Proverbios 21:7 - La'aqtaqa Ñim Lo'onatac 'Enauacna 2013

⁷ Na qauemaicpi qalaq nlaxaañi da maiche nloquiaxac, souaxat da saishet da ỹo'ot da nalochiguiñi lataxac.

Proverbios 21:7 Referans Kwoze

Proverbios 21:21

Ca quetegue da no'on nataxac qataq da nchoxonnataxanaxa, qalaq camaye ỹanata da lca'alaxa, naỹamaxa qataq ño'oxoyec.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Ezequiel 18:18

Qaq cam lta'a maye qaica co'ollaxa ca iren, qataq decachetac, qataq ỹo'ottac na qauem da ỹalectaigui na lauo' le'ecpi, camaye huo'o qome da nhuaxanaguec nache ileu souaxat na lasouaxashetpi.

Jeremías 7:15

Nache Aỹem qami' so'oldauec qome, 'eeta'am co'ollaq da so'orauec so qarqaỹaipi maye chegoxoguet so Efraín.»

Proverbios 10:6

Ca ỹale no'on da lataxac camaye talec da na'achecỹaxac, cam qauemaic qalaq ipa'axaañi da nloquiaxanataguec.

Salmos 9:16

Ñim Nataxala' nachaxan da yaqto' qaỹauatton, souaxat da ỹo'ot na ỹaỹamaqchiguiñi lataxac, qaq na qauemaicpi qalaq tangui aca lqoina maye maiche lo'onata.

Salmos 7:16

Qaq nam qauem maye ỹo'ottac maiche talec qome namayepi, qataq maiche que'emaxam qome da l-loquiaxac.

Amós 5:7

Qaq choxoraxaso' nam shiỹaxauapi maye nmeneguet naqa'en da ỹaỹamaqchiguiñi lataxac nam qauemsat, nache ỹasaxaiya' da nalochiguiñi lataxac.