Proverbios 22:7 - La'aqtaqa Ñim Lo'onatac 'Enauacna 2013

⁷ Ca sallaxanec ỹo'ot da lalamaxat na choxoraqpi, qaq ca 'aalaxanaxaic qalaq nache na'aco' cam ỹa'aalaxanaxan camaye.

Proverbios 22:7 Referans Kwoze

2 Reyes 4:1

Huo'o aso 'alo, maye lhua co'ollaxa so 'oonolec so na'aqtaxanaxanecpi, asomaye 'enapega so Eliseo, 'eeta': Som ihua maye 'aramaxashec co'ollaxa, somaye ileu, qaq 'am 'auaỹaten da somaye ỹataqta huo'o naq 'enec naqa'en Ñim Nataxala'. Qalaxaye anac so lavigaqtaxanaxala', nache huotaique da ỹaue'c soua dos ỹalqa da yaqto' ỹauo'oi l-lataqa.

Proverbios 22:16

Ca nhuo' na choxoraqpi da yaqto' nquictec da lsallaxa, huo'otaq ca ỹachet ca sallaxanec, nache camaye taỹa'a da choxoraq.

Proverbios 18:23

Da detaqa ca choxoraq qalaq nachoxoreeteueguelo naua la'aqtaqa, qaq ca sallaxanec da ỹasat qalaq sansatte' na la'aqtaqa.

Santiago 2:6

Qaq ¿ta'ainco' qami' da saishet da qauyacñiỹapec qataq qauo'otañi na choxoraqpi? ¿Saisheto' peta'a da sa nachena nam sallaxanecpi na saq qami' iyacna'ape qataq qami' ỹamaxaiguilo ana ncoñetaxanaxaquipi?

Mateo 18:25

Qaq se'eso namaxashec, somaye ye qaca aca alom da desheetenaxana. Nache se'eso nta'a damaxasoxoolec somaye da qaimen, da qaỹauo'o namaxashec lỹaueegue' aso lhua qataq soua llalqa, qataq 'enauac so logoxoshetpi, da yaqto' aca lasheue somayepi ishet da qaisheeten aso lavigaxaiste somaye.

Proverbios 22:22

Saishet da 'aue'enai' da 'anhuo' ca choxoraq souaxat da lachoxoyec, qataq saishet da choche 'aupataxalec ca lasouaxashet ca qaica ca iueelec da huetaua'a ca nmit na nasouaxashet,

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

Santiago 5:1

Qaq nagui aỹem qana'axaỹaxañiỹa qami' sallaxanecpi: Qanỹeñi, qataq qana'alaqaitapiguiñi, souaxat da qanque'eenaxaqui maye mashe saqaỹaloq da qami' taleguete.

Amós 8:6

Nache huetaiya' ñaqa'enaq qome na choxoraqpi, nache ivitta'a da maiche nmeela't da nlatac da yaqto' isheeten ana lavigaxaiste, qaq nam huo'o da lhuenaxanaxa qalaq 'eeta'am ñaqa'enaq aca lasheue ca pela', qataq semenaq nam lvi na trigo».

Amós 8:4

Ña qana'axaỹaxañiỹa de'era, qami' maye sa qauchoxoreñi nam shiỹaxauapi maye huo'o da lhuenaxanaxa, qataq huetaiya' qanqa'eñi na choxoraqpi ana 'alhua,

Amós 4:1

Ña qana'axaỹaxañiỹa de'era na'aqtac, qami' maye qoñeeta'am ana huacapi ye Basán, qami' 'alpi maye Samaria lashepi, maye huetaiya' naxa qanqa'eñi na choxoraqpi, qataq qaica ca nyacnataguec qanqa'eñi nam huo'o da lhuenaxanaxa, qataq qauamaqaitac naxa nam qarhuaipi, qoñiita': «Ña qandoiuo cam qaraquip lataxa».

Isaías 24:2

Qaq nache 'eetec qome nataqa'en na ntaxaỹaxanaxanecpi, qataq na nhuo' le'ecpi, 'aco', nlatac, 'acoro, qataq aca nlata, ca nmeetac, qataq ca demenaxaatac, qataq cam qaỹa'aalaxanot, qataq cam da'aalaxan, qataq cam navigaqtaxanaxala', qataq cam huo'o aca lavigaxaiste.

Santiago 5:4

Qami' saishet da qaushiichiñi añi lasheue ye 'oonolec ca'agoxoic na qaro'onataxanaxanequi. Qaq Ñim Nataxala' maye qaica ca 'ena'am da la'añaxac hua'aqtega da nqui'ic qataq da lquiquiaxac namayepi. Ana'ana qo'omi maye qarsheetenaxanaqchi ctaxa, nachana ana ỹa'axat da huo'o da qarasouaxashechi qom qauataiỹot Ñim Lo'onatac 'Enauacna.

Amós 2:6

Qaq Ñim Nataxala', 'eeta': Na Israel le'ecpi ỹataqta qalota nam qauem ỹo'otpi, ỹoqo'oye saishet qome da saxaañi da sauo'o ca nhuaxanaguec, cha'aye imen co'ollaxa nam no'on da lataxac nache ỹataqta saq 'amaqtaq ana lasheue plata, qataq da imen na choxoraqpi, qalaq 'eeta'am da lashiichiỹaxac ca pela'.