Proverbios 21:4 - La'aqtaqa Ñim Lo'onatac 'Enauacna 2013

⁴ Naua na'ai'te ño'oxonnaxaiqa qataq da toonaxac maye na'amqaanaxaic, qataq da lhuennataxac na qauemaicpi damaye ỹo'ot na nasouaxashet.

Proverbios 21:4 Referans Kwoze

1 Pedro 5:5

Qaq nache 'ena'am nataqa'en qami' nsoxoppi, ỹataqta qaualaqaiguet ca la'aqtac na lataxala'pi na ỹa'amaqten So Jesús. Qataq 'enauac da qoñiita saishet da qana'amaqchiñi, cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ñim Lo'onatac 'Enauacna ỹataqta dataỹa'aguet na na'amqaanaxaicpi, qalaxaye ỹami' ca ntaunaguec nam saishet da na'amaqten.»

Proverbios 6:17

na'ai'te maye na'amqaanaxaiqa, qataq nachaxat maye shepecaic, qataq nhua'q maye ỹalaua't ca qaica ca ỹasouaxat,

Isaías 2:17

Na ño'oxonnaxaicpi qataq na na'amqaanaxaicpi ỹataqta imauec qome da qaica ca 'enec. Nacheñita Ñim Nataxala' da qaỹo'oxoren qome que'eca na'a'q,

Proverbios 8:13

Da huo'o naq 'enec qanqa'en Ñim Nataxala' qalaq nachera da ỹo'ot da qaỹaỹemec na qauem. Aỹem saỹemec da 'amqaanaxac qataq apagaqaanaxac, qataq da qauem nataxac qataq na qauema na'aqtaqa.

Romanos 14:23

Qalaxaye da huo'o ca lhuennataxac da deque'e huo'otaq saishet, nache camaye da chec que'eca nallec, nache na'aqchet, cha'aye saishet da lhuennataxac. Qaq qami' ỹataqta qauaỹachiñiita damaye da qauem, cha'aye 'enauac nam qaỹo'ot da dataỹa'aguet cam ỹa'amaqten ñi 'oonolec, nache ỹo'ot ca nasouaxashet.

Lucas 18:14

Qaq Aỹem shenapec da se'eso shiỹaxaua co'ollaq ỹe'eguelaxa ca lma', qalaq ỹataqta ỹaỹamaxareeta Ñim Lo'onatac 'Enauacna, qaq saishet da 'eeta'am so chegaqaigui na fariseopi. Cha'aye ca maiche na'amaqten, qaq Ñim Lo'onatac 'Enauacna nacheca cam qaica ca la'amaqchec naqa'en; qaq cam sa lateela't, qalaq Ñimaye nacheca cam 'amaqtaq naqa'en.»

Isaías 3:16

Ñim Nataxala' nataqa'en, 'eeta': «Na 'alpi maye Jerusalén lashepi maye na'amqaanaxaipi, da queuotapigui' qalaq ỹataqta nlotcheguem, qataq ño'oxonnaxaic da lmeenaxanaxac, qataq sa qaỹara'ache naua lqauaxaqui' da ỹo'ot da l-lamaxa na llo'oxoraxatpi naua lapia'ate,

Proverbios 21:27

Ñim Nataxala' ỹaỹemec aca lachetaqtaxanaqte na qauemaicpi, lamaaxa da qauem da qoỹaataigui da qoỹaneuo.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Salmos 10:4

Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.

Isaías 2:11

Nam na'amqaanaxaicpi qalaq nloguiñi qome, qataq nam napagaqaanaxaicpi qaica ca 'enec. Cha'aye nacheñita Ñim Nataxala' da qaỹo'oxoren qome que'eca na'a'q,

Proverbios 30:13

Qataq huo'o na ipi'itaxaatega da huo'o naq 'enec, nache ỹataqta na'amaqten da ilota'a ca lỹa.

Lucas 11:34

Naua la'ai'te ca shiỹaxaua, 'eeta'ama aca ncoỹaraxanaxaqui da icoỹarelec da lo'ocỹaxac. Qaq ỹoqo'oye, da lmeenaxanaxac da huesota qataq nvirauec da lauotaxanaqtaic, nache da yo'oqchiguiñi taigui da nachaalataxac. Qalaxaye da naua la'ai'te da quiỹaxanaqtaqaiqa qataq nvirauec da ño'oxonnaxac, nache da nachaalataxac ỹataqta imauec da napalñi.

Proverbios 24:20

cha'aye ca 'etaxaloxoic saishet da no'on ca loga't, qataq ca qauemaic 'eeta'am aca ncoỹaraxanaxaqui da 'om.

Da na'aqtaguec so Job 18:5

Ca qauemaic qalaq 'om aca lcoỹaraxanaxaqui, nache qaica ca le'eraxa ca l-le'.

Da na'aqtaguec so Job 18:6

Aca lcoỹaraqte ca lma' qalaq 'om, nache ca lma' saishet da 'ettalec.

Salmos 101:5

Ca nqañoxottañi da ỹasaxalec ca qauem la'aqtac ca lỹa, nache aỹem ñeuogaxa, saishet da nache queta ñaqa'en da ltaxaỹaxac, cha'aye aỹem sa sesheteguet ca na'amqaanaxaic da lmeenaxanaxac, qataq ca ño'oxonnaxaic da lquiyaqteỹaxac.

Salmos 131:1

'Am Nataxala', da iquiyaqteỹaxac saishet da ño'oxonnaxaic, qataq saishet da na'amqaanaxaiqa naua ỹa'ai'te, qataq sa ñemitta'a ca lta'araic ỹa'amaqchec, qataq ca ỹapaguec da llo'oxoyec maye sa ñaloua'a.

Proverbios 6:16

Huo'oi naua seis lataxaco maye saishetegueta Ñim Nataxala', qataq siete naua ỹataqta sa ihuoonegueta Ñimaye:

Isaías 10:12

Qaq Ñim Nataxala' qom imat 'enauac nam ỹo'otecpi qome añi qasoxonaxa Sión qataq ye Jerusalén, nache ỹauo'o ca nhuaxanaguec ñi nta'a ye Asiria souaxat da na'amaqchengui nam ỹo'otpi, qataq da ño'oxonnaxac qataq da napagaqaanaxac.