Proverbios 21:3 - La'aqtaqa Ñim Lo'onatac 'Enauacna 2013

³ Da qaỹo'ot ca no'on qataq ca nalochiguiñi lataxac, qalaq ỹaỹamaxareeta Ñim Lo'onatac 'Enauacna, qaq saq 'ena'am da qoỹaatapegueuo ana nachetaqtaxanaqtepi.

Proverbios 21:3 Referans Kwoze

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

Proverbios 15:8

Ñim Nataxala' saisheteguet aca lachetaqtaxanaqte na qauemaicpi, qalaxaye ỹamaateguet da natamnaxac na no'on da lataxac.

Marcos 12:33

Qataq iuen da sauotaxac Ñimaye, imauec da qarquiyaqteỹaxac, qataq sauotaxac na qarqaỹañicpi, 'eeta'am da 'eetec da qarauotaxanaqtaic da maiche qanachaalataxac. Qaq ne'enaua namaxasoxonaxaco ỹataqta qaica ca 'ena'ama da la'amaqche'c, saq 'ena'am da qaỹalaxaguet nam maiche lapaxañipi na shiỹaxauapi.

Salmos 50:8

Qalaxaye saishet da 'am sa'aloqchet souaxat na 'arachetaqtaxanaxatpi qataq souaxat na 'auavigaxat maye nache 'eetai' naxa da aỹem 'aỹa'aatacot.

Salmos 40:7

Qaq ỹoqo'oye aỹem shenapec: «Aỹem nagui soota'a ne'ena, cha'aye nache 'enapec ana nere maye ỹa'axa't da sheeta.

Zacarías 7:9

«'Era da samaxasoxoolec, 'eeta': Qami' da huo'o ca qanmiche qarỹai, qalaq iuen da qauo'ogoxoñiỹa dam nalochiguiñi lataxac, qataq da nauotaxanaqtaic qataq nchoxonnataxanaxa.