Proverbios 22:1 - La'aqtaqa Ñim Lo'onatac 'Enauacna 2013

¹ Ỹataqta ỹactec da huo'o naq naigui da no'on na'aqtaguec ca shiỹaxaua qaq saq 'ena'am ca nsallaxa, qataq da no'on da na'aqtaguec ca shiỹaxaua saq 'ena'am ca qalota oro qataq plata.

Proverbios 22:1 Referans Kwoze

Eclesiastés 7:1

Ỹactec da ỹaỹamaqchiguiñi da no'on da na'aqtaguec cam shiỹaxaua, qaq saq 'ena'am cam ỹataqta no'on coraxat. Ỹactec da no'on cam na'a'q maye huetoigui ca nleuaxa, qaq saq 'ena'am cam na'a'q maye huetoigui da nañoxoc.

Lucas 10:20

Qalaxaye saishet da qantoñiitapeguec da mashe qami' ỹalaxagueta na saqcha'a na'añaxac leguemaxaicpi, nachaqrata qome da qantoñiitapeguec da mashe qoỹettauo da qare'enaxache da piguem.

1 Reyes 1:47

Qataq so nta'alpi maye ltauapi so nta'a David, taua'a somaye da iquin, qataq da dashelaxaalec so Salomón da Ñim Lo'onatac 'Enauacna, ỹataqta nquigaxatec qome da lo'onataxanaxac somaye, da napacalec naqa'en da lo'onataxanaxac ñi David. Qaq ỹoqo'oye ñi David, nache netalec ye lmala' da ỹo'oxoren Ñim Lo'onatac 'Enauacna.

Filipenses 4:3

Qataq 'am ỹo'onataxanaxaua maye saishet da aỹem 'aỹotec, 'am shenapega da 'autaua'n qome que'ecaua qarqaỹa't, cha'aye caamaye ỹataqta qalota da ltaunaxanaxa'c aỹem, da sa'axattac da nca'alaxa, nataqa'en ca Clemente qataq cam laỹepi ỹo'onataxanaxauapi de'era qaro'onataxanaxac. Qaq Ñim Lo'onatac 'Enauacna mashe ỹerelec aca naneraxalate na chochaq tatec da lca'alaxa, nam le'enaxatpi namayepi.

Hechos 7:10

Nache ỹeltaxaneguet 'enauac na nque'eenaxaguesat, qataq ỹanem da laỹaanec qataq ỹo'otec so Faraón da ỹataqta ỹaỹamaxareeta somaye, ỹoqo'oye ỹanagui so José da nta'a da ilo'ogue ye 'alhua Egipto, qataq ilo'ogue so lma' somaye.

Hebreos 11:39

Qaq Ñim Lo'onatac 'Enauacna qalaq ỹaỹamaxareeta somayepi, cha'aye huo'o da lpi'iỹaxac. Qalaxaye somayepi saishet da huo'o ca ỹaconeguet dam ỹachaxanapec co'ollaxa Ñimaye.

Proverbios 10:7

Ca ỹale no'on da lataxac da qaiuennate qalaq huo'o da nchoxonnataguec, ca qauemaic qalaq saqaỹaloq da qaicoua'ai.