Proverbios 22:8 - La'aqtaqa Ñim Lo'onatac 'Enauacna 2013

⁸ Ca ỹaañi ca qauem qalaq maiche nqat ca chegaqaigui camaye, nache Ñim Nataxala' irolec ca maiche lhuaxanaxanaxat da nlaxaañi camaye.

Proverbios 22:8 Referans Kwoze

Da na'aqtaguec so Job 4:8

Nam ỹauanaqchecpi aỹem ỹapaxaguenec, da na ỹo'ottacpi na qauemsat qataq na saỹaỹamaxañipi, nache namayepi ỹaconeguet ca naigui nam ỹo'ottacpi.

Oseas 10:13

Qalaxaye qami' qaỹa'añiiñi da qauem, nache qami' taleguete da sa ỹaỹamaxañi lataxac, qataq qolliquiitac na chegaqaigui da natenataxanaxac. Qaq cha'aye qaupi'iitega anam naigonapi maye alaataxaquipi, qataq nam qalota alleppi alaataxaicpi,

Isaías 30:31

Qaq ye Asiria qom hua'axaỹa da lavilỹaxac Ñim Nataxala', qataq ỹaỹaten da nvita ca nhuaxanaguec, nache yemaye nlaxagui qome da lcolanaxa.

Proverbios 14:3

Naua la'aqtaqa ca qaica ca ỹaỹaanapec qalaq chegaqaiguilo da na'amqaanaxac, qaq naua la'aqtaqa ca ỹaanaxanaxaic qalaq npaxattaleguete camaye.

Salmos 125:3

Qaq saishet da nache 'eetai' qome da ilotague' na qauemaicpi, nam lalamaxatpi nam no'on da lataxac, cha'aye na no'on da lataxac saiuena'a da ỹaconeuga da ỹo'ot na qauemsat.

Oseas 8:7

Qaq cha'aye namayepi ỹaañi co'ollaxa na la'at, nache lqateguishec qome ca la'at lta'araic, nache ca lanaxanaqa' qaica ca ñaxaalec, qataq qaica ca lqateguishec trigo maye chegaqaigui na 'ayiiña, qaq da huo'o ca lqateguishec, nache chec qome nam chegaqauecpi.

Isaías 14:29

Qami' Filistea le'ecpi saishet qome da qantoñiitapigui', da qoñeetega mashe huacaigui so pon maye qami' qairotegalo naxa da qami' qaiuaxaata'ape, cha'aye yem chegoqchiguiña so na'araxanaq, nache chegoqchiguiña qome ca lỹa na'araxanaq, qaq camaye ỹactec qome, cha'aye camaye huaỹo qome.

Isaías 10:5

¡Ñim nta'a ye Asiria! Nacheñi ñim so'ogoxona qome 'eeta'am ñaqa'en ca 'epaq qom sauo'o ca iuaxanaxanaxac, qataq nacheñi ñim nashelte maye seuen qom salemata.

Isaías 9:4

Cha'aye 'Am 'anqateeguesop da nlataguec maye ipataqtañi co'ollaxa na nhuo' le'ecpi, qataq da ncogaxanataguec maye ỹo'ot da laquicoxo, qataq da namaxasaguec maye sa ndaxaasheguem, 'eeta'am da 'eetec co'ollaq 'aulaxachigui ye Madián.

Proverbios 1:31

Qalaxaye maiche qanque'etaxañiigui qome ca naigui da qauem qano'onataxaqui. Qataq qami' nlaqchiguilo qome ca qauem qarhuennataqai.

Isaías 10:25

Cha'aye mashe saqaỹapeque ye laloqo' da ỹayeloxo, nache da ỹayeloxo nlaxaañi qome ye 'anpa'aguenaxauapi.