Proverbios 22:11 - La'aqtaqa Ñim Lo'onatac 'Enauacna 2013

¹¹ Ca nta'a ỹauotec ca huesota da lquiyaqteỹaxac, qataq ishet da nauochaxaua ca no'o'n naua la'aqtaqa.

Proverbios 22:11 Referans Kwoze

Mateo 5:8

Ñim Lo'onatac 'Enauacna ỹaalec da nqouagaxa nam qui'itta da lquiyaqteỹaxac, cha'aye namayepi nauane' qome Ñim Lo'onatac 'Enauacna.

Proverbios 16:13

Na nta'alpi ỹaỹamaxareeta ca no'o'n naua la'aqtaqa, qataq 'eesora naua la'aqtaqa.

Proverbios 14:35

Ca nlatac maye sanqalat camaye lauotaxat ca nta'a, qaq ca 'enaqaic qalaq lquiỹaxat camaye.

Salmos 101:6

Qalaxaye huetalec qome da imeenaxanaxac, na laxaraicpi maye netalec ana 'alhua yaqto' iuoreuapi, qaq ca quetague' da ñecỹaxac maye nalochiguiñi, nacheca qome ca aỹem do'onataxaatacot.

Salmos 45:2

Da 'aryacỹaxac ỹataqta napacalec na laỹe ỹalleppi, qaq na 'ap qalaq chegaqaiguilo naua no'oñi na'aqtaqa, ỹoqo'oye Ñim Lo'onatac 'Enauacna nache 'eetai' da 'am huetalec naqa'en da lchoxonnataxanaxa.

Lucas 4:22

Nache 'enauac qaỹo'oxoreetac So Jesús, qataq ỹataqta qaỹa'aalatapeguec souaxat naua la'aqtaqa ỹataqta ỹaguec da ỹaỹamaqchiyiñi. Nache nnattega't somayepi, 'eeta': –De'era, ¿peta'a sa nachero' da llalec so José?

Daniel 3:30

Qaq ime, nache so nta'a ỹanema se'esoua tres nsoxorolqa, so ỹataqta 'amaqtaq lo'onataxanaxac yem 'alhua ye Babilonia.

Ester 10:3

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.

Salmos 24:4

Qomye nachecata ca qui'itte' naua lhua'q qataq ỹaỹamaqta da lquiyaqteỹaxac, qataq saishet da natameetacot na nqolacpiolec, qataq saishet da ỹanot ca la'aqtac nam saq 'en atamnaxala'pi.

Proverbios 22:12

Ñim Nataxala' ỹataqta nauaatalec da naỹaanec, qalaxaye saipaigui naqa'en na la'aqtacpi ca shepecaic.

Eclesiastés 10:12

Naua la'aqtaqa ca ỹaanaxanaxaic ỹataqta nlaqchiguilo da 'achecỹaxac, qaq cam qaica ca ỹaỹaanapec qalaq maiche que'emaxama naua la'aqtaqa.

1 Reyes 4:5

Qataq so Azarías, som llalec so Natán, maye lataxala' na nta'alpi, qataq so Zabud, som llalec so Natán, maye ntaxaỹaxanaxanec qataq ỹanem naxa na lqataxacpi so nta'a,