Proverbios 21:8 - La'aqtaqa Ñim Lo'onatac 'Enauacna 2013

⁸ Da lataxac ca qauemaic namaqtapigui qataq saq ỹataxalec, qaq na ỹo'otpi ca shiỹaxaua ỹo'oxoraic qalaq ỹaỹamaqchiguiñi.

Proverbios 21:8 Referans Kwoze

Proverbios 2:15

qataq quetague' so nqa'aic namaqtapigui, qataq dasheueeguesop so ỹaỹamaqchiguiñi nqa'aic.

1 Juan 3:3

'Enauac nam iuattaique qataq huo'o da lpi'iỹaxac da 'enauac ipacchigui de'era, nache ỹataqta ỹauo'o da na'añaxataxac da ỹo'ot ca ỹaỹamaqchiguiñi, 'eeta'am da 'eetec co'ollaxa So Jesús.

1 Juan 2:29

Qaq cha'aye qami' mashe sogote da qauaỹaañita da So Jesucristo ỹo'ot 'enauac nam ỹataqta ỹaỹamaxareeta Ñim Lo'onatac 'Enauacna. Qaq ỹoqo'oye nataqa'en iuen da qauaỹaañi da 'enauac nam ỹo'ot ca ỹaỹamaxareeta Ñim Lo'onatac 'Enauacna, nache namayepi ỹataqta llalaqpi Ñimaye.

Tito 3:5

na'aictaxa qomi' da qaica ca ỹaỹamaqchiguiñi da so'otaq, qalaxaye maiche chegoqchigui da qui'itta lsoxoyec Ñimaye, da qomi' nca'alaxatre'c, qataq qomi' iỹoi' qataq qomi' naralaxa't. Ime, nache qomi' ỹanema da dalaxaic achaalataxac ỹachegoxotchigui naqa'en So Saqcha'a Na'añaxac Qui'itta.

Tito 3:3

Cha'aye nataqa'en qomi' co'ollaxa soua hua'au' na'axa'te, qomi' qaica ca saỹaanaqpec qataq qomi' qauemaiqa, sesomaqtac qataq qomi' l-lataqa na ỹotta'a't qarqopitaxanaqtaicpi. Souaqtaigui na qauemsat qataq da nquiỹaxanaqtaic qataq seviraqta'a da ñepa'aguenaqta'a't.

Tito 1:15

Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

1 Corintios 3:3

cha'aye ñaq 'eetalec da qoquiitaigui da qarapachiỹaxaqui. Ỹoqo'oye ña qannoita'a't, qataq qancotaitega't. Qaq 'era da qoñiitec da qaỹaỹaten da saishet da qoquiitaigui da lataxac So Saqcha'a La'añaxac Ñim Lo'onatac 'Enauacna, qataq qoñiita'am da lataxac ca shiỹaxaua maye ca'attague' ca 'eetapeguec da lapacheỹaxac.

Hechos 15:9

Ñim Lo'onatac 'Enauacna saishet da qomi' lca'ataguilo, da yaqto' iỹotauga namayepi, cha'aye namayepi nataqa'en qaỹapalaxat na lasouaxashetpi co'ollaq ỹa'amaqten So Jesús.

Mateo 12:33

Aca qo'oipaq da huo'otaq no'on, nache acamaye ỹataqta no'on da alaỹaxac. Qataq aca qo'oipaq da huo'otaq qauem, qaq nataqa'en qauem da alaỹaxac. Qaq ỹoqo'oye da yaqto' qaỹaỹaten aca qo'oipaq da 'onaxai huo'otaq qauem, nache qaimeten da alaỹaxac. Qaq nache 'eetec nataqa'en ca shiỹaxaua da yaqto' qaỹauatton da 'onaxaic huo'otaq qauem, nache qaimeten nam ỹo'otpi.

Mateo 5:8

Ñim Lo'onatac 'Enauacna ỹaalec da nqouagaxa nam qui'itta da lquiyaqteỹaxac, cha'aye namayepi nauane' qome Ñim Lo'onatac 'Enauacna.

Daniel 12:10

Qalota cam huetaigui qome que'eca que'eenaxac maye qaỹa'axatta'a, qalaxaye nache chegoqtoigui qome camaye da qui'itta, qataq no'on da lataxac. Qaq cam qauemaicpi qalaq queto'ot qome da ỹo'ottac nam qauemsat, qaq saishet qome da ỹaỹaten que'eca qanayeuaigui, qalaxaye cam ỹaanaxanaxaicpi, qalaq ỹaỹaten qome 'enauac camaye.

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Eclesiastés 7:29

Qaq nachaqrata da selalec da Ñim Lo'onatac 'Enauacna, ỹo'ot co'ollaxa da nalochiguiñi da lataxac so shiỹaxaua, qalaxaye maicheso da nmitaique da na'axat dam nachaalataxac.

Proverbios 30:12

Qataq huo'o na ipi'itaxaatega da qui'itta da lataxac, qalaxaye saishet da iỹouec na ishepaxanaqchet da lataxac.

Proverbios 15:26

Ñim Nataxala' saisheteguet na lhuennataxacpi na qauemaicpi, qalaxaye ỹamaategueta naua na'aqtaqa 'onaxaiqa.

Génesis 6:12

cha'aye 'enauac so shiỹaxauapi da qauemaicpi. Qaq Ñim Lo'onatac 'Enauacna co'ollaq ila'a da nlaqtelec na qauem ana 'alhua,

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

Proverbios 21:9

Na'aictoxo' da qanayeeta'a aca lallemaqhuo na pa'asheguem ca nỹec, qalaxaye saq 'ena'am da qanayeetaigui ca lta'araic nỹec da nhuoreua aca 'alo maye petaxai.

Isaías 26:7

Da llecỹaxac na no'on da lataxac qalaq no'oitegue, 'Am Nataxala', 'analoqchichiguiñi da llecỹaxac namayepi.

Isaías 59:8

Namayepi saỹauatton so nqa'aic maye huo'o da nlagaxayec, nam ỹo'ottacpi qalaq qaica ca ỹaỹamaqchiguiñi. Naua nqa'aico maye quetagueto qalaq namaxaguilo, qaq cam quetague' namayepi qalaq saishet da ỹanata ca nlagaxayec.