Proverbios 22:5 - La'aqtaqa Ñim Lo'onatac 'Enauacna 2013

⁵ Na qauemaicpi qalaq huetangui ca llec ana ỹaxat qataq ana nqoinapi, qaq ca ntela'a da nachaalataxac qalaq ishet da dashelec anamayepi.

Proverbios 22:5 Referans Kwoze

Proverbios 15:19

Da nqa'aicỹaxac ca hualaic qalaq nlaqtegue ana le, qaq da llecỹaxac ca no'on da lataxac qalaq no'oitegue.

1 Juan 5:18

Saỹatenaq da nam llalaqpi Ñim Lo'onatac 'Enauacna saishet da ỹo'ot ca lasouaxashet, cha'aye So Jesucristo maye Llalec Ñim Lo'onatac 'Enauacna ntela'a namayepi, qaq som pa'aguenataxanaxaic saishet da ishet da huo'o ca ỹo'otec qauem namayepi.

Proverbios 16:17

Da llecỹaxac ca no'on da lataxac, qalaq qaỹoqtaique naqa'en na qauem, qaq ca ntela'a da maiche no'on lataxac qalaq maiche ntel-la't.

Proverbios 19:16

Ca ỹalaxaguet da namaxasoxonaxac qalaq ntela'a da maiche nachaalataxac, qaq ca ỹo'otan da lapaxaguenataxanaxac Ñim Nataxala', qalaq camaye ileu.

Proverbios 13:15

Naua qailoteguelo na'aqtaqa ỹo'ot da qaỹauotec ca shiỹaxaua, qaq da llecỹaxac na saipaguelguete naua la'aqtaqa qalaq taỹa'a da nlaguiñi.

Da na'aqtaguec so Job 18:8

Qaq ca llec qalaq huetangui na ncoñetaxanaxat, huaña nache lpachigui ca nqoinaxanaxat.

Proverbios 13:3

Ca ilo'oguelo naua la'aqtaqa qalaq maiche ntela'a da nachaalataxac, qaq ca qalota na la'aqtacpi qalaq maiche nlaxattapeguela't.

Salmos 91:1

Ca shiỹaxaua maye huetaigui da ltelaqtaxanaxac Ñim Nataỹaña 'enauacna, nache Ñim Qaica ca Ỹaqalanapec ipelteetalec camaye.

Salmos 11:6

Qataq talec naqa'en na qauemaicpi, na auot maye 'eeta'am ana 'ettaigui poqo qataq na 'ettaigui quiquiaxaraic, qataq anacot ca la'at maye ỹavigaxat 'enauacna, da ỹanem namayepi da 'itchiguiñi nhuaxanaguec.

Josué 23:13

nache Ñim Nataxala' maye Qanatamnaxala'ai saishet da qauauañiichigui naqa'en qome da ỹo'orauec ne'ena shiỹaxauapi, nacherata da do'onataxana qome namayepi da 'eeta'am ca naleguec, qataq aca nqoina da yaqto' qami' noxonqa, qataq 'eeta'am ca nhuaxanaxanaxat da qaỹalasheelec na qarlaqai, qataq 'eeta'am aca ỹaxat da taiguilo naua qara'ai'chilli', nache ivitta'a da ỹataqta qaica ca no'onañi da qoñiita da hueta'a ne'ena no'on 'alhua maye qami' ỹanema Ñim Nataxala' maye Qanatamnaxala'.

Proverbios 22:4

Da qaica ca na'amaqchec qataq da huo'o naq 'enec qanqa'en Ñim Nataxala', nachera da chegaqaigui da nsallaxa, ño'oxoyec qataq da nca'alaxa.

Proverbios 29:6

Ca qauemaic qalaq que'emaxama naua maiche lqoinaxanaxaco, qaq ca ỹale no'on da lataxac qalaq nda'a't da machiguiñi.

Proverbios 4:19

Qaq so nqa'aic na qauemaicpi qalaq napalñi, qataq saishet da ỹaỹaten ca quia'aqaisop.