Proverbios 22:2 - La'aqtaqa Ñim Lo'onatac 'Enauacna 2013

² Ca sallaxanec qataq ca choxoraq caamaye nache 'eeta'a't, cha'aye caamaye maiche lo'onataqa Ñim Nataxala'.

Proverbios 22:2 Referans Kwoze

Da na'aqtaguec so Job 31:15

Cha'aye nacheñita Ñim Lo'onatac 'Enauacna da qomi' lo'onatacpi co'ollaq ñaq sonaqtaigui na lauel aso qomi' deco'oic. Nache namayepi qataq aỹem nache shenaqta'a't da qomi' ỹanema da qarca'alaxa.

Proverbios 14:31

Ca qaica ca naigui naqa'en ca choxoraq qalaq camaye inogoqchet Ñim Lo'onatac 'Enauacna, qalaxaye Ñimaye ỹo'oxoren ca ichoxoren ca choxoraq.

1 Samuel 2:7

Ñim Nataxala' ishet da qomi' choxora'q naqa'en, qataq da qomi' sallaxanqa, qataq ishet da souaqañi naqa'en qataq da qomi' ỹanaxanaxaayishegue'm.

Proverbios 29:13

Ca choxoraq qataq ca sa dechoxonnataxan caamaye nache 'eeta'a't, cha'aye Ñim Nataxala' ỹanema caamaye da huo'o da lmeenaxanaxa'c.

Da na'aqtaguec so Job 34:19

Qaq Ñim saishet da lca'atagui na llalaqpi na nta'alpi, qataq saishet da ỹapagaqnauec da ỹauotec na sallaxanecpi, cha'aye namayepi nache 'eeta'am na choxoraqpi, cha'aye Ñimaye saishet da 'eetec de'era, cha'aye 'enauac namayepi maiche lo'onatacpi.

1 Corintios 12:21

Qaq ỹoqo'oye ana na'aite sa ỹañoxot da 'enapega na nhuaq da 'eeta': «'Am sa seuen.» Qataq na nqaic sa ỹañoxot da 'enapegalo naua napia'ate da 'eeta': «Qami' sa seue'n.»