Proverbios 22:12 - La'aqtaqa Ñim Lo'onatac 'Enauacna 2013

¹² Ñim Nataxala' ỹataqta nauaatalec da naỹaanec, qalaxaye saipaigui naqa'en na la'aqtacpi ca shepecaic.

Proverbios 22:12 Referans Kwoze

2 Crónicas 16:9

Qaq cha'aye da lmeenaxanaxac Ñim Nataxala' ilotalec 'enauac ana 'alhua, da yaqto' itauan cam ỹataqta ỹa'amaqten Ñimaye. Qalaxaye 'am, de'era 'auo'ot qoneta'am ca huo'o da aloic, qaq ỹoqo'oye nagui, nache de'era taỹa'ague da 'aro'onataxanaxac, qalota qome na alaataxacpi.»

2 Ts 2:8

Huaña qome, nache nachaxan que'eca ỹale qauemaic, nache So Qarataxala' Jesús ilaxachigui camaye, irolec na la'at qom ncosaueegue da iquetetot camaye qom nvi' da nactaigui da llo'oxoyec.

Hechos 5:39

Qalaxaye damaye da huo'otaq nacheñi Ñim Lo'onatac 'Enauacna da chegoqo'ot, nache qami' saishet da qauañoxoche da qanlaxachiiñi. Ỹoqo'oye qarvichiỹalec de'era. Cha'aye da nache qoñiitec de'era, nache qami' qanpa'aguiñiitague' Ñim Lo'onatac 'Enauacna.

Proverbios 11:3

Na no'on da lataxac qalaq taỹa'a da no'oitegue da llecỹaxac, qaq na saq ỹataxalec da lataxac qalaq ilaxachigui da maiche lle'etaxaloxo.

Proverbios 22:11

Ca nta'a ỹauotec ca huesota da lquiyaqteỹaxac, qataq ishet da nauochaxaua ca no'o'n naua la'aqtaqa.

Proverbios 22:13

Ca hualaic da nshetaique da sa do'onataxan, nache 'eeta': «Huo'o ñi llon netangui na nqa'aic ishet qome da aỹem ỹalauat.»

2 Reyes 6:9

Huaña, nache so Eliseo, ỹamaxa da la'aqtac so nta'a ye Israel, 'eeta': «Saishet qome da 'ateuga yi'iye 'alhua, cha'aye ye siiriopi taỹa da naña yemaye.»

Nehemías 4:9

Huaña nache qomi' ñatamnaqot Ñim Qanatamnaxala', qataq sauoqo'o so qanalleppi da yaqto' qomi' nauaataleguete ye na'a'q qataq ye pe.