi, qataq iviraxatauga na deuenaxaatacpi.

Proverbios 11:17

Ca choxonnataxanaxaic, camaye maiche no'onaxaala't, qaq ca sancherapec qalaq maiche nque'emaqcheela't.

Proverbios 11:27

Ca ỹo'ottac ca ỹaỹamaqchiguiñi qalaq camaye qaỹaỹamaxareeta, qaq ca nmitta'ai da ỹo'ot na qauem camaye talec na qauem.

Proverbios 14:21

Ca ỹo'otan ca nauochaxaua qalaq huo'o da lasouaxashet, qaq ca ichoxoren na choxoraq qalaq ỹataqta machiguiñi.

Proverbios 28:24

Ca decachiỹot ca lta'a huo'otaq aca late'e, nache camaye 'eetega da qaica ca lasouaxashet. Qaq camaye nache nauochaxaua na laataxanaxaicpi.

Proverbios 28:27

Ca itauaatac na choxoraq camaye qaica ca iueetac, qaq ca saishet da itauan na choxoraq qalaq camaye qalota da nsheunaguec.